ប្រទេសជប៉ុនបានសាងសង់ប្រព័ន្ធគ្រប់គ្រងទឹកជំនន់ក្រោមដីដ៏ធំបំផុតរបស់ពិភពលោក ដើម្បីការពារទីក្រុងតូក្យូពីការជន់លិច នៅពេលមានភ្លៀងធ្លាក់ខ្លាំង និងព្យុះទីហ្វុង។ វាត្រូវបានគេហៅថា Metropolitan Area Outer Underground Discharge Channel ដែលមានទីតាំងនៅទីក្រុង Kasukabe ក្នុងខេត្ត Saitama ។
ប្រព័ន្ធនេះមានប្រវែង 3.7 ម៉ាយ និងអាចផ្ទុកទឹកបានដល់ទៅ 670,000 ម៉ែត្រគូប ដោយចំណាយពេលសាងសង់រហូតដល់ទៅ 13 ឆ្នាំ។ ហើយដំណើរការរបស់វាគឺក្នុងអំឡុងពេលមានភ្លៀងធ្លាក់ខ្លាំង ទន្លេតូចៗជុំវិញទីក្រុងតូក្យូអាចហូរពេញ និងហូរហៀរ ដែលបណ្តាលឱ្យមានទឹកជំនន់ ដូចនេះដើម្បីបញ្ឈប់វា ប្រព័ន្ធក្រោមដីនឹងជម្លៀសទឹកទាំងនោះចេញពីទន្លេតូចៗទាំងនេះ ដោយផ្លាស់វាតាមរយៈរូងក្រោមដី ហើយបញ្ជូនវាទៅទន្លេធំមួយហៅថា ទន្លេអេដូ។
ដោយសារតែនៅខាងក្នុងវាមានសសរធំៗ ហើយមើលទៅដូចជាប្រាសាទក្រោមដីដ៏ធំ ហើយដោយសារវាមើលទៅឡូយ និងអស្ចារ្យខ្លាំង បានធ្វើឱ្យមនុស្សជាច្រើនបានចែករំលែករូបភាពដ៏គួរឱ្យចាប់អារម្មណ៍ និងប្លែករបស់វាលើបណ្ដាញសង្គម។
