កាលពីថ្ងៃទី 4 ខែកុម្ភៈ ប្រទេសចិនបានសងសឹកយ៉ាងឆាប់រហ័សប្រឆាំងនឹងពន្ធថ្មីរបស់សហរដ្ឋអាមេរិកដោយការដាក់ពន្ធផ្ទាល់ខ្លួនលើការនាំចូលរបស់អាមេរិក។ ទាំងនេះរួមបញ្ចូលពន្ធ 15% លើធ្យូងថ្ម ឧស្ម័នធម្មជាតិរាវ(LNG) របស់សហរដ្ឋអាមេរិក និងពន្ធ 10% លើប្រេងឆៅ ឧបករណ៍កសិកម្ម និងយានយន្តមួយចំនួន។ ចំណាត់ការនេះបានបង្កើនសង្គ្រាមពាណិជ្ជកម្មរវាងប្រទេសដែលមានសេដ្ឋកិច្ចធំជាងគេទាំងពីរនេះ។
ការសងសឹកនេះបានកើតឡើងភ្លាមៗបន្ទាប់ពីប្រធានាធិបតី Trump បានព្រមានប្រទេសចិនអំពីការដោះស្រាយការនាំចេញ fentanyl របស់ចិនចូលទៅកាន់សហរដ្ឋអាមេរិកខុសច្បាប់ ដែលបានបណ្តាលឱ្យមនុស្សជាច្រើនបានស្លាប់នៅក្នុងសហរដ្ឋអាមេរិក។ លោកបានបញ្ជាក់យ៉ាងច្បាស់ថា លុះត្រាតែចិនចាត់វិធានការទប់ស្កាត់លំហូរនៃសារធាតុ fentanyl នេះ បើពុំនោះទេសហរដ្ឋអាមេរិកនឹងដាក់ពន្ធកាន់តែខ្ពស់ទៅលើទំនិញរបស់ចិន។
ថែមពីនេះជាការឆ្លើយតបទៅកាន់ពន្ធរបស់សហរដ្ឋអាមេរិក ចិនបានរិះគន់សហរដ្ឋអាមេរិកចំពោះពន្ធគយដែលបានដាក់មកប្រទេសខ្លួន ហើយបានលើកឡើងថាខ្លូននឹងប្រកួតប្រជែងទៅលើបញ្ហានេះនៅឯអង្គការពាណិជ្ជកម្មពិភពលោក(WTO)។
ទោះជាយ៉ាងណាក៏ដោយ ជម្លោះរវាងសហរដ្ឋអាមេរិកជាមួយចិនកាន់តែស្មុគស្មាញ ដោយភាគីទាំងពីរបានប្រឈមមុខនឹងបញ្ហាក្នុងការឈានទៅដល់ដំណោះស្រាយក៏ដោយ ក៏បញ្ហានេះអាចនាំឱ្យមានភាពមិនច្បាស់លាស់ខាងសេដ្ឋកិច្ចត្រូវបានអូសបន្លាយ។ នោះសង្វាក់ផ្គត់ផ្គង់ជាសកលអាចបន្តត្រូវបានរំខានដែលវានឹងជះឥទ្ធិពលដល់ទីផ្សារពិភពលោកផងដែរ។
