នៅក្នុងស្ថានភាពខ្លះ ជាពិសេសនៅពេលដែលអ្នកត្រូវសម្រេចកិច្ចការអ្វីមួយ ហើយបរិយាកាសជុំវិញមានភាពស្ងប់ស្ងាត់ វានឹងធ្វើឱ្យអ្នកមានការផ្តោតអារម្មណ៍បានល្អ ដែលធ្វើឱ្យអ្នកមានផលិតភាពបំពេញកិច្ចការងារ និងទៅតាមអ្វីដែលអ្នកបានកំណត់។ នេះជាហេតុផល 10 យ៉ាងដែលការនៅម្នាក់ឯងអាចមានផលិតភាពច្រើនជាងមុន៖
1. គ្មានការរំខាន
គ្មាននរណាម្នាក់មករំខាន នៅពេលដែលអ្នកកំពុងបំពេញកិច្ចការ ដូច្នេះអ្នកអាចផ្តោតលើកិច្ចការរបស់អ្នកបានកាន់តែប្រសើរ។
2. អាចគ្រប់គ្រងពេលវេលាបានល្អ
នៅពេលគ្មានការរំខានអ្នកអាចគ្រប់គ្រងពេលវេលា ដោយមិនអូសបន្លាយការងារ និងអាចសម្រេចបានកិច្ចការតាមពេលវេលាដែលអ្នកបានកំណត់បានទាន់ពេលវេលា។
3. ការគិតកាន់តែច្បាស់
នៅទីកន្លែងដែលស្ងប់ស្ងាត់ធ្វើឱ្យខួរក្បាលរបស់អ្នកដំណើរការបានល្អ គ្មានភាពរំខាន នេះធ្វើឱ្យអ្នកមានគំនិតកាន់តែច្រើន និងច្បាស់លាស់ប្រកបដោយភាពច្នៃប្រឌិតទៅលើកិច្ចការដែលអ្នកកំពុងតែបំពេញ។
4. ការសម្រេចចិត្តកាន់តែប្រសើរ
បើគ្មានយោបល់ពីខាងក្រៅទេ អ្នកអាចជឿជាក់លើការវិនិច្ឆ័យរបស់ខ្លួនឯង ហើយធ្វើការសម្រេចចិត្តបានលឿនជាងមុន និងច្បាស់លាស់ដោយគ្មានភាពរ៉េរ៉ានោះឡើយ។
5. ផ្តោតអារម្មណ៍បានល្អ
ភាពស្ងប់ស្ងាត់ធ្វើឱ្យអ្នកមានអារម្មណ៍ស្ងប់ ធ្វើឱ្យអ្នកផ្ចង់បានល្អទៅលើកិច្ចការងារកំពុងបំពេញបានយ៉ាងល្អ។
ការស្ថិតនៅក្នុងបរិយាកាសមួយដែលស្ងប់ស្ងាត់ គឺពិតជាបានផ្តល់នៅក្នុងគុណសម្បត្តិជាច្រើនមកដល់អ្នក ដើម្បីឱ្យអ្នកកាន់តែមានផលិតភាពបំពេញកិច្ចការទាំងនោះ ប្រកបដោយគុណភាព។ល។
