“សេដ្ឋកិច្ចពណ៌ផ្កាឈូក ឬសេដ្ឋកិច្ចឥន្ធូសកលលែងជាទីផ្សារតូចទៀតហើយ។ ទីផ្សារនេះគឺជាកម្លាំងដ៏មានឥទ្ធិពលដែលទាមទារការយកចិត្តទុកដាក់ជាយុទ្ធសាស្ត្រពីអាជីវកម្មទូទាំងពិភពលោក។ យោងតាម LGBT Capital កម្លាំងចំណាយប្រចាំឆ្នាំនៃក្រុមអ្នកប្រើប្រាស់ LGBT+ (LGBT-GDP) បានឈានដល់ចំនួនដ៏គួរឱ្យចាប់អារម្មណ៍គឺ ៤.៧ ទ្រីលានដុល្លារអាមេរិក នៅចុងឆ្នាំ ២០២២។ តួលេខនេះតែឯងប្រៀបបាននឹងទិន្នផលសេដ្ឋកិច្ចរបស់ប្រទេសជាច្រើនបញ្ចូលគ្នា ដែលបញ្ជាក់ពីទំហំដ៏សំខាន់ និងដ៏មានក្តានុពល។
ក្រៅពីកម្លាំងទិញប្រចាំឆ្នាំ សហគមន៍ LGBT+ ក៏មានទ្រព្យសម្បត្តិដ៏ច្រើនសន្ធឹកសន្ធាប់ផងដែរ។ ទ្រព្យសម្បត្តិគ្រួសារ LGBT សកល (LGBT-Wealth) ត្រូវបានប៉ាន់ប្រមាណថាមានចំនួន ៣០ ទ្រីលានដុល្លារអាមេរិក នៅទូទាំងពិភពលោក ដោយជិត ៩.៥ ទ្រីលានដុល្លារអាមេរិក ត្រូវបានប្រមូលផ្តុំនៅក្នុងសហរដ្ឋអាមេរិកតែឯង។ នេះតំណាងឱ្យប្រជាសាស្រ្តដែលមានភាពចាស់ទុំ និងមានស្ថិរភាពហិរញ្ញវត្ថុ ជាមួយនឹងសក្តានុពលវិនិយោគរយៈពេលវែង។
ជាមួយនឹងចំនួនប្រជាជន LGBT សកលប៉ាន់ប្រមាណថាមាន ៣៨៨ លាននាក់ ដែលមានអាយុ ១៥ ឆ្នាំឡើងទៅ ហើយប្រទេសចិនតែមួយគឺមានរហូតដល់ទៅ ៧៥ លាននាក់។ សហគមន៍នេះតំណាងឱ្យមូលដ្ឋានអ្នកប្រើប្រាស់ដ៏ធំទូលាយ និងកំពុងរីកចម្រើន។
សម្រាប់អាជីវកម្ម តួលេខទាំងនេះបង្ហាញពីភាពដែលមិនអាចមើលរំលងបាន។ ការចូលរួមដោយចេញពីចិត្តជាមួយសហគមន៍ LGBT+ ផ្តល់នូវអត្ថប្រយោជន៍ជាច្រើន។ LGBT Capital សង្កត់ធ្ងន់ថា ការយល់ដឹង និងការទទួលយកភាពចម្រុះ និងការរួមបញ្ចូល LGBT មិនមែនត្រឹមតែជាផលប្រយោជន៍សង្គមប៉ុណ្ណោះទេ ប៉ុន្តែក៏ជាកម្លាំងជំរុញដ៏មានឥទ្ធិពលសម្រាប់ភាពជោគជ័យរបស់ក្រុមហ៊ុន និងសមភាពសកលផងដែរ។ ការមិនអើពើនឹងសហគមន៍ឥន្ធនូរនេះគឺជា នឹងនាំអ្នកទៅកាន់ការបាត់បង់ប្រាក់រាប់ពាន់លានដុល្លារ។
