កសិដ្ឋានថាមពលពន្លឺព្រះអាទិត្យនៅតំបន់ Huainan នៃប្រទេសចិន គឺជាស្ថានីយ៍ថាមពលពន្លឺព្រះអាទិត្យបណ្តែតទឹកដ៏ធំបំផុតរបស់ពិភពលោក។ វាត្រូវបានសាងសង់នៅលើអណ្តូងរ៉ែធ្យូងថ្មចាស់ដែលលិចទឹកក្នុងខេត្ត Anhui ។ វាត្រូវបានដំឡើងបន្ទះស្រូបពន្លឺព្រះអាទិត្យជាង 13,000 បន្ទះនៅលើទឹក ដោយប្រែក្លាយអតីតកន្លែងរុករករ៉ែទៅជាស្ថានីយ៍ថាមពលពន្លឺព្រះអាទិត្យបណ្តែតទឹកដ៏ធំបំផុតរបស់ពិភពលោក។
កសិដ្ឋានសូឡានេះផលិតអគ្គិសនីបាន 1 ជីហ្គាវ៉ាត់ ដែលគ្រប់គ្រាន់សម្រាប់ផ្គត់ផ្គង់ថាមពលដល់ផ្ទះប្រមាណ 2,6 លានខ្នងក្នុងមួយឆ្នាំ។ គម្រោងនេះប្រើប្រាស់ដីដែលបោះបង់ចោល ហើយដាក់បន្ទះសូឡានៅលើទឹក ដែលជួយរក្សាភាពត្រជាក់ ធ្វើឱ្យដំណើរការកាន់តែប្រសើរ។ ថែមពីនេះ ការប្រើប្រាស់បន្ទះសូឡាក៏ជួយកាត់បន្ថយការបំភាយកាបូនបានយ៉ាងច្រើនផងដែរ។
លើសពីនេះ កសិដ្ឋានថាមពលពន្លឺព្រះអាទិត្យនេះបង្ហាញថា ប្រទេសចិនកំពុងចាប់ផ្តើមប្រើប្រាស់ថាមពលស្អាតបន្ថែមទៀតដូចជាថាមពលពន្លឺព្រះអាទិត្យជំនួសឱ្យការបំពុលធ្យូងថ្ម។
