នៅប្រទេសចិនត្រូវបានគេរាយការណ៍ថាកំពុងសាងសង់មជ្ឈមណ្ឌលបញ្ជាការយោធាថ្មីដ៏ធំនៅក្នុងទីក្រុងប៉េកាំង ដែលត្រូវបានកំណត់ថាមានទំហំធំជាងមន្ទីរប៉ង់តាហ្គោនរបស់សហរដ្ឋអាមេរិកយ៉ាងហោចណាស់ 10 ដង។
ការសាងសង់នេះធ្វើឡើងនៅលើផ្ទៃដីទំហំ 1,500 ហិចតា ចម្ងាយ 30 គីឡូម៉ែត្រភាគនិរតីនៃទីក្រុងនេះ បានធ្វើឱ្យមានការព្រួយបារម្ភក្នុងចំណោមទីភ្នាក់ងារស៊ើបការណ៍សម្ងាត់លោកខាងលិច។ ពួកគេជឿថា ចិនអាចនឹងរៀបចំសម្រាប់សង្គ្រាមទ្រង់ទ្រាយធំ ឬនុយក្លេអ៊ែរ។ គម្រោងនេះត្រូវបានគេហៅថា “ទីក្រុងយោធាប៉េកាំង” ហើយត្រូវបានគេរំពឹងថានឹងក្លាយជាមជ្ឈមណ្ឌលបញ្ជាការយោធាដ៏ធំបំផុតរបស់ពិភពលោក។
កន្លែងនេះទំនងនឹងរួមបញ្ចូលលេណដ្ឋានពង្រឹងដើម្បីការពារមេដឹកនាំចិនក្នុងអំឡុងពេលមានសង្គ្រាម។ ការសាងសង់បានចាប់ផ្តើមនៅពាក់កណ្តាលឆ្នាំ 2024 ជាមួយនឹងរូបភាពពីផ្កាយរណបដែលបង្ហាញពីរថយន្តស្ទូចជាង 100 គ្រឿងដែលកំពុងត្រូវបានប្រើប្រាស់ក្នុងការសាងសង់។ រីឯរដ្ឋាភិបាលចិនមិនទាន់ធ្វើអត្ថាធិប្បាយ ឬផ្តល់សេចក្តីថ្លែងការណ៍ផ្លូវការអំពីរបាយការណ៍ទាក់ទងនឹងការសាងសង់នេះឡើយ។
