អៀរឡង់កំពុងផ្តល់ជំនួយរហូតដល់ 90,000 ដុល្លារ ដើម្បីជួយប្រជាជនជួសជុលផ្ទះដែលរងការខូចខាតខ្លាំង រីឯផ្ទះដែលទុកចោលចាប់ពីពីរឆ្នាំឡើងនឹងអាចទទួលបានរហូតដល់ 64,000 ដុល្លារ នៅលើកោះដាច់ស្រយាលរបស់ខ្លួន។ ការបង្តើតមូនិធិនេះស្ថិតក្រោមកម្មវិធី Our Living Islands ដែលបានចាប់ផ្តើមនៅឆ្នាំ 2023 គ្រោងការណ៍នេះគ្របដណ្តប់លើកោះចំនួន 23 ដូចជាកោះ Aran, Inishbofin និង Tory ។ គោលដៅគឺដើម្បីស្តារសហគមន៍ដែលមានស្រាប់នេះឡើយវិញ ជាមួយនឹងលំនៅដ្ឋានប្រសើរជាងមុន និងលើកទឹកចិត្តប្រជាជនឱ្យរស់នៅទីនោះ។
ហើយដើម្បីមានលក្ខណៈសម្បត្តិគ្រប់គ្រាន់ក្នុងការទទួលបានជំនួយនេះ អ្នកត្រូវតែជាម្ចាស់ ឬកំពុងទិញអចលនទ្រព្យ រស់នៅទីនោះពិតប្រាកដ និងជាអ្នកទទួលខុសត្រូវក្នុងការជួសជុល ឬកែលម្អផ្ទះ។ ផ្ទះត្រូវតែក្លាយជាលំនៅដ្ឋានសំខាន់ ឬជួលរយៈពេលវែង មិនមែនជាផ្ទះសម្រាប់ថ្ងៃសម្រាកនោះទេ។ ជីវិតនៅលើកោះអាចជាបញ្ហាប្រឈម ប៉ុន្តែសម្រាប់អ្នកដែលចូលចិត្តជីវិតជាមួយធម្មជាតិ វាជាឱកាសដ៏ល្អក្នុងការរីករាយជាមួយទេសភាពសមុទ្រដ៏ស្រស់ស្អាត ខ្យល់អាកាសបរិសុទ្ធ និងជីវិតដ៏សុខសាន្តនៅទីនោះ។
