ព្រឹត្តិការណ៍ Super Bowl គឺជាការកម្មវីធីប្រកួតជម្រើសជើងឯកនៃក្រុមបាល់អោបថ្នាក់ជាតិរបស់សហរដ្ឋអាមេរិក ។ ការប្រកួតនេះមានរយៈពេល៣ម៉ោងនិងប្រហែល៣០នាទី។ គេប្រារព្ធការប្រកួតនេះមួយឆ្នាំម្តងនិងមានទីតាំងក្នុងទីក្រុងផ្សេងៗគ្នា។ គេសង្កេតឃើញថាជារៀងរាល់ឆ្នាំមុនពេលព្រឹត្តិការណ៍នេះមួយសប្តាន៍ Super Bowlបានក្លាយជាគោលដៅសំខាន់របស់បណ្តាសារព័ត៌មានក្នុងស្រុក។
គេអាចកំណត់បានថា Super Bowl គឺជាព្រឹត្តិការណ៍កីឡាដែលទទួលបានភាពគាំទ្រនិងល្បីល្បាញជាងគេនៅសហរដ្ឋអាមររិកដោយសារលក្ខណៈពិសេសដែលរួមផ្សំពីការប្រកួតយ៉ាងស្វិតស្វាញរបស់កំពូលកីឡាករថ្នាក់ជាតិ។ ទស្សនិកជនជាច្រើនត្រូវបានឆាបយកចំណាប់អារម្មណ៍ដោយការប្រគំកម្មវិធីកម្សាន្តដែលមានសភាពយ៉ាងគគ្រិកគគ្រេងក្រោមការបង្ហាញខ្លួននៃកំពូលសិល្បៈកររួមជាមួយការសម្អិតសម្អាងឆាកនិងទស្សនីយភាពយ៉ាងឥតខ្ជោះ។ បន្ថែមពីលើនេះ ស្ពតពាណិជ្ជកម្មដ៏អស្ចារ្យពីក្រុមនហ៊ុនយក្សក៏ចូលខ្លួនផ្តល់ភាពភ្ញាក់ផ្អើរនិងប្លែកភ្នែកមួយកម្រិតបន្ថែមទៀតផងដែរ!
ឆ្នាំនេះមានក្រុមហ៊ុនមួយចំនួនហ៊ានឲ្យថ្លៃជាមធ្យមទៅដល់៥លានដុល្លាសម្រាប់ដាក់ស្ពតពាណិជ្ជកម្ម៣០វិនាទី។ តើតម្លៃខ្ទង់លានដុល្លានេះសាកសមនឹងឲ្យក្រុមហ៊ុនចំណាយដែរឬទេ? បើយើងក្រឡេកមើលទៅស្ថិតិនៃចំនួនអ្នកទស្សនា ក្នុងឆ្នាំនេះចំនួនអ្នកទស្សនាមាន១១១.៣លាន ដែលស្មើនឹង១១១.៩លានក្នុងឆ្នាំ២០១៦ និង១១៤.៤លានក្នុងឆ្នាំ២០១៥ (យោងតាមការចុះផ្សាយរបស់ទស្សនាវដ្តីក្នុងស្រុកឈ្មោះ Fortune )។ ចំពោះស្ថិតិនេះ គេបានរាប់បញ្ចូលទាំងចំនួនទស្សនិកជនដែលទៅទស្សនាផ្ទាល់នៅទីប្រកួតនិងទស្សនាតាមកញ្ចក់ទូរទស្សន៍។ ស្ថិតិនៃចំនួនអ្នកទស្សនានៅរដូវកាលចុងក្រោយនេះមានចន្លោះ ១១០ដល់១១៥លាននាក់។
តាមរយៈតួលេខនេះយើងអាចទាញបានថាការចំណាយ៥លានដុល្លាដើម្បីបញ្ចូលស្ពតពាណិជ្ជកម្ម៣០វិនាទីក្នុង Super Bowl គឺស្មើរនឹងការចំណាយពី៤ទៅ៥សេនទៅលើអ្នកទស្សនាម្នាក់។
តាមរយៈតួលេខនេះយើងអាចទាញបានថាការចំណាយ៥លានដុល្លាដើម្បីបញ្ចូលស្ពតពាណិជ្ជកម្ម៣០វិនាទីក្នុង Super Bowl គឺស្មើរនឹងការចំណាយពី៤ទៅ៥សេនទៅលើអ្នកទស្សនាម្នាក់។ យោងតាមលោក Jeffrey Dorfman ដែលសរសេរនៅលើទស្សនាវដ្តីក្នុងស្រុកឈ្មោះForbesបានថ្លែងឲ្យដឹងថាថ្លៃធម្មតានៃការផ្សាយក្នុងកម្មវិធីshowល្បីៗរយៈពេល៣០វិនាទីត្រូវចាយអស់ប្រហែល២០០,០០០ដុល្លា ទៅ៥០០,០០០ដុល្លា ដោយមានចំនួនអ្នកទស្សនាត្រូវបានធានាពី២ទៅ៧លាននាក់។ ដូច្នេះវាស្មើរទៅនឹងការចំណាយពី៨ទៅ១០សេនដើម្បីបានអ្នកទស្សនាម្នាក់។ លោកបានបន្តទៀតថាការផ្សព្វផ្សាយនៅលើប្រព័ន្ធអីុនធឺណិតជាមួយវីដេអូត្រូវចាយអស់២៥ដុល្លា សម្រាប់ចំនួនអ្នកទស្សនា១០០០នាក់ដូច្នេះការចំណាយត្រូវអស់ ២.៥សេនដើម្បីបានអ្នកទស្សនាម្នាក់។ លោកបានបញ្ជាក់បន្ថែមទៀតថាការផ្សាយបែបនេះគឺមិនអាចទទួលបានព័ត៌មានរបស់អ្នកទស្សនាច្បាស់លាស់ទេ។ តាមការលើកឡើងទាំងនេះលោកទាញសេចក្តីសន្និដ្ឋានថាតម្លៃ៥លានដុល្លាសម្រាប់ស្ពត៣០វិនាទីនៅក្នុងព្រឹត្តិការណ៍ Super Bowl នេះសាកសមនឹងឲ្យក្រុមហ៊ុនចំណាយណាស់ដោយសារតែវាមិនថ្លៃនោះទេ(៤ទៅ៥សេន)បើប្រៀបធៀបទៅនឹងការចាយជាមួយកម្មវិធីshow ល្បីៗឬការផ្សាយតាមប្រព័ន្ធអីុនធឺណិត។
សេចក្តីសន្និដ្ឋានរបស់លោក Jeffreyសមហេតុផលក៏ប៉ុន្តែវាហាក់បីដូចជានៅមានចន្លោះខ្វះខាតទៅលើការសន្មតនិងតួរលេខដែលលោកលើកឡើង…
សេចក្តីសន្និដ្ឋានរបស់លោក Jeffreyសមហេតុផលក៏ប៉ុន្តែវាហាក់បីដូចជានៅមានចន្លោះខ្វះខាតទៅលើការការសន្មតនិងតួរលេខដែលលោកលើកឡើងទៅលើកម្មវិធីshow ល្បីៗឬការផ្សាយតាមប្រព័ន្ធអ៊ិនធឺណិត។ ជាក់ស្តែងប្រសិនបើយើងប្រឡេកមើលទៅកម្មវិធីshow ល្បីមួយរបស់ប៉ុស្តិ៍ CBSនៃសហរដ្ឋអាមេរិកដែលត្រូវបានគេស្គាល់ជា “The Big Bang Theory” មកដល់ត្រឹមខែមីនាកម្មវិធីនេះមានចំនួនអ្នកមើលជាមធ្យមកើនដល់១៦.៧លាន ហើយទៀតសោកការដាក់ស្ពតពាណិជ្ជកម្ម៣០វិនាទីមានតម្លៃត្រឹមតែ៣៤៤.៨២៧លានដុល្លាដែលស្មើរនឹង២សេនប៉ុណ្ណោះសម្រាប់អ្នកទស្សនាម្នាក់។ ម្យ៉ាងវិញទៀតការផ្សព្វផ្សាយនៅលើបណ្តាញសង្គម (Social Media) តាមបច្ចេកវិទ្យាថ្មីនៅលើអ៊ីនធឺណិតកាន់តែមានភាពងាយស្រួលនិងជាក់លាក់សម្រាប់បណ្តាក្រុមហ៊ុននានាក្នុងការកំណត់អតិថិជនគោលដៅ។ ឧទាហរណ៍ក្រុមហ៊ុនទាំងឡាយដែលធ្វើការផ្សព្វផ្សាយនៅលើបណ្តាញហ្វេសប៊ុកអាចកំណត់ថាក្រុមមនុស្សប្រភេទណាដែលគេត្រូវការនិងចង់បានក្នុងការឲ្យឃើញការផ្សព្វផ្សាយពាណិជ្ជកម្មរបស់គេ។ ចំណុចដែលអាចកំណត់មួយចំនួនមានដូចជា៖
- អាយុ
- ភេទ
- ចំណូលប្រចាំខែ
- តំបន់ភូមិសាស្ត្រដែលពួកគេរស់នៅ
- ចំណង់ចំណូលចិត្ត
- មនុស្សនៅលីវឬបានរៀបការ…ល។
បន្ថែម៖
ឯកសារយោង៖http://adage.com និង https://www.forbes.com/
