កាលពីថ្ងៃទី 28 ខែឧសភា Elon Musk បានប្រកាសនៅលើវេទិកាប្រព័ន្ធផ្សព្វផ្សាយសង្គម X របស់គាត់ពីការចាកចេញពីតួនាទីរបស់គាត់នៅក្នុងរដ្ឋបាល Trump ក្នុងនាមជាបុគ្គលិកពិសេសរបស់រដ្ឋាភិបាល។ ទន្ទឹមនឹងនោះមន្ត្រីសេតវិមានបានបញ្ជាក់ថា ការចាកចេញរបស់លោកនឹងចូលជាធរមាននៅល្ងាចនោះតែម្តង។
ថែមពីនេះ បន្ទាប់ពីលោក Musk ចាកចេញពីរដ្ឋបាលលោក Trump លោកក៏បានថ្លែងអំណរគុណដល់លោក Trump នៅលើប្រព័ន្ធផ្សព្វផ្សាយសង្គម X របស់គាត់ សម្រាប់ឱកាសដើម្បីបម្រើរយៈពេល 130 ថ្ងៃក្នុងនាមជាបុគ្គលិករដ្ឋាភិបាលពិសេសនៅក្នុងនាយកដ្ឋានប្រសិទ្ធភាពរដ្ឋាភិបាល (DOGE) និងបានបង្ហាញទំនុកចិត្តថានាយកដ្ឋានប្រសិទ្ធភាពរដ្ឋាភិបាល (DOGE) នឹងបន្តបេសកកម្មរបស់ខ្លួនដើម្បីកាត់បន្ថយការចំណាយរបស់រដ្ឋាភិបាល។
យ៉ាងណាមិញ អំឡុងពេលលោកកាន់តួនាទីនយោបាយនៅក្នុងរដ្ឋាភិបាល វាបានបង្កឱ្យមានការតវ៉ាមិនពេញចិត្តពីមនុស្សចាច្រើន មិនតែប៉ុណ្ណោះ អ្នកវិនិយោគមួយចំនួនបានជំរុញឱ្យគាត់ផ្តោតលើក្រុមហ៊ុន Tesla ជំនួសឱ្យការងាររបស់រដ្ឋាភិបាល និងភាពចម្រូងចម្រាសផ្សេងៗទៀត។
