អំពី​យើង

គំនិត គឺជាគេហទំព័រ​មួយ​ដែលជួយ​ពង្រឹងចំណេះដឹងទាក់ទង​នឹង​ធុរកិច្ច​ដល់សហគ្រិនខ្មែរ​ដែលកំពុង​តែ​គ្រប់គ្រង និង​ដឹកនាំ​អាជីវកម្មខ្នាតតូច និងមធ្យមរបស់ខ្លួន​ ជាពិសេស​នៅលើយុទ្ធសាស្ត្រទីផ្សារ​សម័យទំនើប ការគ្រប់គ្រង​អាជីវកម្ម ការអភិវឌ្ឍន៍អាជីវកម្ម និង​ការ​រក្សា​កំណើន​រីកចម្រើនអាជីវកម្ម។ ពួកយើងចង់បំផុស​គំនិតច្នៃប្រឌិត គំនិត​នវានុវត្ត និងការ​ចេះដោះស្រាយបញ្ហាអាជីវកម្មដោយខ្លួនឯង ដែលសុទ្ធសឹងតែជាជំនាញ​ចាំបាច់ខ្លាំង​នៅក្នុង​សម័យកាលឌីជីថល។ គំនិត ចង់ឃើញ​សហគ្រិនខ្មែរ អាជីវកម្មខ្មែរ​មាន​ភាព​ប្រកួតប្រជែងខ្ពស់ និង​អាចរីកលូតលាស់​ធំធាត់​យូរអង្វែង និង​អាចឈានជើង​ចូលទីផ្សារ​អន្តរជាតិ។ បេសកម្មរបស់ គំនិត គឺ៖

១.ជម្រុញ ឱ្យ មាន ការ រៀន សង្កេត ទៅលើ វិស័យ ធុរកិច្ច ធ្វើករណីសិក្សា ក្រុមហ៊ុន និង អាជីវកម្ម ដែលមាន នៅក្នុង ស្រុក ដើម្បី ចងក្រងជា ឯកសារធុរកិច្ច ឱ្យ ស៊ី នឹង បរិបទ សង្គមខ្មែរ។

២.បំផុសភាពច្នៃប្រឌិត ភាពទាន់សម័យ នៅក្នុង ពិភពធុរកិច្ច ជាពិសេសសម្រាប់សហគ្រាសធុនតូច និងមធ្យម ដើម្បីឱ្យដើរទាន់សម័យកាល និងមានភាព ប្រកួត ប្រជែង។

៣.​បណ្តុះបណ្តាលក្រុមការងារ ធ្វើការស្រាវជ្រាវ ស្វែង រក ចំណេះដឹង ល្អៗ ជាភាសាបរទេស និង ដកស្រង់កែសម្រួល ដោយ រក្សា ទុក ខ្លឹមសារ ដើម ព្រមទាំង សំយោគ គំនិត ផ្សេងៗ គ្នា រួច ចុះផ្សាយ ជា អត្ថបទ វិភាគ ស៊ីជម្រៅ ដើម្បី ជា ចំណេះ ថ្មី ជូនប្រិយមិត្តដែលគាំទ្រ​គំនិត និងប្រជាជនខ្មែរ។

៤. បង្កើត​វគ្គបណ្តុះបណ្តាល សិក្ខាសាលា និង​ការចែករំលែកនានាដែលមានប្រយោជន៍ និង​មានគុណតម្លៃ​សម្រាប់សហគ្រិន និង​ម្ចាស់​អាជីវកម្ម ជាពិសេស​ផ្តោត​លើការគ្រប់គ្រង និង​ការ​ធ្វើ​ប្រតិបត្តិការ​ធុរកិច្ច​សម័យទំនើប។

សារពី ស្ថាបនិក៖ យើងខ្ញុំចង់ឃើញ «គំនិត» មានគុណភាព មាន ភាពទាក់ទាញ និង ល្បីល្បាញ ក្នុង ការ ឈាន ទៅ សម្រេច បាន ចក្ខុវិស័យ របស់ ខ្លួន។ ដូចនេះប្រសិន បើ លោកអ្នក មាន បំណង ដូចគ្នាជាមួយ យើងខ្ញុំ និងចង់ ផ្ដល់ ជា មតិ ស្ថាបនា នោះ លោកអ្នក អាច សរសេរ ចំណុច ល្អ និង ចំណុច ខ្វះខាត និង មតិ កែតម្រូវ ដែល មាន លក្ខណៈ ប្រាកដនិយម តាម រយៈសារអេឡិចត្រូនិច មកកាន់យើងខ្ញុំ។ យើង ខ្ញុំ រីករាយ នឹងទទួល នូវ មតិ យោបល់ ដ៏មាន តម្លៃ អំពី លោកអ្នក។ យើង ខ្ញុំ សង្ឃឹម យ៉ាង មុតមាំ ថា អត្ថបទ ដែល «គំនិត» បាន ចុះផ្សាយ នឹង ផ្ដល់ ជា ប្រយោជន៍ ដល់ ការ ចង់ ចេះ ចង់ ដឹង របស់ លោក អ្នក និង រំពឹង ថា លោក អ្នក នឹង ក្លាយ ជា ប្រិយមិត្ត អ្នក អានជា ប្រចាំ នៃ ការចេញផ្សាយ របស់ យើងខ្ញុំ។ បណ្ដុះការគិត របស់លោកអ្នក ជាមួយ «គំនិត»!