ក្រុមហ៊ុនធំៗមានថវិកាផ្សព្វផ្សាយរាប់លានដុល្លារ ប៉ុន្តែអាជីវកម្មខ្នាតតូចមានអាវុធសម្ងាត់មួយដែលលុយមិនអាចទិញបាន គឺភាពបត់បែន ភាពពិតប្រាកដ និងទំនាក់ទំនងផ្ទាល់ខ្លួន។ ការប្រើប្រាស់ចំណុចខ្លាំងទាំងនេះ គឺជាគន្លឹះដើម្បីយកឈ្នះ ឬតាមទាន់ម៉ាកយីហោធំៗនៅលើទីផ្សារ។
១. ផ្តល់បទពិសោធន៍ផ្ទាល់ខ្លួន
ក្រុមហ៊ុនធំៗផ្តល់សេវាកម្មស្តង់ដារ តែអាជីវកម្មខ្នាតតូចអាចផ្តល់ការយកចិត្តទុកដាក់លម្អិតទៅលើអតិថិជនម្នាក់ៗ។
យុទ្ធសាស្ត្រសម្ងាត់: ព្យាយាមចងចាំឈ្មោះអតិថិជន ការទិញពីមុន ឬចំណូលចិត្តរបស់ពួកគេ។ ផ្ញើសារអរគុណផ្ទាល់ខ្លួន ឬថែមជូនកាដូតូចមួយដែលមិនបានរំពឹងទុក។ ការធ្វើបែបនេះកសាងភាពស្មោះត្រង់ដ៏រឹងមាំ។
២. ល្បឿនក្នុងការសម្របខ្លួន និងច្នៃប្រឌិត
ក្រុមហ៊ុនធំៗមួយចំនួនមាននីតិវិធីស្មុគស្មាញ និងយឺតយ៉ាវក្នុងការធ្វើការសម្រេចចិត្ត។ តែអាជីវកម្មខ្នាតតូចមានភាពរហ័សរហួនងាយបត់បែន ហើយអាចចាប់យកនិន្នាការទីផ្សារបានភ្លាមៗ។
យុទ្ធសាស្ត្រសម្ងាត់: ត្រូវសម្របសម្រួលផលិតផល ឬសេវាកម្មរបស់អ្នកឲ្យត្រូវនឹងតម្រូវការថ្មីរបស់អតិថិជនក្នុងរយៈពេល ២៤ ម៉ោង។ ល្បឿនលឿនក្នុងការឆ្លើយតបទៅនឹងតម្រូវការ អាចប្រែក្លាយអតិថិជនមិនពេញចិត្តឲ្យទៅជាអ្នកគាំទ្រវិញ។
៣. លក់រឿងរ៉ាវពិត និងភាពជាមនុស្ស
យុទ្ធសាស្ត្រសម្ងាត់: ប្រើបណ្តាញសង្គមដើម្បីបង្ហាញពី មុខមាត់ពិត របស់ម្ចាស់អាជីវកម្ម ដំណើរការផលិត និងការប្តេជ្ញាចិត្តចំពោះគុណភាព។ ការបង្ហាញពីដំណើរការ រឿងរ៉ាវពីក្រោយអាជីកម្មអាចកសាង ទំនុកចិត្តខាងអារម្មណ៍ពីអាតិថិជន ដែលលុយមិនអាចទិញបាន។
ជារួម គន្លឹះនេះមិនមែនការប្រកួតប្រជែងលើថវិកាទេ តែត្រូវប្រកួតប្រជែងលើ គុណភាពនៃទំនាក់ទំនង។ ការផ្តោតលើភាពស្និទ្ធស្នាលនិងល្បឿន គឺជាវិធីសាស្ត្រដ៏ល្អបំផុតដើម្បីធានាបាននូវភាពជោគជ័យនៃអាជីវកម្មនីមួយៗ។
