ប៉ុន្មានឆ្នាំនេះយើងសង្កេតឃើញថាមាន ការឆេះ រថយន្តច្រើន។ ហើយនេះជា 3 មូលហេតុទូទៅនៃភ្លើងឆេះរថយន្ត៖
មូលហេតុទី1៖ ឆ្លងចរន្តអគ្គិសនី
ដោយសារតែរថយន្តនីមួយៗមានខ្សែភ្លើងជាច្រើន។ បើជារថយន្តចេញ ពីរោងចក្រដោយគ្មានការកែប្រែ ជាធម្មតាមិនមានបញ្ហាជាមួយប្រព័ន្ធខ្សែភ្លើងទេ។
ប៉ុន្តែករណីទូទៅបំផុតគឺថារថយន្តបានកែប្រែខ្សែភ្លើង។ ជាពិសេសរថយន្តដែលបំពាក់ដោយប្រព័ន្ធសំឡេង ឬប្រព័ន្ធប្រឆាំងចោរកម្មពីហាងខាងក្រៅ ប្រសិនបើអ្នកបច្ចេកទេសមិនមានជំនាញក្នុងការដោះស្រាយប្រព័ន្ធអគ្គិសនី និងខ្សែភ្លើងនោះទេ វាអាចបណា្ខលឱ្យមានចរន្តអគ្គិសនី ឬឧបករណ៍ខ្លះអាចឡើងកំដៅ និងបណ្តាលឱ្យឆេះ។
មូលហេតុទី 2៖ ធ្លាយប្រេង
ប្រសិនបើមានការលេចធ្លាយប្រេងឥន្ធនៈពីផ្នែកណាមួយនៃប្រព័ន្ធចែកចាយឥន្ធនៈ ហើយមកប៉ះនឹងបំពង់ផ្សែងក្តៅខ្លាំងវាមានឱកាសខ្ពស់ណាស់ដែលភ្លើងនឹងឆេះ។ ដូច្នេះហើយបើរកឃើញថាមានក្លិនសាំងហុយចូលប្រព័ន្ធម៉ាស៊ីនត្រជាក់ ឬពេលនៅខាងក្រៅឡាន អ្នកគួរតែយកឡានរបស់អ្នកទៅពិនិត្យភ្លាមៗ។
តើខ្ញុំគួរធ្វើដូចម្តេចប្រសិនបើឡានរបស់ខ្ញុំឆេះ?
ប្រសិនបើរថយន្តចាប់ផ្តើមឆេះ វានឹងមានក្លិនឆេះចេញតាមប្រព័ន្ធម៉ាស៊ីនត្រជាក់ ហើយផ្សែងអាចកើតឡើង។ ករណីបែបនេះត្រូវប្រញាប់អូសរថយន្តទៅចិញ្ចើមផ្លូវ ហើយបិទម៉ាស៊ីនភ្លាមៗ បន្ទាប់មកប្រញាប់ចេញពីឡាន និងនៅឲ្យឆ្ងាយពីយានជំនិះតាមដែលអាចធ្វើទៅបាន ដើម្បីបញ្ចៀសគ្រោះថ្នាក់នៃការផ្ទុះ។ ប្រសិនបើមានផ្សែងចេញពីម៉ាស៊ីន បើអាចអ្នកអាចបើកគម្របខាងមុខដើម្បីពន្លត់ភ្លើងមុន ឬជូនដំណឹងទៅសេវាសង្គ្រោះភ្លាមៗ។
