លោក Elon Musk ព្យាករណ៍ពីអនាគតមួយដែលមនុស្សប្រហែលជាមិនចាំបាច់ធ្វើការ ហើយលុយកាក់ប្រហែលជាមិនសំខាន់ទេ ដោយសារបញ្ញាសិប្បនិម្មិតទំនើប និងមនុស្សយន្តដែលមានរាងដូចមនុស្ស។ ន័យនេះលោកបានថ្លែងនៅក្នុងវេទិកាវិនិយោគសហរដ្ឋអាមេរិក-អារ៉ាប៊ីសាអូឌីត លោកបាននិយាយថា ក្នុងរយៈពេល 10-20 ឆ្នាំ ការងារអាចក្លាយជា “ជម្រើស” ដូចជាចំណង់ចំណូលចិត្ត ឬការលេងហ្គេម។ មនុស្សអាចធ្វើការសម្រាប់តែការរីករាយប៉ុណ្ណោះ ស្រដៀងគ្នាទៅនឹងការដាំបន្លែនៅក្នុងទីធ្លាខាងក្រោយផ្ទះ។
ថែមពីនេះ លោក Musk គិតថា បញ្ញាសិប្បនិម្មិត (AI) និងមនុស្សយន្តអាចធ្វើការងារស្ទើរតែទាំងអស់ដែលមនុស្សធ្វើសព្វថ្ងៃនេះ។ ប្រសិនបើម៉ាស៊ីនដោះស្រាយការងារភាគច្រើន មនុស្សមិនចាំបាច់ធ្វើការដើម្បីរស់រានមានជីវិតនោះទេ។ នេះនឹងធ្វើឱ្យទំនិញ និងសេវាកម្មជាមូលដ្ឋាន ដូចជាអាហារ សម្លៀកបំពាក់ លំនៅដ្ឋាន និងការថែទាំសុខភាព មានច្រើនក្រៃលែង និងងាយស្រួលរកបាន ដែលអាចកាត់បន្ថយ ឬបញ្ចប់ភាពក្រីក្រ។
ទន្ទឹមនឹងនោះ លោក Jensen Huang នាយកប្រតិបត្តិ Nvidia ក៏បានយល់ស្របដោយនិយាយថា បញ្ញាសិប្បនិម្មិតនឹងផ្លាស់ប្តូររបៀបដែលមនុស្សធ្វើការ។ ការងារមួយចំនួននឹងនៅតែមាន ប៉ុន្តែម៉ាស៊ីននឹងធ្វើផ្នែកដដែលៗ ដូច្នេះមនុស្សអាចផ្តោតលើកិច្ចការសំខាន់ៗ ឬច្នៃប្រឌិតជាង។
