រដ្ឋបាលរាជធានីភ្នំពេញបានធ្វើការរៀបចំ ‘’សង្រ្កាន្ដវត្តភ្នំ’’ នៅរមណីយដ្ឋានវប្បធម៌ប្រវត្តិសាស្ដ្រវត្តភ្នំដែលមានរយៈពេល ០៤ថ្ងៃចាប់ពីថ្ងៃទី ១៣ដល់ថ្ងៃទី១៦ ខែមេសា ឆ្នាំ២០២៤ វេលាម៉ោង ៨ៈ០០ព្រឹក ដល់ម៉ោង ២០ៈ០០យប់។
នៅក្នុងកម្មវិធីនេះមានការរៀបចំកម្មវិធីបែបប្រពៃណីជាតិជាច្រើនដូចជា កម្មពិធីទទួលទេវតាឆ្នាំថ្មី ដង្ហែព្រះពុទ្ធរូប ពូនភ្នំខ្សាច់ ស្រង់ព្រះ សម្ដែងសិល្បៈ របាំប្រពៃណី របាំបុរាណ ល្បែងប្រជាប្រិយជាតិ ( ទាញព្រ័ត បោះអង្គញ់ វាយក្អម ចោលឈូង លាក់កន្សែង ចាប់កូនខ្លែង និងដណ្ដើមស្លឹកឈើ) ព្រមទាំងមានការប្រគំតន្រី្តបុរាណ សម័យថែមទៀតផង។ អ្នកចូលរួមអាចមករាំលេងកម្សាន្ត មកទស្សនាការតាំងបង្ហាញគំនូរបុរាណ និងវត្ថុសិល្បៈវប្បធម៌ជាច្រើន។
