ការគ្រប់គ្រងខ្លួនឯង គឺជាជំនាញដ៏សំខាន់បំផុតដែលកំណត់ពីកម្រិតនៃភាពជោគជ័យ និងសេរីភាពផ្ទាល់ខ្លួនរបស់អ្នក។ វាមិនមែនគ្រាន់តែជាការគ្រប់គ្រងការងារនោះទេ តែជាការគ្រប់គ្រងសកម្មភាព អារម្មណ៍ និងពេលវេលារបស់អ្នកឲ្យស្របតាមគោលដៅធំៗក្នុងជីវិត។ ខាងក្រោមនេះជា ៥ ជំហានដែលអ្នកអាចអនុវត្តបាន៖
១. កំណត់ទិសដៅ និងតម្លៃស្នូលឲ្យបានច្បាស់លាស់
អ្នកមិនអាចគ្រប់គ្រង ឬដឹកនាំខ្លួនឯងបានទេ ប្រសិនបើអ្នកមិនដឹងថាអ្នកចង់ទៅទីណា។ ដូចនេះត្រូវដឹងច្បាស់ពី គោលដៅរយៈពេលវែងរបស់ខ្លួនឯង និងតម្លៃស្នូលដែលអ្នកប្រកាន់ខ្ជាប់។ កំណត់ថា តើអ្វីដែលសំខាន់បំផុតសម្រាប់អ្នក? ការកំណត់ “ហេតុផល” នេះ ផ្តល់ឲ្យអ្នកនូវកម្លាំងចិត្តដើម្បីបន្តដំណើរទៅមុខ។
២. គ្រប់គ្រងអារម្មណ៍មុននឹងធ្វើការសម្រេចចិត្ត
អារម្មណ៍ (ដូចជាកំហឹង ភាពភ័យខ្លាច ឬភាពរំភើប) អាចធ្វើឲ្យអ្នកធ្វើការសម្រេចចិត្តខុសភ្លាមៗ។ ដូច្នេះហើយនៅពេលអ្នកមានអារម្មណ៍តានតឹង សូមអនុវត្តការដកដង្ហើមវែងៗ និងរំងាប់អារម្មណ៍ មុននឹងឆ្លើយតប។ ត្រូវដាក់អារម្មណ៍មួយឡែក ហើយផ្តោតតែលើហេតុផល និងទិន្នន័យមុននឹងសម្រេចចិត្ត។
៣. កសាងទម្លាប់តូចៗ និងជាប់លាប់
ការគ្រប់គ្រងខ្លួនឯងត្រូវបានកសាងឡើងដោយការសម្រេចបានជ័យជម្នះតូចៗ។ វិន័យគឺកើតចេញពីការធ្វើរឿងតូចៗម្តងហើយម្តងទៀត។ អ្នកគួរផ្តោតលើការបង្កើតទម្លាប់ល្អ (ឧទាហរណ៍៖ ចូលគេងឱ្យបានទៀងទាត់ ឬអានសៀវភៅ ១០ ទំព័ររាល់ថ្ងៃ)។ ភាពជាប់លាប់នឹងបង្កើតលទ្ធផលនឹងស្មានមិនដល់មកអ្នក។
៤. គ្រប់គ្រងពេលវេលាដោយការផ្តល់អាទិភាព
ពេលវេលាគឺជាធនធានដ៏មានតម្លៃបំផុតរបស់អ្នក។ ការគ្រប់គ្រងខ្លួនឯងមានន័យថាការការពារពេលវេលារបស់អ្នកសម្រាប់កិច្ចការដែលសំខាន់។ អ្នកគួរកំណត់កិច្ចការអាទិភាពខ្ពស់បំផុត និងសំខាន់ប្រចាំថ្ងៃ ហើយរៀន និយាយថា “ទេ” ចំពោះសកម្មភាពដែលមិនស្របតាមគោលដៅរបស់អ្នក។ល។
៥. ត្រួតពិនិត្យ និងវាយតម្លៃខ្លួនឯង
ការគ្រប់គ្រងខ្លួនឯងទាមទារការទទួលខុសត្រូវ។ ដូចនេះអ្នកត្រូវតែដឹងថាអ្នកកំពុងធ្វើអ្វីបានល្អ ហើយអ្វីដែលត្រូវកែលម្អ។ រកពេល ១៥ នាទីរៀងរាល់សប្តាហ៍ដើម្បី ពិនិត្យមើលវឌ្ឍនភាពរបស់អ្នកថាតើអ្នកបានធ្វើអ្វីដែលរីកចម្រើន និងភាពខុសឆ្គងអ្វីដែលអ្នកបានធ្វើ។ល។
សរុបមក ការរៀនគ្រប់គ្រងខ្លួនឯង គឺជាការបង្ហាញពីការគោរពខ្លួនឯង។ ដោយអនុវត្តជំហានទាំង ៥ នេះ អ្នកនឹងទទួលបាននូវ សេរីភាព និងទំនុកចិត្តពេញលេញលើខ្លួនឯង និងអនាគតរបស់អ្នក។
