របៀបប្រើ Google Drive ដើម្បីជាប្រយោជន៍នៅក្នុងអាជីវកម្ម

Google Drive គឺជាសេវាកម្មផ្ទុកទិន្នន័យលើពពក (Cloud Storage) ដែលមានគោលបំណងសំខាន់គឺពង្រីកសមត្ថភាពផ្ទុកឯកសារលើសពីដែនកំណត់នៃ Hard Drive របស់អ្នក។ លើសពីនេះ វាអនុញ្ញាតឱ្យអ្នកប្រើប្រាស់ទាំងអស់អាចរក្សាទុកឯកសារគ្រប់ប្រភេទ ដូចជារូបថត វីដេអូ ​ឯកសារជាpdfs និងច្រើនទៀតនៅលើពពក (Cloud)បាន។ បន្ថែមពីនេះ វាក៏អនុញ្ញាតឱ្យអ្នករក្សាទុកឯកសារភ្ជាប់អ៊ីម៊ែលដោយផ្ទាល់ហើយវាអាចផ្ញើទៅអ្នកតាមរយៈGmail ដែលនេះជាការជួយអ្នកមួយផ្នែកទៀតដោយមិនចាំបាច់អ្នកធ្វើវាដោយដៃផ្ទាល់។

ប្រសិនបើអ្នកប្រើប្រាស់ Google Drive នៅក្នុងអាជីវកម្ម គឺពិតជាល្អខ្លាំងណាស់ ពីព្រោះវាជាឧបករណ៍ដ៏ល្អមួយ ហើយក៏ជាវេទិកាឥតគិតថ្លៃផងដែរ ប៉ុន្តែប្រសិនបើអ្នកចង់ចូលប្រើទំហំផ្ទុកលើសពី 15GB អាចនឹងត្រូវគិតថ្លៃសេវាកម្មប្រើប្រាស់បន្ថែម។

របៀបចូលប្រើប្រាស់ Google Drive

ជំហានដំបូងបង្អស់ដែលអ្នកត្រូវធ្វើមុននឹងចូលជំហានខាងក្រោម អ្នកត្រូវតែបង្កើត Google account ផ្ទាល់ខ្លួនជាមុនសិន ទើបអាចភ្ជាប់ក្នុងការប្រើប្រាស់Google Driveបាន ប៉ុន្តែសូមបញ្ជក់ផងដែរ Google Drive ផ្តល់ទំហំផ្ទុកឯកសារដោយឥតគិតថ្លៃចំនួន 15GB។ បន្ទាប់មកអនុវត្តតាមវិធីខាងក្រោម៖

1. ចូលទៅកាន់ google.com បន្ទាប់មកអ្នកនឹងឃើញពាក្យ “My Drive” ដែលមាន

• Files និង folders ដែលអ្នកអាចផ្ទុក (upload) បាន
• Google Docs, Google Sheets, Google Slides, &Google Forms ដែលអ្នកអាចបង្កើតបាន

2. អ្នកអាច Upload ឯកសារពីកុំព្យូទ័ររបស់អ្នក ឬ បង្កើត files នៅក្នុង Google Drive

• Upload ឯកសារ និង Folders ឯកសារទៅក្នុង Google Drive
• ធ្វើការជាមួយឯកសារការិយាល័យ (Office files)
• បង្កើត កែសម្រួល និងធ្វើទម្រង់ផ្សេងៗជាមួយ Google Docs, Sheets និងGoogle Slides

3. អ្នកអាចចែករំលែកឯកសារ ឬ Folder ឯកសារ ជាមួយអ្នកផ្សេង ដោយអ្នកទាំងនោះអាចមើល អាចកែសម្រួលបន្ថែមបានលើឯកសារទាំងនោះ។ ហើយដើម្បីចែករំលែកឯកសារពី Google Drive ទៅកាន់អ្នកផ្សេងឱ្យចូលមើលបានដែរ អ្នកអាចចុចចូលទៅកាន់ផ្នែក “ចែករំលែកជាមួយខ្ញុំ (Shared with me)”។

របៀបប្រើ Google Drive ដើម្បីជួយដល់អាជីវកម្ម

ប្រសិនបើអ្នកចង់ប្រើ Google Drive ដើម្បីជួយសម្រួលដល់ផលិតភាពការងារនៅក្នុងអាជីវកម្មរបស់អ្នកឱ្យកាន់តែល្អ អ្នកអាចអនុវត្តន៍តាមវិធីខាងក្រោម៖

1. អ្នកដឹកនាំត្រូវចាត់តាំងមនុស្សម្នាក់ដើម្បីគ្រប់គ្រងដំណើរការធ្វើការងារនៅក្នុង Google Drive ដោយឱ្យម្នាក់នោះ ចាំបាច់ត្រូវតែបង្កើត Google account បន្ទាប់មក ត្រូវ Login តាមប្រអប់សារអ៊ីម៊ែល។

2. បន្ទាប់មក ត្រូវ Upload Files ឯកសារដែលចាំបាច់ចូលទៅក្នុង Google Drive ហើយដើម្បី Upload បាន អ្នកចូលទៅកាន់ drive.google.com ហើយចុចពាក្យថា “New” ដែលនៅខាងឆ្វេងដៃ បន្ទាប់មកជ្រើសប្រភេទនៃការ Upload ដូចជាFile upload និងFolder upload។

3. នៅពេល Upload រួចរាល់ អ្នកអាចចាប់ផ្ដើមចុចលើ File ឯកសារនោះ ហើយចុចពាក្យថា​ “Share” នៅខាងស្ដាំដៃ បន្ទាប់មកអ្នកអាចបញ្ចូលអ៊ីម៊ែលរបស់អ្នកពាក់ព័ន្ធដែលអ្នកចង់ឱ្យពួកគេអាចឃើញ និងកែសម្រួលបាន ហើយអ្នកអាច Copy Link ដើម្បីផ្ញើឱ្យពួកគេជាការស្រេច។