ចិនកំពុងសាងសង់ទំនប់វារីអគ្គិសនីដ៏ធំមួយដែលមានឈ្មោះថា Yangqu Dam អ្វីដែលពិសេសចំពោះគម្រោងនេះគឺ គេបានប្រើប្រាស់ AI (បញ្ញាសិប្បនិម្មិត) មនុស្សយន្ត និងម៉ាស៊ីនឆ្លាតវៃធ្វើការសាងសង់។ ម៉ាស៊ីនទាំងនេះបានសាងសង់ដោយបង្កើតស្រទាប់ទំនប់មួយជំហានម្តងៗ ដូចជាម៉ាស៊ីនបោះពុម្ព 3D ដំណើរការ។
ខណៈទំនប់នេះមានកម្ពស់ 180 ម៉ែត្រ ដែលវាមិនត្រឹមតែសម្រាប់ស្តុកទឹកប៉ុណ្ណោះទេ តែវាក៏ជាឧទាហរណ៍បង្ហាញពីរបៀបដែល AI អាចគ្រប់គ្រងលើកិច្ចការសំណង់ធំៗបានយ៉ាងរលូន។
វាក៏បង្ហាញផងដែរថា ស្វ័យប្រវត្តិកម្មអាចជាផ្នែកមួយដ៏ធំនៃគម្រោងសាងសង់នាពេលអនាគត ដោយជួយប្រទេសនានាក្នុងការកសាងហេដ្ឋារចនាសម្ព័ន្ធឆ្លាតវៃ និងនិរន្តរភាព ដោយមិនចាំបាច់ពឹងផ្អែកលើកម្លាំងពលកម្មមនុស្សផ្ទាល់។
