TikTokបានចាប់ផ្តើមក្លាយជាបណ្តាញសង្គមដ៏ពេញនិយមសម្រាប់ការផ្សាយជាមួយនឹងអ្នកប្រើប្រាស់យ៉ាងច្រើនសំបើមរហូតទៅដល់ជាង៦លាននាក់នៅក្នុងប្រទេសកម្ពុជា ដោយសារតែវាមានក្ខណៈពិសេសដែលអនុញ្ញាតឱ្យអ្នកផ្សព្វផ្សាយបង្កើតមាតិកាដែលទាក់ទាញ។ ខាងក្រោមនេះគឺជាវិធីមួយចំនួនដើម្បីប្រើប្រាស់ TikTok សម្រាប់ការផ្សព្វផ្សាយ៖
បង្កើតមាតិកាដែលគួរឱ្យចាប់អារម្មណ៍ និងប្រកបដោយភាពច្នៃប្រឌិត៖ អ្នកប្រើប្រាស់ TikTok ត្រូវបានគេស្គាល់ថាពួកគេចូលចិត្តវីដេអូច្នៃប្រឌិត កំប្លែង និងកម្សាន្ត។ ត្រូវប្រាកដថាខ្លឹមសាររបស់អ្នកស្របនឹងតម្លៃទាំងនេះ និងលើកទឹកចិត្តអ្នកប្រើប្រាស់ឱ្យចូលរួមជាមួយម៉ាករបស់អ្នក។
ប្រើប្រាស់មុខងារពិសេសរបស់ TikTok៖ TikTok ផ្តល់នូវមុខងារដូចជា AR filters, lip-sycing, និង effectsជាច្រើន ដែលអាចជួយឱ្យការផ្សាយពាណិជ្ជកម្មរបស់អ្នកលេចធ្លោ និងទាក់ទាញអ្នកប្រើប្រាស់។
ធ្វើការជាមួយ TikTok Influencers៖ ការចាប់ដៃគូជាមួយអ្នកមានឥទ្ធិពលនៅលើបណ្តាញសង្គម TikTok អាចជួយអ្នកឱ្យផ្សាយដល់អតិថិជនជាច្រើន និងទាក់ទាញការចូលរួមពីសំណាក់ពួកគាត់។ យុទ្ធសាស្ត្រទីផ្សារ Influencer គឺយុទ្ធសាស្ត្រកំពុងតែចាប់ផ្តើមពេញនិយម និងអាចជួយបង្កើនស្គាល់អំពីម៉ាក ដែលអាចជួយឲ្យអ្នកនាំមុខគូរប្រជែង និងជំរុញការលក់បានកាន់តែច្រើន។
ប្រើ hashtags និងការប្រកួតប្រជែង៖ TikTok គឺជាបណ្តាញសង្គមដែលបត់បែនតាមទំនោរសង្គម ការប្រកួតប្រជែងដើម្បីកម្សាន្ត និងការប្រើ hashtags។ អ្នកអាចបង្កើតមាតិកាបែបប្រណាំងប្រជែងដែលកំពុងតែពេញនិយម និងប្រើប្រាស់ hashtags ដើម្បីឈានទៅដល់ទស្សនិកជនកាន់តែច្រើន។
ពិចារណាលើការផ្សាយពាណិជ្ជកម្មលើ TikTok៖ TikTok ចាប់ផ្តើមផ្តល់សេវាកម្មផ្សព្វផ្សាយដូចនៅលើបណ្តាញសង្គមFacebook ផងដែរ ដោយមានប្រភេទ និងទម្រង់នៃការផ្សព្វផ្សាយច្រើន ។ ជ្រើសរើសទម្រង់ផ្សាយពាណិជ្ជកម្មដែលស័ក្តិសមបំផុតទៅនឹងគោលដៅទីផ្សាររបស់អ្នក និងទស្សនិកជនគោលដៅរបស់អាជីវកម្មអ្នក។
ត្រូវចងចាំជានិច្ចថា អ្នកត្រូវតែអនុវត្តជាប់ជានិច្ចដោយការវាស់ស្ទង់លទ្ធផលរបស់ការផ្សព្វផ្សាយអ្នក និងកែសម្រួលយុទ្ធសាស្រ្តរបស់អ្នកដោយផ្អែកលើអ្វីដែលដំណើរការល្អបំផុត។
