នៅក្នុងជីវិតដែលរស់ប្រចាំថ្ងៃរបស់មនុស្សម្នាក់ៗ វាងាយស្រួលណាស់ក្នុងការរងឥទ្ធិពលខាងក្រៅមកដឹកនាំផ្លូវជីវិតរបស់យើង ហើយប៉ះពាល់ដល់សុភមង្គលរបស់យើង។ ប៉ុន្តែដើម្បីរស់នៅដោយសន្តិភាព និងស្កប់ស្កល់ពិតប្រាកដ ចូរជៀសវាងការឱ្យរឿងទាំង5 នេះគ្រប់គ្រងអ្នក៖
1. គំនិតរបស់អ្នកដទៃ៖ ទោះបីជាអ្នកព្យាយាមធ្វើឱ្យល្អយ៉ាងណាក៏ដោយ អ្នកមិនអាចផ្គាប់ចិត្តមនុស្សគ្រប់គ្នាបានទេ។ រស់នៅក្នុងជីវិតរបស់អ្នកដោយផ្អែកលើតម្លៃរបស់អ្នក មិនមែនការរំពឹងទុករបស់អ្នកដទៃនោះទេ។
2. ភាពភ័យខ្លាច៖ ការភ័យខ្លាចនៃការបរាជ័យ ឬការបដិសេធអាចរារាំងអ្នកពីការលូតលាស់រីកចម្រើន ដូចនេះអ្នកត្រូវហ៊ានប្រឈមមុខនឹងបញ្ហា រកមើលឱកាស ហើយបន្តដំណើរទៅមុខទៀត ដើម្បីឱ្យអនាគតនៅថ្ងៃមុខរបស់អ្នកកាន់តែមានពន្លឺ។
3. អតីតកាល៖ កុំបណ្តោយឱ្យកំហុសពីអតីតកាល ឬការស្តាយក្រោយមករារាំងអ្នកនៅពេលវេលាបច្ចុប្បន្នរបស់អ្នក ចូរអ្នករៀនពីបទពិសោធន៍ទាំងនោះ ជៀសវាងជាន់ដានចាស់ ដើម្បីវវិត្តន៍បច្ចុប្បន្នភាពរបស់អ្នកកាន់តែល្អប្រសើរ។
4. លុយ៖ ទោះបីជាលុយមានសារៈសំខាន់ក៏ដោយ លុយមិនគួរជារឿងតែមួយគត់ដែលដឹកនាំជម្រើសរបស់អ្នក ដែលធ្វើឱ្យអ្នកជ្រើសអ្វីមួយ ដើម្បីបានលុយហើយប៉ះពាល់ដល់អនាគតរបស់អ្នកនោះទេ។
5. និយាយបង្អាប់ខ្លួនឯង៖ ជៀសវាងការនិយាយលេងបង្អាប់ ឬអវិជ្ជមានចំពោះខ្លួនឯង ព្រោះយូរៗទៅវានឹងធ្វើឱ្យអ្នកអស់ភាពជឿជាក់ និងទំនុកចិត្តលើខ្លួនឯងដោយមិនដឹងខ្លួន។
ការបោះបង់ចោលនូវសកម្មភាពទាំងនេះនឹងផ្តល់ឱ្យអ្នកនូវសន្តិភាពផ្លូវចិត្តក្នុងការកសាងជីវិតដែលកាន់តែសប្បាយរីករាយ និងស្កប់ស្កល់។
