វេជ្ជបណ្ឌិត Robert Stickgold សាស្ត្រាចារ្យផ្នែកចិត្តសាស្ត្រ នៅសាលា Harvard Medical បាននិយាយថា គាត់អាចធ្វើបាន ដោយអាចដោះស្រាយបញ្ហានៅពេលគាត់គេងលក់។
សូម្បីតែ អាល់បឺតអាញស្តាញ និងថូម៉ាសអេឌីស៊ុន ក៏ពឹងផ្អែកលើពេលគេងដែរ ដើម្បីប្រមូលផ្ដុំនូវគំនិតធំៗមានភាពច្នៃប្រឌិត។ គំនិតច្នៃប្រឌិតរហ័សរហួនត្រូវបានរៀបចំឡើងសម្រាប់ដោះស្រាយបញ្ហា ហើយនោះជាមូលហេតុដែលស្មារតីរត់ឆ្លងកាត់បញ្ហាប្រឈមទាំងព្រឹកព្រលឹម និងអាចផ្តល់លទ្ធផលអស្ចារ្យ។
តើធ្វើបានដូច្នោះដោយវិធីណា? ខាងក្រោមនេះ ជាខ្លឹមសាររួមដើម្បីបង្ហាញបញ្ជាក់ពីដំណាក់កាលដែលអំឡុងពេលគេង វានឹងមានដំណើរការដោះស្រាយបញ្ហា។
វដ្តនៃការគេងមាន 5 ដំណាក់កាល
ទី1៖ គេងលក់ស្រួល ចលនាភ្នែកយឺត និងកាត់បន្ថយសកម្មភាពសាច់ដុំ។ ដំណាក់កាលនេះបង្កើតបានពី 4% ទៅ 5% នៃការគេងសរុប។
ទី2៖ ចលនាភ្នែកឈប់ ហើយរលកខួរក្បាលកាន់តែយឺតដោយមានរលកយ៉ាងលឿនម្តងម្កាល ហៅថាដំណេកមិនស្ងប់។ ដំណាក់កាលនេះបង្កើតបាន 45% ទៅ 55% នៃការគេងសរុប។
ទី3៖ រលកខួរក្បាលយឺតបំផុត ហៅថារលក delta ចាប់ផ្តើមលេចចេញមកដោយមានរលកតូចជាងនិងលឿនជាង។ នេះមានពី 4% ទៅ 6% នៃការគេងសរុប។
ទី4៖ ខួរក្បាលផលិតរលក delta ស្ទើរតែទាំងស្រុង។ ដំណាក់កាលនេះ ពិបាកក្នុងការដាស់នរណាម្នាក់ឱ្យភ្ញាក់ណាស់ ដែលគេហៅថា “ងងុយគេងខ្លាំង”។ មិនមានចលនាភ្នែកឬសកម្មភាពសាច់ដុំទេ។ មនុស្សភ្ញាក់ពីដំណេកខណៈពេលដែលគេងលក់ស្កប់ស្កល់ មិនមានការកែតម្រូវភ្លាមៗទេ ហើយជារឿយៗមានអារម្មណ៍វង្វេងស្មារតីអស់រយៈពេលជាច្រើននាទីបន្ទាប់ពីភ្ញាក់ពីដំណេក។ នេះបង្កើតបានពី 12% ទៅ 15% នៃការគេងសរុប។
ទី5៖ ដំណាក់កាលនេះត្រូវបានគេស្គាល់ថាជាចលនាភ្នែករហ័ស (REM) ការដកដង្ហើមលឿនជាងមុនមិនទៀងទាត់និងរាក់ភ្នែកកន្ត្រាក់យ៉ាងលឿនតាមទិសដៅផ្សេងៗនិងសាច់ដុំអវៈយវៈខ្វិនជាបណ្តោះអាសន្ន។ ចង្វាក់បេះដូងកើនឡើង សម្ពាធឈាមកើនឡើង។ នៅពេលមនុស្សភ្ញាក់អំឡុងពេលគេង REM ពួកគេច្រើនតែពណ៌នារឿងនិទានចម្លែកនិងមិនសមហេតុផល។ ទាំងនេះគឺជាក្តីសុបិន្ត។ ដំណាក់កាលនេះមានពី 20% ទៅ 25% នៃពេលវេលាគេងសរុប។
របៀបខួរក្បាលដោះស្រាយបញ្ហាអំឡុងពេលគេង
វេជ្ជបណ្ឌិត Robert Stickgold បាននិយាយថា នៅពេលដែលអ្នកចូលគេង ខួរក្បាលនឹងធ្វើលំហាត់ប្រាណនិងគិតស្រមៃតាមព្រឹត្តិការណ៍ប្រចាំថ្ងៃដោយឃើញអ្វីដែលមិនទាន់បញ្ចប់ ឬអ្វីដែលមានភាពភ្ញាក់ផ្អើលជាដើម។ ខួរក្បាលប្រើការចងចាំ ជាសញ្ញាសម្គាល់ដើម្បីសូចនាករថាព្រឹត្តិការណ៍ណាសំខាន់ ហើយមានចំណុចណាដែលត្រូវដោះស្រាយ។ សំខាន់ខួរក្បាលកំពុងនិយាយថា “ខ្ញុំគិតថាខ្ញុំអាចជួយអ្នកបាន” ។
នៅពេលអ្នកចូលដល់ដំណាក់កាល REM នៃការគេង ប្រព័ន្ធប្រសាទណឺរ៉ូនហ្វីន និងសេរ៉ូតូនីនត្រូវបានបិទ។ Norepinephrine បង្កើនការផ្តោតអារម្មណ៍លើបញ្ហាជាក់ស្តែងភ្លាមៗ។
សរុបមក មនុស្សម្នាក់ៗ ត្រូវតែសម្រាកនិងគេងឱ្យបានគ្រប់គ្រាន់ ដើម្បីសម្រួលអារម្មណ៍ សម្រាកកាយ សម្រាកខួរក្បាល បន្ទាប់ពីសម្រាកបានគ្រប់គ្រាន់ ខួរក្បាលនឹងដំណើរការកាន់តែល្អ និងមានរឿងរ៉ាវជាច្រើនដើម្បីជួយដោះស្រាយអ្នកបន្ថែមនៅពេលភ្ញាក់ពីដំណេក។
