សុន្ទរកថាក្នុងកម្មវិធី AI Summit លោក Alexander Wang ដែលជាមហាសេដ្ឋី AI វ័យក្មេងបំផុតលើពិភពលោក និងជាប្រធានផ្នែកបញ្ញាសិប្បនិម្មិត (Chief AI Officer) របស់ក្រុមហ៊ុន Meta បានចែករំលែកពីចក្ខុវិស័យរបស់លោកអំពីរបៀបដែលបច្ចេកវិទ្យា AI នឹងជួយពង្រីកសក្តានុពលរបស់មនុស្សជាតិ។ លោកបានរំលឹកពីប្រវត្តិរបស់លោកដែលធំដឹងក្តីក្នុងទីក្រុង Los Alamos ដែលជាទីក្រុងប្រមូលផ្តុំដោយអ្នកវិទ្យាសាស្ត្រ និងរូបវិទូ ដោយបានបណ្តុះឱ្យលោកមានជំនឿយ៉ាងមុតមាំថា “អ្វីៗគឺសុទ្ធតែអាចទៅរួច ហើយវិទ្យាសាស្ត្រគួរតែបម្រើដល់សង្គមមនុស្ស”។ ជំនឿនេះហើយដែលបានជំរុញឱ្យលោកបង្កើតក្រុមហ៊ុន Scale AI និងបន្តបេសកកម្មនៅ Meta ដើម្បីនាំយកបច្ចេកវិទ្យា AI ទៅកាន់មនុស្សរាប់ពាន់លាននាក់នៅជុំវិញពិភពលោក។
នៅក្នុងសុន្ទរកថានេះ បានឆ្លុះបញ្ចាំងថា AI មិនមែនជាការគំរាមកំហែងដល់មនុស្សជាតិឡើយ ប៉ុន្តែវាគឺជា «ឧបករណ៍ពង្រីកសមត្ថភាព» ដែលកំពុងដោះស្រាយបញ្ហាសង្គមជាក់ស្ដែង តាំងពីវិស័យសុខាភិបាលរហូតដល់ការគាំទ្រជនពិការ។ តាមរយៈគំនិត «Personal Super Intelligence» AI នឹងដើរតួជាជំនួយការដ៏ឆ្លាតវៃដើម្បីសម្រាលបន្ទុកការងារប្រចាំថ្ងៃ ដែលជួយឱ្យមនុស្សមានសេរីភាពពេញលេញក្នុងការបង្កើតទំនាក់ទំនង និងធ្វើអ្វីដែលខ្លួនស្រឡាញ់។ ដើម្បីសម្រេចបាននូវអនាគតដ៏មានសុវត្ថិភាពនេះ ការសហការរវាងរដ្ឋ និងឯកជនគឺជាកត្តាចាំបាច់បំផុត ក្នុងការរៀបចំគោលនយោបាយដែលជំរុញការច្នៃប្រឌិត និងធានាថាបច្ចេកវិទ្យានេះនឹងក្លាយជាកម្លាំងចលករ ជួយឱ្យមនុស្សគ្រប់រូបអភិវឌ្ឍខ្លួនទៅជាកំណែទម្រង់ដ៏ល្អបំផុត។
