ក្រុមហ៊ុនបច្ចេកវិទ្យារបស់ប្រទេសចិនកំពុងពន្លឿនការអភិវឌ្ឍន៍ AI របស់ពួកគេដោយចាប់ផ្តើមនូវម៉ូដែលថ្មីបន្ទាប់ពីភាពជោគជ័យនៃ DeepSeek’s R1 កាលពីដើមឆ្នាំនេះ។ Baidu បានណែនាំម៉ូឌែល AI ចុងក្រោយបំផុតរបស់ខ្លួនគឺ ERNIE 4.5 និង ERNIE X1 ដោយបង្ហាញពីសមត្ថភាពពហុមុខងារកម្រិតខ្ពស់របស់វា។
ចំណែកឯ Alibaba Cloud ក៏បានបើកដំណើរការ Tongyi Qianwen QwQ-32B ដែលមានសមត្ថភាពពូកែដោះស្រាយគណិតវិទ្យា និងការសរសេរកូដបានដោយប្រសិទ្ធភាព។ រីឯក្រុមហ៊ុន Tencent បានដាក់ចេញនូវមូឌែល Hunyuan Turbo S ដែលជាគំរូ AI កម្រិតខ្ពស់ មានសមត្ថភាពផ្តល់នូវការឆ្លើយតបលឿនជាងមុន អាចបង្កើតអត្ថបទបានរហ័ស និងមានប្រសិទ្ធិភាព។ល។
រដ្ឋាភិបាលចិនកំពុងគាំទ្រកំណើន AI ជាមួយនឹងគោលនយោបាយ និងផែនការ ដូចជារបាយការណ៍ការងាររបស់រដ្ឋាភិបាលឆ្នាំ 2025 ដែលផ្តោតលើការរួមបញ្ចូល AI ទៅក្នុងវិស័យផ្សេងៗ។ ទីក្រុងជាច្រើននៅក្នុងប្រទេសចិនកំពុងជំរុញវិស័យ AI ជាពិសេសដូចជាប៉េកាំង សៀងហៃ និងក្វាងទុងកំពុងបង្កើតមជ្ឈមណ្ឌល AI និងផ្តល់មូលនិធិសម្រាប់គម្រោងថែមទៀតផង។ មិនតែប៉ុណ្ណោះវិស័យ AI របស់ប្រទេសចិនត្រូវបានគេរំពឹងថានឹងមានតម្លៃឈានដល់ 811 ពាន់លានយន់នៅឆ្នាំ 2028 ។
