ដំណើរកំសាន្ដពាក់កណ្ដាល់ឆ្នាំ ឬចុងឆ្នាំលែងភ័យ លែងបារម្ភរឿងអត់ចេះរៀប ឬមិនដឹងចាប់ផ្ដើមពីចំណុចណាទៀតហើយ!
តោះ! មកអាន 6 ចំណុចខាងក្រោមនេះអ្នកទាំងអស់គ្នា និងដឹងថាត្រូវចាប់ផ្ដើមដោយរបៀបមិច៖
1. រៀបចំផែនការ (Plan) ទុកមុន
ចាប់ផ្ដើមជាមួយការរៀបចំផែនការថាត្រូវទៅដើរលេងកន្លែងណា? ទៅរយៈពេលប៉ុន្មានថ្ងៃ? ហើយទៅលេងកន្លែងណាខ្លះ?
2. រកឡាន រកសណ្ឋាគារសម្រាប់កក់
ស្វែងរកឡានទៅតាមចំនួនមនុស្សត្រូវដែរទៅថាត្រូវជួលឡានតូច ឬធំ។ ត្រូវរកចាប់ពី 2-3 ក្រុមហ៊ុនទៅ ដើម្បីជ្រេរតម្លៃហើយបានតម្លែមួយដែរសមរម្យ។ មុននឹងធ្វើការកក់ឡានយើងត្រូវឆែកឡានដោយទៅមើលផ្ទាល់ ឬផ្ញើរូបភាព វីដេអូ ដើម្បីធានាថាឡានមានផាសុខភាព ម៉ាសុីនត្រជាក់ត្រជាក់ងាយស្រួលក្នុងការធ្វើដំណើរ។
សម្រាប់សណ្ឋាគារ ឬកន្លែងស្នាក់នៅត្រូរកក់ទុកមុនពីកន្លះខែទៅ 1ខែទុកមុនដើម្បីធានាថាថ្ងៃដែរយើងទៅមានកន្លែងគេងត្រឹមត្រូវ (ត្រូវដឹងពីម៉ោង check in check out ឲ្យបានច្បាស់)។
3. រៀបចំការញុាំ
ថាតើប៉ុន្មានថ្ងៃដែលយើងទៅនឹង ព្រឹក ថ្ងៃ ល្ងាច យើងញាំុអ្វី? ត្រូវកម្មង់គេ? ចូលញុាំតាមហាង? ឬត្រូវកក់ភោជនីយដ្ឋានដើម្បីរៀបចំឲ្យ?
4. បង្កើតសកម្មភាពសប្បាយៗពេលកំពុងធ្វើដំណើរ
ដល់ថ្ងៃដែរយើងចេញដំណើរកំុឲ្យឡានស្ងាត់ក្នុងនាមយើងជាអ្នករៀបចំកម្មវិធី ត្រូវរៀបចំសកម្មភាពខ្លះៗដើម្បីលេងក្នុងឡានដូចជា ច្រៀងការ៉ាអូខេ ច្រៀងលេងជំុគ្នា ណែនាំខ្លួនម្នាក់ម្ដងៗ ឬហ្គេមផ្សេងៗដែរយើងអាចលេងដោយនៅមួយកន្លែងបាន។
5. ដឹកនាំ និងបង្កើតការជួបជុំសប្បាយៗពេលដល់ទីតាំងមួយៗ
ត្រូវដឹកនាំក្រុមទៅទស្សនា ឬទៅលេងកន្លែងដែលបានរៀបចំមួយៗហើយបង្កើតអនុស្សាវរីយ៍ទៅតាមកន្លែងមួយៗដូចជា ថតរូបជុំគ្នា កម្មវិធីជួបជុំញុាំអាហារជុំគ្នា លេងហ្គេម ដើម្បីបង្កើនភាពជិតដិត។
6. បញ្ចប់ដំណើរកំសាន្ដ
ពេលត្រលប់មកវិញយើងត្រូវរាប់មើលមនុស្សឡើងឡាន ឆែករាល់អីវ៉ាន់ថាគ្រប់នៅ បង់លុយកន្លែងស្នាក់នៅ ទើបចេញដំណើរមកទីតាំងដើមវិញ។ ពេលមកដល់ទីតាំងយើងត្រូវទូទាត់ប្រាក់ឲ្យខាងឡានជាការស្រេច ហើយដំណើរកំសាន្ដរបស់យើងត្រូវបានបញ្ចប់។
