តើអ្នកកំពុងមានអារម្មណ៍ថាជីវិតដូចជាជាប់គាំងនៅកន្លែងដដែល មិនទៅមុខហើយក៏មិនថយក្រោយមែនទេ? អារម្មណ៍បែបនេះអាចធ្វើឱ្យអ្នកមានភាពធុញទ្រាន់ និងបាត់បង់កម្លាំងចិត្តយ៉ាងខ្លាំង។ ប៉ុន្តែជាញឹកញាប់ ភាពជាប់គាំងមិនមែនបណ្តាលមកពីកត្តាខាងក្រៅ ឬភាពអភ័ព្វនោះទេ តែវាបណ្តាលមកពីផ្នត់គំនិត និងទម្លាប់មួយចំនួនដែលយើងបានបង្កើតឡើងដោយមិនដឹងខ្លួន។ ហើយដើម្បីរកផ្លូវចេញ និងបើកទ្វារនៃភាពរីកចម្រើនឡើងវិញ អ្នកត្រូវតែហ៊ានប្រឈមមុខនឹងការពិត។
ខាងក្រោមនេះជាសំណួរដ៏សំខាន់ទាំង ៥ ដែលអ្នកត្រូវសួរខ្លួនឯងដោយភាពស្មោះត្រង់បំផុត៖
- តើខ្ញុំមិនច្បាស់ថាគោលដៅរបស់ខ្លួនឯងជាអ្វីមែនទេ? (បើមិនដឹងថាចង់ទៅណាទេ អ្នកប្រាកដជាវង្វេងផ្លូវមិនខាន។)
- តើខ្ញុំទទូចចង់បានលទ្ធផលភ្លាមៗមែនទេ? (ភាពអន្ទះសារចង់បានជោគជ័យលឿនពេក នាំឱ្យឆាប់បាក់ទឹកចិត្ត។)
- តើខ្ញុំជួបភាពលំបាកនៅក្នុងការផ្តល់អាទិភាពថាគួរធ្វើអ្វីមុនមែនទេ? (ការធ្វើរឿងមិនសំខាន់មុន ធ្វើឱ្យខាតពេលនិងមិនឃើញលទ្ធផល។)
- តើខ្ញុំបោះបង់ចោលភ្លាមៗមែនទេ នៅពេលដែលរឿងគ្រប់យ៉ាងមិនដូចអ្វីដែលខ្ញុំចង់បាន? (ការខ្វះភាពធន់ចំពោះឧបសគ្គ ធ្វើឱ្យអ្នកបរាជ័យនៅពាក់កណ្តាលទី។)
- តើខ្ញុំបន្ទោសអ្នកដទៃចំពោះកំហុសមែនទេ? (ការមិនទទួលខុសត្រូវ រារាំងអ្នកមិនឱ្យរៀនសូត្រ និងកែប្រែខ្លួន។)
សរុបមក ភាពជាប់គាំងក្នុងជីវិតគ្រាន់តែជា “សញ្ញាដាស់តឿន” មួយដែលប្រាប់ថា វិធីសាស្ត្រចាស់របស់អ្នកលែងមានប្រសិទ្ធភាពទៀតហើយ។ ចម្លើយចំពោះសំណួរទាំង ៥ ខាងលើ គឺជាកូនសោរដែលនឹងដោះសោអ្នកចេញពីស្ថានភាពនេះ។ នៅពេលដែលអ្នកឈប់បន្ទោសអ្នកដទៃ ចាប់ផ្តើមមានគោលដៅច្បាស់លាស់ និងមានភាពអត់ធ្មត់ អ្នកនឹងឃើញថាផ្លូវដែលធ្លាប់តែទាល់ នឹងបើកចំហរឡើងវិញ ហើយអ្នកនឹងអាចបន្តដំណើរទៅមុខដោយមានថាមពលជាងមុន។
