ថ្មីៗនេះហាងកាហ្វេ Starbucks បានពង្រីកសាខាថ្មីដែលគួរឲ្យទាក់ទាញនៅខេត្តកំពត។ ដែលមានទីតាំងនៅតាមដងព្រែកកំពត និងស្ថិតនៅក្នុងអគារ ផ្សារត្រីពណ៌លឿងដែលជា ប្រវត្តិសាស្ត្រតាំងពីកំលុងឆ្នាំ 1930 មកម្លេះ។ សាខា Starbucks ផ្សារត្រីមួយនេះគឺជាការលាយបញ្ចូលគ្នារវាងរចនាប័ទ្មសម័យ និងបុរាណ ដែលមានការដេគ័រយ៉ាងទាក់ទាញភ្នែក ជាពិសេសផ្ទាំងគំនូរមច្ឆា Siren ហែលទឹកគយគន់ទេសភាពខេត្តកំពតដ៏ស្រស់ស្អាត ហៅថា “Under A Million Stars” ឆ្លុះបញ្ចាំងពីនិមិត្តរូបដ៏ល្បីល្បាញរវាងខេត្តកំពត។
សម្រាប់កន្លែងអង្គុយ ទីតាំងមានផាសុកភាពមានកៅអី អង្គុយខាងក្នុងជាច្រើនដែលអតិថិជនអាចអង្គុយផឹកកាហ្វេគយគន់ទេសភាពខ្សែទឹកដងព្រែកបាន ។ មិនត្រឹមតែប៉ុណ្ណោះមានកន្លែងអង្គុយខាងក្រៅសម្រាប់អ្នកដែលចង់អង្គុយស្រូបយកបរិយាកាសធម្មជាតិ ហើយមើលទេសភាពដ៏ស្រស់ស្អាតក្នុងខេត្តកំពត។
Starbucks តែងតែបង្កើតបរិយាកាសកក់ក្តៅសម្រាប់អតិថិជន និងអ្នកធ្វើដំណើរជិតឆ្ងាយជាមួយទីតាំង អមនឹងកាដេគ័រប្លែកៗ។ សម្រាប់ទីតាំងនៅ អគារផ្សារត្រី ផ្លូវ 735 ភូមិ 1 ឧសភា សង្កាត់កំពង់កណ្តាល ក្រុងកំពត ខេត្តកំពត ។
