បច្ចុប្បន្ននេះករណីនៃការឆ្លង Covid-19 បានកើនឡើងរហូតដល់ទៅ៣៣នាក់ហើយបើគិតមកដល់យប់ថ្ងៃអង្គារនេះ ។ ហើយនៅក្នុងថ្ងៃអង្គារ ទី១៧ នេះដែរ ក្រសួងសុខាភិបាលរកឃើញនូវ៦ករណីថ្មីទៀត ជាបុរសជនជាតិខ្មែរឥស្លាមដែលវិលត្រឡប់មកពីចូលរួមពិធីសាសនានៅប្រទេសម៉ាឡេស៊ី និង ៣ ករណីថ្មីជាបុរសជនជាតិម៉ាឡេស៊ី វិជ្ជមានវីរុស Covid-19 សរុបនៅក្នុងថ្ងៃអង្គារនេះគឺមានចំនួន៩នាក់ដែលមានផ្ទុកវីរុស Covid-19 នេះ។ យ៉ាងណាមិញលោកឧកញ៉ា វេជ្ជបណ្ឌិត គួច ម៉េងលីបានណែនាំថា៖
“ ទោះបីជាមានការកើនឡើងនូវអ្នកផ្ទុកជម្ងឺនេះក៏ដោយ អ្នកត្រូវតែតាំងចិត្តឲ្យស្ងប់ កុំធ្វើឲ្យខ្លួនឯងភ័យខ្លាច តក់ស្លុតជាមួយវាខ្លាំងពេក ព្រោះភាពភ័យខ្លាចនឹងធ្វើឲ្យប្រព័ន្ធការពាររបស់អ្នកចុះខ្សោយ ព្រមទាំងធ្វើឲ្យអ្នកមានអារម្មណ៍វក់វីជាមួយវាគ្រប់ពេល។”
ជំនួសឲ្យការចំណាយពេលព្រួយបារម្ភនិងភ័យខ្លាចទៅលើវាឥតប្រយោជន៍ អ្នកគួរតែចំណាយពេលហាត់ប្រាណឲ្យបានទៀងទាត់ ដើម្បីសុខភាពនិងអង់ទីករអ្នករឹងមាំ ញាំទឹកឲ្យបានច្រើនដើម្បីបម្លាស់ប្ដូរនូវសារធាតុពុលក្នុងខ្លួនអ្នក ញាំអាហារសាច់ណាដែលមានជីវជាតិគ្រប់គ្រាន់ដើម្បីមានថាមពលគ្រប់គ្រាន់ ឬ អ្នកអាចយកពេលទាំងនោះមកអានសៀវភៅបង្កើននូវចំណេះដឹង គឺមានភាពប្រសើរជាង។
លោក ឧកញ៉ា បណ្ឌិត គួច ម៉េងលី ក៏បានណែនាំដល់អ្នកទាំងអស់គ្នាបង្កើននូវការប្រុងប្រយ័ត្ន ចំពោះអនាម័យផ្ទាល់ខ្លួន ជារៀងរាល់ពេល ដោយលាងដៃឲ្យបានញឹកញាប់ជាមួយសាប៊ូ ឬ អាកុល ប៉ុន្តែចំពោះអ្នកដែលមានផ្ទៃពោះ ឬអ្នកដែលអាលែកហ្ស៊ីដៃ បើអាចអ្នកគួរតែចៀសវាងពីការប្រើប្រាស់អាកុល ដោយលាងជាមួយតែសាប៊ូក៏អាចជួយលាងសម្អាតនូវបាក់តេរីនិងវីរុសបានដែរ។ មិនមែនការប្រើប្រាស់អាកុលនេះ មានការប៉ះទង្គិចទៅដល់អ្នកមានគក៌នោះទេ គ្រាន់តែការប្រើប្រាស់អាកុលញឹកញាប់ហួសប្រមាណក្នុងមួយថ្ងៃធ្វើឲ្យដៃរបស់អ្នកស្ងួតខ្លាំង ដូចនេះហើយទើបគេអំពាវនាវឲ្យក្រសួងសុខាភិបាលនៅអាមេរិកសើរើ ពីការបះទង្គិចទៅលើអ្នកមានគភ៌។ជារួមអ្នកគួរតែប្រើសាប៊ូលាងដៃឲ្យបានញឹកញាប់ជាការប្រសើរជាង។
