ទុក្ខកង្វល់ប្រៀបបាននឹងកៅអីយោលមួយ វាធ្វើឲ្យអ្នកមានចលនារហូត ប៉ុន្តែវាមិនបាននាំអ្នកទៅដល់ទីណានោះទេ។ ការបារម្ភច្រើនពេក មិនមែនជួយដោះស្រាយបញ្ហាថ្ងៃស្អែកនោះទេ តែវាគ្រាន់តែ លួចយកសេចក្តីសុខនៅថ្ងៃនេះ ប៉ុណ្ណោះ។ ដូចនេះការរំដោះខ្លួនចេញពីចិត្តដែលពោរពេញដោយកង្វល់ គឺជាជំនាញដ៏សំខាន់ដើម្បីរស់នៅដោយមានសុភមង្គល និងថាមពល។ ខាងក្រោមនេះជា ៤ វិធីសាស្ត្រជាក់ស្តែង ដើម្បីរំដោះចិត្តរបស់អ្នក៖
១. បែងចែករវាង “បញ្ហា” និង “ការបារម្ភ”
ជំហានដំបូងគឺត្រូវដឹងថា តើអ្នកកំពុងគិតពីបញ្ហាដែលអាចដោះស្រាយបាន ឬគ្រាន់តែជាការបារម្ភពីរឿងដែលមិនទាន់កើតឡើង?
២. អនុវត្តការរស់នៅក្នុងបច្ចុប្បន្ន
ទុក្ខកង្វល់ស្ទើរតែទាំងអស់គឺទាក់ទងនឹងអនាគត (តើនឹងមានរឿងអ្វីកើតឡើង?)។ វិធីព្យាបាលគឺការទាញចិត្តមកកាន់បច្ចុប្បន្នវិញ ដោយចាប់ផ្តោត ដោះស្រាយ និងប្រឈមមុខនឹងអ្វីដែលនៅចំពោះមុខ ទើបជីវិតមិនសូវមានសម្ពាធ។
៣. សរសេរកង្វល់របស់អ្នកចេញមកក្រៅ
នៅពេលមានទុក្ខកង្វល់នៅក្នុងក្បាល វានឹងធ្វើឱ្យការគិតរបស់អ្នកមានភាពរញ៉េរញ៉ៃ គិតអ្វីមិនចេញ ព្រោះអ្នកនៅស្មុកស្មាញតែជាមួយបញ្ហាមួយនឹង។ ដូចនេះអ្នកគួរការសរសេរបញ្ហាតាំងនោះចេញមកក្រៅ មិនត្រឹមតែជួយឱ្យចិត្តរបស់អ្នកធូរមួយកម្រិតទេ វាថែមទាំងជួយឲ្យអ្នកមើលឃើញឫសគល់នៃបញ្ហានីមួយៗកាន់តែច្បាស់ថែមទៀតផង។ល។
៤. ធ្វើសកម្មភាពរាងកាយ
ចិត្តនិងកាយមានទំនាក់ទំនងគ្នាណាស់។ នៅពេលចិត្តតានតឹង រាងកាយក៏តានតឹងទៅតាមនោះដែរ។ ដូច្នេះការធ្វើចលនាគឺជាវិធីលឿនបំផុតដើម្បីប្តូរស្ថានភាពនៃអារម្មណ៍។ ដោយអ្នកអាចងើបដើរ សម្អាតផ្ទះ ឬហាត់ប្រាណឲ្យបែកញើស ដើម្បីដុតបំផ្លាញអរម៉ូនស្ត្រេស និងធ្វើឲ្យចិត្តរបស់អ្នកស្រឡះបានខ្លះ។
ការរំដោះខ្លួនចេញពីចិត្តដែលមានទុក្ខកង្វល់ មិនមែនមានន័យថាអ្នកនឹងលែងមានបញ្ហាក្នុងជីវិតនោះទេ តែមានន័យថាអ្នកលែងអនុញ្ញាតឲ្យបញ្ហាទាំងនោះមកគ្រប់គ្រងសន្តិភាពផ្លូវចិត្តរបស់អ្នក។ ដោយការអនុវត្តវិធីសាស្ត្រទាំងនេះ អ្នកនឹងរៀនគ្រប់គ្រងចិត្តរបស់អ្នកឲ្យកាន់តែរឹងមាំ ស្ងប់ស្ងាត់ និងមានសេរីភាពជាងមុន។
