1. អ្នកចង់និយាយអី្វក៏បាន តែកុំកុហក និងបោកប្រាស់គេឲ្យសោះ ពីព្រោះនៅពេលគេចាប់បាន អ្នកនឹងក្លាយទៅជាមនុស្សដែលគ្មានតម្លៃអ្វីទាំងអស់នៅក្នុងក្រសែភ្នែករបស់គេ។
2. ថ្ងៃទាំងអស់វានៅតែជាថ្ងៃ មិនមានអ្វីដែលប្រែប្រួលទេ ដែលផ្លាស់ប្ដូរនោះគឺចិត្តនិងអារម្មណ៍របស់អ្នកទៅវិញទេ មើលថែវាឲ្យបានល្អ កុំឲ្យវាឡើងចុះច្រើនពេក។
3. ចំណេះវិជ្ជាដែលរៀននៅសាលាមិនប្រាកដថាអ្នកត្រូវតែយកមកប្រើប្រាស់ទាំងអស់នោះទេ តែបើអ្នកមិនរៀន អ្នកក៏មិនអាចចេះអ្វីដែរ។
4. មនុស្សដែលចេះតែកាន់តែច្រើន គេក៏ដាក់ខ្លួនកាន់តែខ្លាំងដូចគ្នា។
5. អ្នកអាចនឹងមើលងាយចំណេះវិជ្ជា ព្រោះរៀនហើយមិនឃើញចេញអ្វីជាដុំកំភួន តែនៅពេលដែលអ្នកជួបនឹងមនុស្សអវិជ្ជា អ្នកនឹងអរគុណចំណេះវិជ្ជាដែលអ្នកកំពុងមានជាមិនខាន។
6. កុំសើចយំគេ ពេលឃើញគេខំព្រឹកខំល្ងាច យើងគួរភ័យនិងគិតពីខ្លួនឯងវិញថា នៅពេលចាស់ទៅយើងអាចមានសល់អីឬអត់។
7. ក្រុមមួយអាចដំណើរការទៅបាន ក៏ព្រោះតែភាពសាមគ្គីគ្នា និងភាពប្រឹងប្រែងរបស់សមាជិកម្នាក់ៗដែលខំបំពេញនូវតួនាទីរបស់ខ្លួនបានយ៉ាងពេញលេញ មិនមែនព្រោះតែមានយើងជាអ្នកគ្រប់គ្រង និយាយមួយម៉ាត់ពីរហើយក៏ជោគជ័យនោះទេ។
8. មានពេលខ្លះ យើងមិនចាំបាច់ត្រូវយល់ដឹងពេកទេ គ្រាន់តែធ្វើឲ្យបានល្អ និងខំឲ្យអស់ពីចិត្តទៅបានហើយ។
9. រឿងខ្លះ យើងកុំដឹងក៏ល្អដែរ ជៀសវាងការអន់ចិត្ត និងឈឺចាប់។
10. បើអ្នកឃើញគេអាក្រក់ហើយ អ្នកខំប្រឹងឲ្យលើសជាងគេទៀត បានន័យថាអ្នកក៏មិនខុសពីគេប៉ុន្មានដែរ។
11. រៀនរស់ កុំកំណាញ់នឹងនាំសេចក្ដីសុខ និងស្នាមញញឹមដល់អ្នកដទៃពេក ព្រោះយើងមិនដឹងទេថា ក្នុងមួយថ្ងៃៗ ពួកគេម្នាក់ៗបានជួបអ្វីមកខ្លះ។
12. កុំទម្លាប់រៀននិយាយកុហក និងយកលេសច្រើនពេក ព្រោះពេលមានបញ្ហាគ្មានអ្នកណាគេជឿយើងទេ។
13. មនុស្សមិនចេះខ្វះពាក្យថាទេ តែអ្នកមានសិទ្ធិបិទត្រចៀកមិនឲ្យស្ដាប់លឺបាន។
14. មនុស្សមិនមែនជាព្រះទេ គ្មានអ្នកណាដែលថាមិនចេះខឹងអន់ចិត្ត តែដែលអស្ចារ្យនោះអ្នកចេះគ្រប់គ្រងមិនឲ្យវារបូតធ្លាយចេញមកក្រៅបាន។
15. បើមនុស្សសុទ្ធតែមានសំណាងដូចគ្នាទាំងអស់ ម្ល៉េះមិនចាំបាច់មានកម្រិតជីវភាពនោះទេ។
