ចាប់ពីខែតុលា ឆ្នាំ២០២៥ នេះតទៅ ប្រទេសចិននឹងតម្រូវឱ្យអ្នកមានឥទ្ធិពលដែលមនុស្សភាគច្រើនជាទូទៅហៅថា influencers មានលក្ខណៈសម្បត្តិពិតប្រាកដ (ដូចជាសញ្ញាបត្រ ឬអាជ្ញាប័ណ្ណ) មុនពេលនិយាយអំពីវេជ្ជសាស្ត្រ ច្បាប់ ហិរញ្ញវត្ថុ ឬការអប់រំតាមអ៊ីនធឺណិត។ ខណៈពេលវេទិកាប្រព័ន្ធផ្សព្វផ្សាយសង្គមធំៗដូចជា Douyin , Weibo និង Bilibili ឥឡូវនេះទទួលខុសត្រូវក្នុងការត្រួតពិនិត្យឯកសារទាំងនេះ ដើម្បីធានាថាអ្នកមានឥទ្ធិពលកំពុងនិយាយការពិត និងប្រកបដោយវិជ្ជាជីវៈ។
ច្បាប់នេះមានគោលបំណងបញ្ឈប់អ្នកជំនាញក្លែងក្លាយ និងកាត់បន្ថយព័ត៌មានមិនពិតតាមអ៊ីនធឺណិត។ ប៉ុន្តែ មនុស្សមួយចំនួនរិះគន់វា ដោយនិយាយថាវាផ្តល់ឱ្យរដ្ឋាភិបាលនូវការគ្រប់គ្រងកាន់តែច្រើន និងកាត់បន្ថយសេរីភាពនៃការបញ្ចេញមតិ។ ថែមពីនេះ ប្រសិនបើអ្នកមានឥទ្ធិពលបំពានច្បាប់ ឧទាហរណ៍ ដោយនិយាយអំពីប្រធានបទវិជ្ជាជីវៈដោយគ្មានលក្ខណៈសម្បត្តិត្រឹមត្រូវ ពួកគេអាចត្រូវបានពិន័យជាប្រាក់ ផ្អាក ឬថែមទាំងហាមឃាត់មិនឱ្យបង្ហោះជាអចិន្ត្រៃយ៍ទៀតផង។
ទន្ទឹងនឹងនេះក៏មានមនុស្សមួយចំនួនទៀតគាំទ្រចំពោះច្បាប់នេះ និងជឿថា នេះនឹងធ្វើឱ្យព័ត៌មានតាមអ៊ីនធឺណិតកាន់តែគួរឱ្យទុកចិត្ត។
