ទៅមុខមួយជំហ៊ានទៀតហើយ! ចិនបានប្រើប្រាស់បច្ចេកវិទ្យា AI ធ្វើការពិនិត្យក្រពះដោយគ្មានការឈឺចាប់ក្នុងរយៈពេលត្រឹមតែ 8 នាទីប៉ុណ្ណោះ

នៅក្នុងប្រទេសចិន គ្រូពេទ្យឥឡូវនេះកំពុងប្រើប្រាស់កន្សោមតូច (ដូចជាថ្នាំគ្រាប់) មួយដែលដំណើរការដោយបញ្ញាសិប្បនិម្មិត (AI) ដើម្បីពិនិត្យក្រពះរបស់អ្នកជំងឺដោយគ្មានការឈឺចាប់ ឬការធ្វើទុកអ្វីឡើយ។ ជំនួសឱ្យការដាក់បំពង់វែងចូលទៅក្នុងបំពង់កដូចជាការឆ្លុះក្រពះធម្មតា ឥឡូវនេះអ្នកជំងឺគ្រាន់តែលេបកន្សោមនោះ វានឹងធ្វើដំណើរឆ្លងកាត់ក្រពះ ហើយថតរូបភាពជាច្រើនក្នុងរយៈពេលប្រហែលប្រាំបីនាទី។

បន្ទាប់មក បញ្ញាសិប្បនិម្មិត (AI) វិភាគរូបភាពដើម្បីរកមើលបញ្ហាដូចជាដំបៅ ឬសញ្ញាដំបូងនៃជំងឺ។ ចំណុចល្អបំផុតគឺមិនចាំបាច់ប្រើថ្នាំសណ្តំ ឬការសម្រាកព្យាបាលនៅមន្ទីរពេទ្យទេ។ កន្សោមនេះនឹងចាកចេញពីរាងកាយដោយធម្មជាតិនៅពេលក្រោយតាមរយៈលាមក។ ហើយបច្ចុប្បន្ននេះវាមានក្រោម 280 ដុល្លារអាមេរិក ដោយធ្វើឱ្យ ថ្នាំគ្រាប់ថ្មីនេះធ្វើឱ្យការពិនិត្យក្រពះកាន់តែងាយស្រួល និងមានតម្លៃសមរម្យជាងមុនដែលងាយស្រួលជាងសម្រាប់មនុស្សជាច្រើន។