ដោយយោងទៅតាម South China Morning Post បានឲ្យដឹងថា សព្វថ្ងៃនេះហាងកញ្ឆាក្នុងប្រទេសថៃកំពុងស្វាគមន៍ភ្ញៀវទេសចរចិនយ៉ាងកក់ក្ដៅ តាមរយៈដាក់នូវម៉ឺនុយជាភាសាចិន និងដាក់រូបសញ្ញានៃផលិតផលណាមួយរបស់ខ្លួន ជាពិសសេនោះគឺដាក់បញ្ចូលឲ្យប្រើប្រាស់នូវឧបករណ៍បកប្រែ និងខិតប័ណ្ណដែលណែនាំអំពី ផលិតផល និងការប្រើប្រាស់របស់វាផងដែរ ដើម្បីអាចទាក់ទាញភ្ញៀវទេសចរចិនមកស្សនាបានកាន់តែច្រើន ជាងមុន។ លោក Nat Phongthanatthanakorn ដែលជានាយកប្រតិបត្តិនៃហាងកញ្ឆា RG420 បាននិយាយថា “មូលហេតុដែលយើងចាប់យកជនជាតិចិនជាអតិថិជនគោលដៅនៃហាងរបស់យើងគឺដោយសារតែប្រទេសចិនមានប្រជាជនច្រើនជាងគេបំផុតនៅលើពិភពលោកដែលអាចជំរុញឱ្យមានការរីកចម្រើននៅក្នុងឧស្សាហកម្មទេសចរណ៍របស់ប្រទេសថៃ”។
គួរបញ្ចាក់ផងដែរ ប្រទេសថៃគឺជាប្រទេសអាស៊ីអាគ្នេយ៍ដំបូងគេដែលបានប្រើប្រាស់កញ្ឆាស្របច្បាប់សម្រាប់ការ ប្រើប្រាស់ផ្នែកវេជ្ជសាស្រ្តក្នុងឆ្នាំ 2018 និងត្រូវបានរដ្ឋាភិបាលបានជំរុញឱ្យអភិវឌ្ឍឧស្សាហកម្មនេះ នៅខែមិថុនាឆ្នាំ 2022។ បន្ថែមពីនេះទៅទៀត យើងឃើញថាបច្ចុប្បន្ននេះប្រទេសថៃបានចាប់ផ្ដើមបន្ធូរបន្ថយច្បាប់ស្តីពីជំងឺ កូវីដ សម្រាប់ភ្ញៀវទេសចរក្នុងខែមករា ខណៈដែលប្រទេសចិនបានចាប់ផ្តើមបើកព្រំដែនឡើងវិញដែលនឹងរំពឹងថានឹងមានភ្ញៀវទេសចរបរទេសយ៉ាងហោចណាស់ 30 លាននាក់នៅឆ្នាំ 2023 ដែលមានប្រហែល 25% គឺមកពីប្រទេសចិន។
បើតាមសម្ដីរបស់អ្នកនាង Louise Wong ដែលជាភ្ញៀវទេសចរហុងកុងបានបង្ហាញអំពីចំណាប់របស់ខ្លននៅពេលបានមកលេងប្រទេសថៃថា “ខ្ញុំមានអារម្មណ៍ថាហាងនេះបានបង្ហាញពីការស្វាគមន៍ដ៏កក់ក្ដៅមកកាន់ ពួកយើងដែលជាភ្ញៀវទេសចរចិន ដោយបានបង្ហាញពីសញ្ញានៃផលិតផល និងមានមីនុយជាភាសាចិនដែលជាហេតុធ្វើឲ្យខ្ញុំមានអារម្មណ៍ថាគ្មានភាពភ័យខ្លាចនឹងការចូលមកទិញនោះទេ៕
