ពិភពលោកនេះគឺពោរពេញទៅដោយមនុស្សដែលចង់ទទួលបាននូវភាពជោគជ័យ និង ទ្រព្យសម្បត្តិជាច្រើនដើម្បីឲ្យខ្លួនឯងរស់នៅមានឱជារស និងភាពសុខស្រួលក្នុងជីវិត។ នៅលើប្រព័ន្ធអ៊ីនធើណេតមានវីដេអូ និងអត្ថបទជាច្រើន ដែលនិយាយទាក់ទងទៅនឹងវិធីសាស្រ្តដើម្បីទទួលបាននូវភាពជោគជ័យ ជោគជ័យផ្នែកសុខភាពផ្លូវកាយ សុខភាពផ្លូវចិត្ត និង ជោគជ័យផ្នែកអាជីវកម្ម ការងារជាដើម។ ហើយប្រភពនៃវីដេអូ និង អត្ថបទទាំងនេះ ពិតជាមានប្រយោជន៍ ព្រោះវាតែងតែផ្ដល់នូវសារសំខាន់ៗទៅដល់មនុស្សណាដែលចង់ផ្លាស់ប្ដូរខ្សែជីវិតខ្លួនឯងឲ្យកាន់តែប្រសើរឡើងៗ។ ខាងក្រោមនេះគឺជាចំណុចទាំង៧ដែលអ្នកគួរតែបោះបង់ចោល ប្រសិនបើអ្នកពិតជាចង់ជោគជ័យនៅក្នុងជីវិតរបស់អ្នកមែន៖
១ លះបង់ចោលនូវតម្រូវការណាដើម្បីទទួលបាននូវភាពល្អឥតខ្ចោះ
មានមនុស្សជាច្រើនដែលកំពុងតែងប់ងល់យ៉ាងនឹងការធ្វើអ្វីមួយឲ្យមានភាពអសា្ចរ្យ និងល្អឥតខ្ចោះ ដើម្បីទទួលបាននូវលទ្ធផលដ៏អសា្ចរ្យ និង ដើម្បីទទួលបាននូវការសរសើរ ការលើកតម្កើងខ្លួនឯងឲ្យខ្ពស់ជាងអ្នកដទៃ។ វាមិនមែនជាកំហុសឆ្គងនោះទេក្នុងការងប់ងល់ចំពោះភាពល្អឥតខ្ចោះនោះ ប៉ុន្តែពេលដែលអ្នករំពឹងចាំតែយកនូវលទ្ធិផលអស្ចារ្យ វានឹងធ្វើឲ្យអ្នកឆាប់បាក់ទឹកចិត្ត ឆាប់រាថយក្នុងការសាកល្បងអ្វីដែលថ្មី អ្វីដែលប្លែក ហើយអ្នកនឹងគិតថាអ្នកពិតជាគ្មានសម្ថតភាព និង ជាមនុស្សអន់ម្នាក់។ អ្នកមិនចាំបាច់ទៅធ្វើអ្វីដែលល្អឥតខ្ចោះ ដើម្បីឲ្យខ្លួនអ្នកក្លាយជាមនុស្សអស្ចារ្យអ្វីពេកនោះទេ ព្រោះថានៅលើសកលលោកនេះ គ្មាននរណាម្នាក់ដែលគ្មានកំហុស ហើយក៏ គ្មាននរណាម្នាក់ដែលល្អឥតខ្ចោះដែរ។ អ្នកគួរតែបញ្ឈប់នូវគំនិតដ៏អស្ចារ្យដែលបានត្រឹមតែស្រម៉ៃនិងគិត ចោលឲ្យអស់ទៅ ហើយងាកមករកការចាប់ផ្ដើមជាសកម្មភាព ការអនុវត្តនូវផែនការជីវិតរបស់អ្នកវិញល្អជាង វាប្រសើរជាជាងអ្នកចំណាយពេលយ៉ាងយូរក្នុងការបំពេញអ្វីមួយឲ្យល្អ១០០% តែចុងក្រោយក្លាយជាអាសារបង់ទាំងអស់។ ម្យ៉ាងវិញទៀតអ្នកមិនត្រូវអនុញ្ញាតិឲ្យភាពភ័យខ្លាចនៃការបរាជ័យរបស់អ្នកមកគ្រប់គ្រងអ្នកឲ្យចាកឆ្ងាយពីគោលដៅដែលមានសក្ដានុពលរបស់អ្នកឡើយ។
២ បោះបង់ចោលនូវការសង្ឃឹម
មានគម្រោងផែនការត្រឹមត្រូវទៅលើគោលដៅរបស់អ្នក គឺប្រសើរជាជាងអង្គុយចាំតែសង្ឃឹម ចាំតែសំណាង។បើសិនជាអ្នកចង់សម្រេចបាននូវភាពជោគជ័យអ្វីមួយ អ្នកត្រូវតែបង្កើតនូវគម្រោងមួយឲ្យបានជាក់លាក់ និងត្រឹមត្រូវ អ្នកមិនអាចអង្គុយចាំតែសង្ឃឹមនោះទេ។ អ្នកគឺជាអ្នកបង្កើត ជាអ្នកសរសេរនិងជាអ្នកតាក់តែង នូវទិសដៅជីវិតដោយខ្លួន ជារៀងរាល់ថ្ងៃ ជារៀងរាល់ខែ និងរៀងរាល់់ឆ្នាំ។អ្នកត្រូវតែបោះបង់ចោលរាល់ការសង្ឃឹមរបស់អ្នក ហើយជំនួសឲ្យការជឿជាក់មានវត្តមាននៅក្នុងជីវិតអ្នកវិញ។ ដូចដែលលោកJack Canfiel បាននិយាយថា គោលដៅដែលមិនបានច្បាស់លាស់ វានឹងនាំឲ្យអ្នកបង្កើតឡើងនូវលទ្ធិផលមួយដែលមិនច្បាស់លាស់ដូចគ្នា។ចំពោះអ្នកខ្លះបានកំណត់គោលដៅរយៈពេលខ្លីឲ្យខ្លួនឯងដោយ កំណត់ថា ក្នុងខែនេះឬខែក្រោយខ្ញុំនឹងសម្រកគីឡូឲ្យបាន៥គីឡូ ឬមួយក៏ ខ្ញុំត្រូវតែរកលុយឲ្យបាន១០០,០០០$ នៅក្នុងខែនេះឬខែក្រោយជាដើម។អ្នកត្រូវគិតឲ្យបានច្បាស់លាស់ថាតើអ្នកចង់បានអ្វី ហើយចង់សម្រេចអ្វីខ្លះដើម្បីឲ្យក្ដីស្រម៉ៃរបស់អ្នកក្លាយជាការពិត។ត្រូវកំណត់កាលបរិច្ឆេទឲ្យបានក្រឹតក្រម ហើយត្រូវធ្វើតាមអ្វីដែលអ្នកបានកំណត់ នោះអ្នកនឹងអាចសម្រេចវាបាន១០០%។ម្យ៉ាងទៀតបើសិនជាអ្នកទាល់គំនិតមិនដឹងថាត្រូវធ្វើអ្វីទេ អ្នកគួរតែអង្គុយចុះហើយតាំងចិត្តឲ្យស្ងប់ រួចកត់ទុកនូវអ្វីដែលអ្នកនឹកឃើញ នោះវាគឺជាផ្លូវមួយដែលអាចជួយអ្នកក្នុងការស្វែងរកគោលដៅ។កុំភ្លេចថាអ្នកត្រូវរំឮកវាជារៀងរាល់ថ្ងៃនិងអនុវត្តវាជារៀងរាល់ថ្ងៃ។
៣ បោះបង់ចោលនូវអ្វីដែលតូចតាចនិងគ្មានប្រយោជន៍
លោក Arnold Schwarzenegger បាននិយាយថា “តើំចំណុចអ្វីដែលអ្នកនឹងមានវត្តមានអាចឈរនៅលើភពផែនដីនេះបាន ប្រសិនបើអ្នកជាមនុស្សម្នាក់ដែលចូលចិត្តធ្វើអ្វីតាមគេ និងចូលចិត្តធ្វើឲ្យខ្លួនឯងដូចទៅនឹងមនុស្សដ៏ទៃទៀត?”
ប្រសិនបើអ្នកចង់ទទួលបានលទ្ធផលដ៏អសា្ចរ្យ អ្នកត្រូវតែបោះបង់ចោលនូវការរឿងកំប៉ិកកុំប៉ុកឥតបានការចោលឲ្យអស់( ដើរលេង លេងហ្វេសបុក ខ្ជិល…) ហើយចាប់ផ្ដើមគិតធំ ស្រម៉ៃឲ្យធំហើយចាប់ផ្ដើមពីតូចទៅ។ម្យ៉ាងវិញទៀតបើសិនជាអ្នកមិនហ៊ានចាប់ផ្ដើមប្រឈមមុខជាមួយនឹងបញ្ហា មិនហ៊ានប្រថុយដើម្បីគោលដៅទេ នោះក្ដីស្រម៉ៃរបស់អ្នកទាំងប៉ុន្មាននឹងរលាយខ្ចាត់ខ្ចាយ ហើយស្លាប់ជាមួយអ្នកជាមិនខាន។
៤ ឈប់និយាយយកលេសដោះសារ
ការដោះសាររាល់ពេលជួបបញ្ហា វាគឺជាមេរោគដ៏សាហាវដែលរង់ចាំបំផ្លាញនូវក្ដីស្រម៉ៃ និង បំណងប្រាថ្នារបស់អ្នកមិនឲ្យក្លាយជាការពិត។ ពេលដែលអ្នកនិយាយយកលេសរួចខ្លួនឲ្យផុតពីឧបសគ្គ ឬមួយក៏ថា ចាំសិន ចាំបន្ដិចទៀត ឬ ចាំស្អែកចាំធ្វើ នោះអ្នកនឹងមានអារម្មណ៍ថាធូរស្បើយផុតទុក្ខកង្វល់ ប៉ុន្តែកុំភ្លេចថាអ្នកមិនអាចគេចវេសពីបញ្ហាទាំងអស់នេះបានរហូតនោះទេ។ អ្នកអាចនឹងមានសេចក្ដីសុខនៅពេលបច្ចុប្បន្ននេះជាមួយនឹងការដោះសាររកហេតុផលរបស់អ្នក តែនាពេលអនាគតអ្នកមិនអាចឡើយរក្សាក្ដីសុខ ភាពជោគជ័យទាំងនោះឲ្យនៅស្ថិតស្ថេរនោះទេ។ ដូចនេះហើយអ្នកត្រូវតែទម្លាប់បោះបង់ចោលនូវការយកលេលដោះសារ និងការស្ដីបន្ទោសខ្លួនឯងតទៅទៀតទៅ ព្រោះវានឹងធ្វើឲ្យអ្នកស្ដាយក្រោយនៅពេលណាមួយ ព្រមទាំងធ្វើឲ្យអ្នកបរាជ័យជាច្រើនលើកច្រើនសារ។
ការដោះសាររាល់ពេលជួបបញ្ហា វាគឺជាមេរោគដ៏សាហាវដែលរង់ចាំបំផ្លាញនូវក្ដីស្រម៉ៃ និង បំណងប្រាថ្នារបស់អ្នកមិនឲ្យក្លាយជាការពិត។ ពេលដែលអ្នកនិយាយយកលេសរួចខ្លួនឲ្យផុតពីឧបសគ្គ ឬមួយក៏ថា ចាំសិន ចាំបន្ដិចទៀត ឬ ចាំស្អែកចាំធ្វើ នោះអ្នកនឹងមានអារម្មណ៍ថាធូរស្បើយផុតទុក្ខកង្វល់ ប៉ុន្តែកុំភ្លេចថាអ្នកមិនអាចគេចវេសពីបញ្ហាទាំងអស់នេះបានរហូតនោះទេ។
៥ បោះបង់ចោលនូវការរស់នៅជាមួយនឹងសុខភាពមិនល្អ
សុខភាពគឺពិតជាមានសារៈសំខាន់យ៉ាងខ្លាំង ពោលគឺសំខាន់ជាងលុយ ជាង ឡាន និង ជាងទ្រព្យសម្បត្តិដែលអ្នកមានទៅទៀត។ សុខភាពប្រៀបបានទៅនឹងលេខ ១ ឯលុយ ឡាន វីឡារបស់អ្នកប្រៀបបាននឹងលេខ ០ ដែលជាតួលេខបន្ទាប់បន្សំ ដើម្បីបន្ថែមឲ្យជីវិតរបស់អ្នកកាន់តែមានន័យតែប៉ុណ្ណោះ។ ក្នុងករណីនេះដែរ ទោះបីជាអ្នកមានលេខ០ រាប់ម៉ឺនរាប់សែននៅពីក្រោយលេខ ១ក៏ដោយ លេខ០នោះនឹងគ្មានន័យបើសិនជាអ្នកបាត់លេខ១។ អាស្រ័យហេតុនេះហើយអ្នកគួរតែបង្កើននូវសមតុល្យរវាងលេខ១និងលេខ០ តាមរយៈការហាត់ប្រាណជារៀងរាល់ព្រឹក ញាំអាហារដែលមានជីវជាតិ និងការខិតខំប្រឹងប្រែងសម្រេចនូវគោលដៅរបស់អ្នកដើម្បីភាពជោគជ័យរបស់អ្នក។ ពេលដែលសុខភាពរបស់អ្នកល្អ នោះការងាររបស់អ្នកនឹងល្អទៅតាមហ្នឹងដែរ។ដូចនេះសុខភាពគឺជាអាទិភាព របស់អ្នកដើម្បីឈានជើងទៅរកក្ដីស្រម៉ៃរបស់អ្នក។
៦ បោះបង់ការជឿលើភាពជោគជ័យពេញមួយយប់
ភាពជោគជ័យដែលអ្នកគិតថាអ្នកនឹងទទួលវាបានក្នុងរយៈពេលមួយយប់នោះ គឺវាមិនអាចទៅរួចឡើយ បើសិនជាអ្នកមិនមានសកម្មភាពអ្វីសោះនោះ។វាគ្រាន់តែជាការគិតស្រមើលស្រម៉ៃ និង គ្រាន់តែជាជំនឿសាមញ្ញមួយដែលមិនពិត ប៉ុន្ដែមនុស្សគ្រប់គ្នាតែងតែជឿទៅលើវា។ហើយមួយវិញទៀតមនុស្សដែលទទួលបានជោគជ័យគឺពួកគេមិនដែលអង្គុយសម្ងំស្ងៀម ឬយកពេលទៅស្រមើលស្រម៉ៃរឿងដែលអត់ប្រយោជន៍នោះទេ តែពួកគេយកពេលវេលាដ៏មានតម្លៃទាំងនោះទៅចាប់ផ្ដើមសកម្មភាពណាដែលមានផលប្រយោជន៍ ដល់សង្គម គ្រួសារនិង អនាគតរបស់ពួកគេផ្ទាល់។ អ្វីដែលសំខាន់គឺពួកគេមិនចូលចិត្តធ្វើអ្វីបង្ខំ ហើយក៏មិនខ្វល់ខ្វាយជាមួយនឹងជោគជ័យដ៏ឆាប់រហ័សនោះដែរ ពោលគឺពួកគេចូលចិត្តធ្វើវាម្ដងមួយដំណាក់ៗ ដើម្បីឲ្យភាពជោគជ័យរបស់គេមានភាពស្ថិតស្ថេរយូរអង្វែង។
៧ បោះបង់ចោលទំនាក់ទំនងជាមួយមនុស្សអវិជ្ជមាន និងមនុស្សដែលស្មុគស្មាញច្រើន
ប្រសិនបើអ្នកចង់ទទួលបានភាពស្រស់ស្រាយនៃជីវិត អ្នកត្រូវតែបោះជំហានឈានជើងចេញឲ្យឆ្ងាយពីប្រភេទមនុស្សទាំង២នោះ។ ពួកគេនឹងនាំតែភាពស្មុគស្មាញ ភាពអវិជ្ជមាន ការបាក់ទឹកចិត្ត និងភាពបរាជ័យមកឲ្យអ្នកតែប៉ុណ្ណោះ ហើយគោលដៅរបស់អ្នកនឹងត្រូវបង្អាក់ដោយរនាំងទាំងនោះជាមិនខាន។កាលណាអ្នកកាន់តែនៅជិតពួកគេ វាធ្វើឲ្យអ្នកកាន់តែស្មុគស្មាញ មានបញ្ហាមិនចេះចប់មិនចេះហើយ តានតឹងផ្លូវអារម្មណ៍ និងក្លាយជាមនុស្សម្នាក់ដែលឃើញអ្វីក៏អវិជ្ជមានដែរ។
