ខ្ញុំជឿជាក់ថា គ្មានអ្នកណាចង់ក្រ ឬយ៉ាប់យ៉ឺននោះទេ តែពេលខ្លះ យើងបាននាំខ្លួនឯងទៅរកស្ថានភាពបែបនេះដោយមិនដឹងខ្លួន។ ខាងក្រោមនេះគឺជាទម្លាប់ទាំង៩ ដែលអ្នកគួរតែរំឮកខ្លួនឯងដើម្បីគេចផុតអំពីផលអវិជ្ជមានពីការចាយវាយ និងគ្រប់គ្រងហិរញ្ញវត្ថុ។
មិនមានការតាមដានច្បាស់លាស់៖ ការខកខានក្នុងការតាមដានចំណូល និងការចំណាយអាចនាំឱ្យមានការចាយលើសលទ្ធភាព។
បំណុលច្រើនហួសហេតុ៖ បំណុលដែលមានការប្រាក់ខ្ពស់គឺជាប្រភពដែលអាចធ្វើឲ្យអ្នកចងក ជាពិសេសការទទួលបានកម្ចីស្រួលៗ ឬការបង់រំលស់ទិញអ្វីផ្សេងៗដែលមិនមានការសិក្សាច្បាស់លាស់។
កង្វះការសន្សំសម្រាប់ពេលមានអាសន្ន៖ ការចំណាយដែលមិនបានរំពឹងទុកដូចជាចំណាយលើការសង្គ្រោះបន្ទាន់ឬដោះទុក្ខបន្ទាន់ អាចនាំឱ្យមានបំណុលវណ្ឌក និងពិបាកដោះប្រសិនបើអ្នកមិនមានការសន្សំទុកសម្រាប់ស្ថានភាពបែបនេះនោះទេ។
ចាយហួសមាឌ៖ ចំណាយច្រើនជាងអ្វីដែលរកបាន ជាញឹកញាប់លើរបស់មិនសំខាន់ និងដើម្បីសំញែង នឹងអាចនាំអ្នកទៅកាន់ភាពវេទនា។
មិនវិនិយោគ៖ មិនចាត់ចែងយកប្រាក់វិនិយោគលើការបង្កើនទ្រព្យ។
មិនហ៊ានចាយលុយរៀនបន្ថែម៖ មិនមានទម្លាប់រៀនអំពីការគ្រប់គ្រងហិរញ្ញវត្ថុ យុទ្ធសាស្ត្រវិនិយោគ និងពង្រឹងខ្លួនឯងបន្ថែមដើម្បីអាចចាប់យកឱកាសថ្មីៗ។
គ្មានគោលដៅហិរញ្ញវត្ថុ៖ បើគ្មានគោលដៅ ការសម្រេចចិត្តផ្នែកហិរញ្ញវត្ថុខ្វះទិសដៅ នឹងនាំឲ្យអ្នកវិលវល់មិនដឹងទិសតំបន់។
ការចាយតាមចិត្តចង់៖ ការទិញញឹកញាប់ និងមិនបានគ្រោងទុកអាចបំផ្លាញលុយសន្សំ និងអាចនាំអ្នកធ្លាក់ក្នុងវិបត្តិវិហរញ្ញវត្ថុ។
មិនស្វែងរកដំបូន្មានប្រកបដោយវិជ្ជាជីវៈ៖ គិតថាខ្លួនឯងចេះជាងគេ ចេះគ្រប់មុខ មិនរកយោបល់ពីអ្នកជំនាញ ឬជឿមនុស្សខុសសុទ្ធតែនាំអ្នកធ្លាក់ទៅក្នុងរណ្តៅ។
