បរិយាកាសនៅប្រទេសអ៊ីស្លង់ត្រូវបានគេរាយការណ៍ថាខ្យល់របស់អ៊ីស្លង់ស្ថិតក្នុងចំណោមប្រទេសដែលមានបរិយាកាសបរិសុទ្ធបំផុតលើពិភពលោក ហើយត្រូវតាមស្តង់ដារខ្ពស់បំផុតរបស់អង្គការសុខភាពពិភពលោក (WHO)។ នេះគឺដោយសារការប្រើប្រាស់ថាមពលកកើតឡើងវិញ ដូចជាថាមពលកំដៅពីផែនដី និងវារីអគ្គិសនី ដែលមិនបង្កើតឱ្យមានការបំពុល។
ជាមួយនឹងចំនួនប្រជាជនតិចតួច ឧស្សាហកម្មតិចតួច និងច្បាប់បរិស្ថានដ៏តឹងរ៉ឹងក្នុងការការពារបរិស្ថាន ដូច្នេះប្រទេសនេះមិនងាយទទួលបានខ្យល់កខ្វក់ច្រើន (ផ្សែងអ័ព្ទ) ដូចប្រទេសដទៃនោះទេ។
ទោះបីជាប្រទេសនេះពេលខ្លះនឹងកើតមានការបន្ទុះភ្នំភ្លើងដែលអាចប៉ះពាល់ដល់គុណភាពខ្យល់ តែវាមានរយៈពេលខ្លីប៉ុណ្ណោះ បន្ទាប់មកវាក៏ត្រឡប់មកជាខ្យល់បរិសុទ្ធដដែល។ នេះបង្ហាញថាការប្រើប្រាស់ថាមពលស្អាត និងមានច្បាប់បរិស្ថានរឹងមាំអាចកាត់បន្ថយការបំពុលបានយ៉ាងច្រើន។
