នៅក្នុងសម័យកាលឌីជីថលនេះ ការរកប្រាក់ចំណូលមិនមែនកំណត់ត្រឹមតែការធ្វើការនៅការិយាល័យ ឬត្រូវចេញទៅក្រៅផ្ទះរាល់ថ្ងៃទៀតនោះទេ។ បច្ចុប្បន្ននេះ មនុស្សជាច្រើនកំពុងស្វែងរកឱកាសដើម្បីបង្កើនប្រាក់ចំណូលបន្ថែម ឬចង់បង្កើតអាជីវកម្មផ្ទាល់ខ្លួនដោយមិនចាំបាច់ចាកចេញពីផ្ទះ។ ដោយគ្រាន់តែមានកុំព្យូទ័រ ឬទូរសព្ទដៃ និងអ៊ីនធឺណិតក៏អាចប្រែក្លាយពេលវេលាទំនេរឱ្យទៅជាលុយបានដែរ។
ខាងក្រោមនេះគឺជាវិធីងាយៗ និងមានប្រសិទ្ធភាពទាំង ១១ ដែលអ្នកអាចចាប់ផ្តើមអនុវត្តបាន ដើម្បីរកចំណូលពីផ្ទះ៖
- ធ្វើជំនួយការលើបណ្តាញអុីនធឺណិត: ជួយចាត់ចែងការងាររដ្ឋបាល ឬឆ្លើយតបសារឱ្យក្រុមហ៊ុនផ្សេងៗពីចម្ងាយ។
- លក់ទំនិញនៅលើបណ្តាញសង្គម: ប្រើប្រាស់ Facebook, TikTok ឬ Instagram ដើម្បីលក់ផលិតផល។
- ធ្វើជាគ្រូបង្រៀនលើបណ្តាញអុីនធឺណិត: ចែករំលែកចំណេះដឹងភាសា ឬជំនាញផ្សេងៗតាមរយៈ Zoom ឬ Telegram។
- លក់សេវានៅលើបណ្តាញអុីនធឺណិត: ផ្តល់សេវាកម្មដូចជា រចនារូបភាព កាត់តវីដេអូ ឬសរសេរអត្ថបទ។
- បង្កើតទីផ្សារនៅលើបណ្តាញអុីនធឺណិត: បង្កើតវេទិកា ឬក្រុមដើម្បីភ្ជាប់អ្នកលក់និងអ្នកទិញ។
- ដាក់ជួលផ្ទះរបស់អ្នក: ប្រសិនបើមានបន្ទប់ទំនេរ អាចដាក់ស្លាកជួលដើម្បីបង្កើនចំណូលបន្ថែម។
- បង្កើតវីដេអូ ឬអត្ថបទខ្លីៗដែលបង្ហាញពីការវាយតម្លៃផ្សេងៗ: ធ្វើជា Reviewer លើម្ហូបអាហារ ឬកន្លែងកម្សាន្តដើម្បីរកចំណូលពីការផ្សាយពាណិជ្ជកម្ម។
- ធ្វើតំណាងចែកចាយលើបណ្តាញអុីនធឺណិត: ជួយលក់ផលិតផលឱ្យគេដើម្បីទទួលបានកម្រៃជើងសារ។
- បង្កើតសិក្ខាសាលាលើបណ្តាញអុីនធឺណិត (Webinar): ធ្វើបទបង្ហាញចែករំលែកចំណេះដឹងជំនាញ។
- ការគ្រប់គ្រងប្រព័ន្ធផ្សព្វផ្សាយសង្គម: ទទួលគ្រប់គ្រង Page ឱ្យអាជីវកម្មផ្សេងៗ។
- បង្កើតវគ្គសិក្សាតាមអុីនធឺណិត: ថតវីដេអូមេរៀនទុក ហើយដាក់លក់។
សរុបមក វិធីទាំង ១១ ខាងលើនេះ សុទ្ធតែជាឱកាសពិតប្រាកដដែលកំពុងពេញនិយមនៅក្នុងទីផ្សារបច្ចុប្បន្ន។ អ្នកមិនចាំបាច់ធ្វើវាទាំងអស់នោះទេ គ្រាន់តែជ្រើសរើសវិធីណាមួយដែលសាកសមនឹងជំនាញ និងចំណង់ចំណូលចិត្តរបស់អ្នកបំផុត។ សូមចងចាំថា ភាពជោគជ័យមិនមែនកើតឡើងភ្លាមៗទេ វាទាមទារការតាំងចិត្ត និងការរៀនសូត្រជាប្រចាំ។ ចាប់ផ្តើមពីជំហានតូចមួយនៅថ្ងៃនេះ ដើម្បីប្រែក្លាយផ្ទះរបស់អ្នកទៅជាកន្លែងបង្កើតប្រាក់ចំណូលដ៏មានប្រសិទ្ធភាព!
