នាយករដ្ឋមន្ត្រីកាណាដាលោក Mark Carney បានរិះគន់យ៉ាងខ្លាំងចំពោះពន្ធ 25% របស់ប្រធានាធិបតីអាមេរិក Donald Trump លើយានយន្តនាំចូល ដោយលោកបានហៅវាថាជាការបំបែកទំនាក់ទំនងសេដ្ឋកិច្ចយ៉ាងជិតស្និទ្ធរវាងប្រទេសកាណាដា និងសហរដ្ឋអាមេរិក។
លោកបានបញ្ជាក់ទៀតថា ការធ្វើសមាហរណកម្មពាណិជ្ជកម្ម និងយោធាជាប្រវត្តិសាស្ត្ររបស់កាណាដាជាមួយសហរដ្ឋអាមេរិកបានបញ្ចប់ហើយ និងបានអំពាវនាវឱ្យរដ្ឋាភិបាលកាណាដាគិតឡើងវិញនូវយុទ្ធសាស្រ្តសេដ្ឋកិច្ចរបស់ខ្លួន ដោយធ្វើពិពិធកម្មពាណិជ្ជកម្ម និងសម្របខ្លួនទៅនឹងបញ្ហាប្រឈមថ្មីៗ កាត់បន្ថយការពឹងផ្អែកលើសហរដ្ឋអាមេរិក។
ទន្ធឹមនឹងនេះ លោក Carney ក៏បានប្រកាសពន្ធសងសឹកផងដែរដើម្បីជះឥទ្ធិពលដល់សេដ្ឋកិច្ចរបស់សហរដ្ឋអាមេរិក ដោយពន្ធសងសឹកនេះមានតម្លៃសរុបប្រហែល 60 ពាន់លានដុល្លារកាណាដា ទៅលើទំនិញរបស់អាមេរិក។ ថែមពីនេះ លោកបានសង្កត់ធ្ងន់ថាឧស្សាហកម្មរថយន្តរបស់ប្រទេសកាណាដានឹងត្រូវការផ្លាស់ប្តូរ ដើម្បីសម្របខ្លួនទៅនឹងបញ្ហាពន្ធទាំងនេះ
