ការធ្វើអាជីវកម្មមួយបានជោគជ័យ គឺមានការឆ្លងកាត់ដំណាក់កាលជាច្រើន ប៉ុន្តែនៅក្នុងអត្ថបទមួយនេះ នឹងបង្ហាញអ្នកពីរឿងដំបូងៗ ចំនួន 6 ដែលម្ចាស់អាជីវកម្មត្រូវតែផ្ដោតឱ្យបានខ្លាំងមុនគេ ដើម្បីអាចជាផ្លូវមួយដើម្បីអាចដំណើរការទៅមុខបាន។
1. ភាពច្បាស់លាស់
សំដៅលើ
- ហេតុអ្វីបានជាអ្នកចាប់ផ្តើមអាជីវកម្មរបស់អ្នក?
- តើអ្នកលក់អ្វី?
- តើអ្នកលក់វាទៅឱ្យអ្នកណា?
- តើអ្នកនឹងធ្វើបែបណា ដើម្បីភ្ជាប់ទំទាក់ទំនងជាមួយពួកគេ?
- តើបញ្ហាអ្វីដែលអ្នកនឹងជួយដោះស្រាយឬតើគោលបំណងអ្វីដែលអ្នកនឹងជួយពួកគេឱ្យសម្រេចបាន?
- តើអ្នកធ្វើដូចម្តេចដើម្បីឱ្យផលិតផលឬសេវាកម្មរបស់អ្នកមាន?
- តើអតិថិជនរបស់អ្នកស្វែងយល់យ៉ាងដូចម្តេច អំពីអាជីវកម្ម ផលិតផល ឬសេវាកម្មរបស់អ្នក?
- តើអ្នកគិតថ្លៃអ្វីខ្លះចំពោះផលិតផលនិង/ឬសេវាកម្មរបស់អ្នកហើយតើអ្នកទទួលបានប្រាក់ខែយ៉ាងដូចម្តេច?
- តើអ្នកបែងចែកខ្លួនឯងយ៉ាងដូចម្តេចពីការប្រកួតប្រជែង? តើអ្នកបង្កើតម៉ាករបស់អ្នកដោយរបៀបណា?
- តើអ្នកកំណត់ភាពជោគជ័យក្នុងអាជីវកម្មរបស់អ្នកបែបណា រយៈពេល1ខែ 3ខែ និង1ឆ្នាំ?
- តើឧបករណ៍និងប្រព័ន្ធអ្វីខ្លះដែលអ្នកត្រូវការ ដើម្បីចាប់ផ្តើមបង្កើត និងពង្រីកអាជីវកម្មរបស់អ្នក?
- តើអ្នកកំពុងស្ថិតក្នុងដំណាក់កាលជំនួញអ្វី ហើយតើអ្នកត្រូវធ្វើអ្វីខ្លះ ដើម្បីឈានទៅដំណាក់កាលបន្ទាប់?
2. អតិថិជនគោលដៅ
សំដៅលើ
- តើពួកគេជានរណា មានមុខរបរអ្វី ចំណង់ចំណូលចិត្តបែបណា ការចំណាយបែបណា នៅណា អាយុប៉ុន្មាន ភេទអ្វី និងបុគ្គលិកលក្ខណៈបែបណា?
- តើអ្វីជាគុណតម្លៃ អាទិភាព ការចង់បាន និងតម្រូវការរបស់ពួកគេ?
- តើអ្វីជាបញ្ហា ឧបសគ្គ និងការភ័យខ្លាចរបស់ពួកគេ?
- តើពួកគេមានតួនាទី គោលដៅ និងចង់បានលទ្ធផលអ្វី?
- តើពួកគេចង់បានអ្វីឥឡូវនេះ ហើយនៅខែបន្ទាប់ នៅក្នុងឆ្នាំបន្ទាប់ និងក្នុងនៅជីវិត?
- តើភាគច្រើនពួកគេនៅទីណា ហើយធ្វើអ្វីនៅទីនោះ និងនៅរយៈពេលប៉ុន្មាន?
- តើពួកគេបានទិញផលិតផល និងសេវាកម្មអ្វីខ្លះ? ហេតុអ្វីបានជាពួកគេទិញរបស់ទាំងនោះ?
- តើពួកគេកំពុងរកមើលអ្វីនៅក្នុងម៉ាកផលិតផលនិងសេវាកម្មដែលពួកគេកំពុងពិចារណា?
3. របៀបបង្កើតទំនុកចិត្ត
ការធ្វើអាជីវកម្ម មិនមែនចាប់ផ្ដើមភ្លាម មានមនុស្សជឿជាក់ និងទុកចិត្តភ្លាមឡើយ ប៉ុន្តែត្រូវការពេលវេលាដើម្បីធ្វើឱ្យអតិថិជនមានជំនឿជាក់ ដូច្នេះហើយម្ចាស់អាជីវកម្មត្រូវតែផ្ដោតឱ្យខ្លាំងពីរបៀបបម្លែង និងកសាងជំនឿ ទំនុកចិត្តពីអតិថិជនឱ្យបាន។
- ដំណើរការបង្កើតទំនុកចិត្ត៖ ត្រូវធ្វើជាជំហានៗ ដើម្បីទាក់ទាញអតិថិជនគោលដៅ និងបម្លែងពួកគេហ៊ានចំណាយថវិកាប្រើប្រាស់ផលិតផលសេវាកម្មរបស់អ្នក។ លើសពីនេះ អាចបម្លែងអតិថិជនធម្មតាឱ្យក្លាយជាអតិថិជនដ៏ស្មោះត្រង់ អាចបម្លែងមនុស្សថ្មីៗដែលបានឃើញការផ្សព្វផ្សាយផលិតផលសេវាកម្មរបស់អ្នកឱ្យក្លាយជាអតិថិជនដែលហ៊ានជាវ និងអាចបម្លែងអតិថិជនក្លាយជាដៃគូសហការ ជាតំណាងចែកចាយជាដើម តាមរយៈកសាងភាពជឿជាក់ ទំនុកចិត្ត និងភាពស្មោះត្រង់។
- បង្កើត Platform ដើម្បីបម្លែងមនុស្សឱ្យមានជំនឿលើផលិតផលសេវាកម្ម៖ អ្នកអាចបង្កើតនៅក្នុង Website ឬតាមបណ្ដាញសង្គមនានា និងការធ្វើសិក្ខាសាលាតាមប្រព័ន្ធអនឡាញជាដើម។
4. បង្កើតមាតិកាយុទ្ធសាស្រ្ត
សំដៅលើការបង្កើតមាតិកាជាយុទ្ធសាស្រ្តទីផ្សារ ដើម្បីទាក់ទាញ និងកាន់តែផ្ដល់ទំនុកចិត្តដល់អតិថិជន។ ការបង្កើតមាតិកាយុទ្ធសាស្រ្តនេះ គឺជា ៖
- យុទ្ធសាស្រ្តទីផ្សារដើម្បីផ្តោតលើការបង្កើត និងចែកចាយមាតិកាដែលមានគុណតម្លៃខ្ពស់ ដើម្បីទាក់ទាញ និងរក្សាអតិថិជនគោលដៅ។ លទ្ធផលចុងក្រោយ គឺជំរុញសកម្មភាពអតិថិជនឱ្យប្រើប្រាស់ផលិតផលសេវាកម្ម និងក្រុមហ៊ុនទទួលបានផលចំណេញ។
ហើយមាតិកាទាំងនោះ អាចសរសេរជា៖
- Blog posts
- Video
- Live Videos
- Podcasts
- Infographics
- Case studies
- កិច្ចសម្ភាសន៍
- White papers
- ebooks
- និងសរសេរទម្រង់ផ្សេងទៀត ដើម្បីផ្សព្វផ្សាយលើបណ្ដាញសង្គមនានា។
5. បង្កើតសហគមន៍
សំដៅលើការបង្កើតជាក្រុម ឬជាគ្រុបសម្រាប់អតិថិជនគោលដៅលើវគ្គបណ្ដុះបណ្ដាល ឬការប្រឹក្សាយោបល់លើផ្នែកណាមួយជាដើម។ ធ្វើបែបនេះ ដើម្បីបង្កើតចំណងទាក់ទងកាន់តែខ្លាំង និងបង្កើនទំនុកចិត្ត ថែមទាំងជំរុញឱ្យមានក្រុមអ្នកគាំទ្រលើផលិតផលសេវាកម្មរបស់អ្នកកាន់តែច្រើន។
នៅក្នុងចំណុចនេះ អ្នកក៏អាចបង្កើតឱ្យមានសហគមន៍ តាមរយៈ
- ផ្ញើសារជូនដំណឹងតាមបណ្ដាញសង្គមនានាទៅកាន់អតិថិជនគោលដៅ ឬអ្នកពាក់ព័ន្ធនានា
- ចាប់ផ្ដើមបង្កើត Facebook group
- បង្កើតឱ្យមានការចូលរួមច្រើនដោយឆ្លងកាត់បណ្ដាញសង្គម
- Steaming live video
- និងរបៀបផ្សេងៗទៀតតាមការកំណត់ចង់បានរបស់អ្នក។
6. ផែនការអភិវឌ្ឍន៍
សំដៅលើ ការរៀបចំផែនការបន្ត ដើម្បីធ្វើយ៉ាងណាឱ្យអាជីវកម្មកាន់តែមានសន្ទុះ និងរីកចម្រើនកាន់តែខ្លាំង ដោយបញ្ចូលនូវគំនិតច្នៃប្រឌិត ការស្វែងរកប្រភពចំណូលបន្ថែម ការស្វែងរកដៃគូសហការ អ្នកផ្គត់ផ្គង់ និងភាពចាំបាច់ផ្សេងទៀតតាមអ្វីដែលអ្នកចង់បាននាពេលបន្តបន្ទាប់ទៀត ស្របជាមួយនឹងគោលបំណង ទស្សនវិស័យរបស់អ្នកលើអាជីវកម្មនោះ។
