Home ធុរកិច្ច
ធុរកិច្ច
ប្រកបអាជីវកម្មបានជោគជ័យ ត្រូវពឹងផ្អែកលើជំនាញពិតប្រាកដ ភាពប៉ិនប្រសប់ ឱកាស និងកត្តាច្រើនយ៉ាងទៀត។ ភាពប៉ិនប្រសប់តែមួយមុខនោះ រាប់មិនអស់បាត់ទៅហើយ គឺគិតតាំងតែពីការស្គាល់មនុស្ស ដៃគូ ទស្សនវិស័យទៅខាងមុខ ភាពប្រថុយប្រថាន រហូតដល់សម្ដីសំដៅ និងអាកប្បកិរិយាផងទៀត។ ទោះបីភាពប៉ិនប្រសប់មួយចំនួនមានពីកំណើត ក៏មានលក្ខណៈសម្បត្តិជាច្រើនត្រូវបានគេសិក្សា តាក់តែងជាកម្រងគន្លឹះ ដែលអ្នកទាំងឡាយអាចយកមកត្រិះរិះ រៀនសូត្រ និងអភិវឌ្ឍសមត្ថភាពខ្លួនឯងបាន។ គំនិតមិនមែនជាអ្នកតាក់តែងគន្លឹះទាំងនេះ តែនឹងខិតខំស្វែងរកវា ពីគំនិតអ្នកប្រាជ្ញ ពីបទពិសោធន៍សេដ្ឋីនានា ពីជនឈានមុខ ជនហ៊ានប្រថុយប្រថាន និងជនដែលទទួលជោគជ័យ ជាពិសេសក្រោយខ្លួនបរាជ័យក្នុងពិភពធុរកិច្ច។
