នាយករដ្ឋមន្ត្រីជប៉ុន លោក Ishiba Shigeru បានចាប់ផ្តើមដំណើររបស់គាត់ទៅកាន់សហរដ្ឋអាមេរិក ដើម្បីជួបជាមួយប្រធានាធិបតី Trump សម្រាប់កិច្ចប្រជុំកំពូលលើកដំបូងក្នុងគោលបំណងកសាងទំនាក់ទំនងផ្ទាល់ខ្លួននៃការជឿទុកចិត្ត និងពិភាក្សាអំពីបញ្ហាសំខាន់ៗ។
នាយរដ្ឋមន្រី្តជប៉ុន និងប្រធានាធិបតី Trump គ្រោងនឹងបញ្ចេញសេចក្តីថ្លែងការណ៍រួមមួយស្តីពីសេដ្ឋកិច្ច សន្តិសុខ និងប្រទេសចិន។ កិច្ចពិភាក្សាសន្តិសុខ
នឹងផ្តោតលើការពង្រឹងសម្ព័ន្ធភាពអាមេរិក-ជប៉ុនក្នុងការប្រឈមមុខនឹងបញ្ហានៅអាស៊ីបូព៌ា។ ចំពោះប្រទេសចិនមេដឹកនាំជប៉ុន និងអាមេរិកប្រឆាំងសកម្មភាពឯកតោភាគីរបស់ចិនក្នុងការទាមទារទឹកដីនៅសមុទ្រចិនខាងកើត និងខាងត្បូង ដែលជាតំបន់មានភាពចម្រូងចម្រាសជាមួយនឹងប្រទេសផ្សេងទៀត។ ថែមពីនេះចិនបាននិងកំពុងសាងសង់ការដំឡើងយោធានៅលើកោះសិប្បនិមិត្ត ដែលប្រទេសទាំងនោះអាចធ្វើឲ្យមានការរំខានដល់ច្បាប់អន្តរជាតិ និងគំរាមកំហែងដល់សន្តិភាព និងស្ថិរភាពក្នុងតំបន់ដែលពួកគេមានភាពចម្រូងចម្រាសជាមួយ។
នៅក្នុងដំណើរទស្សនកិច្ចរបស់ Ishiba ក៏ស្វែងរកភាពជាដៃគូជាមួយនឹងរដ្ឋបាល Trump។ ក្រោមការដឹកនាំរបស់លោក Trump ប្រទេសជប៉ុនអាចដើរតួនាទីយ៉ាងសំខាន់ ជាមួយនឹងការបង្កើនការរួមចំណែកផ្នែកសេដ្ឋកិច្ច និងការទទួលខុសត្រូវនៅក្នុងសម្ព័ន្ធភាព ដោយកាត់បន្ថយបន្ទុកផ្នែកហិរញ្ញវត្ថុនៅក្នុងប្រទេស។
