វិស្វករនៅប្រទេសជប៉ុនបានបង្កើតម៉ាស៊ីនភ្លើងមួយមានរាងដូចទៅនឹងកាក់ ដែលអាចប្រែក្លាយសំណើមក្នុងខ្យល់ទៅជាអគ្គិសនី ដោយវាមិនត្រូវការផ្នែកផ្លាស់ទី និងដំណើរការគ្រប់ពេល ដូចជាបន្ទះស្រូបពន្លឺព្រះអាទិត្យ ឬទួរប៊ីនខ្យល់នោះឡើយ។ ពីព្រោះថាឧបករណ៍នេះបានប្រើ nanofilm ពិសេសដែលប្រមូលថាមពលពីសំណើមដើម្បីបង្កើតចរន្តអគ្គិសនីថេរ។
មិនតែប៉ុណ្ណោះ វិស្វករបានសាកល្បងម៉ាស៊ីនភ្លើងក្នុងស្រែ។ វាផ្តល់ថាមពលដល់ឧបករណ៍តូចៗ ដូចជាឧបករណ៍ចាប់សញ្ញា និងឧបករណ៍បញ្ជូនសម្រាប់រយៈពេលដ៏យូរ ដោយគ្មាននរណាម្នាក់ត្រូវជួសជុល ឬថែទាំវាឡើយ។ នេះបង្ហាញថាម៉ាស៊ីនភ្លើងអាចដំណើរការដោយភាពជឿជាក់ដោយខ្លួនឯងនៅក្នុងលក្ខខណ្ឌជីវិតពិត។
ថែមពីនេះ អ្នកវិទ្យាសាស្ត្រសង្ឃឹមថា បច្ចេកវិទ្យានេះនៅថ្ងៃណាមួយអាចបញ្ចូលទៅក្នុងជញ្ជាំង ឬតង់ ដើម្បីផ្តល់ថាមពលអគ្គិសនីស្អាតនៅកន្លែងដាច់ស្រយាល ដែលបន្ទះស្រូបពន្លឺព្រះអាទិត្យ ឬអាគុយមិនដំណើរការល្អ។
