ថ្មីៗនេះ Meta បានធ្វើកិច្ចព្រមព្រៀងដ៏ធំមួយរយៈពេល 20 ឆ្នាំដើម្បីទទួលបានថាមពលស្អាតបន្ថែមទៀតពីរោងចក្រថាមពលនុយក្លេអ៊ែរនៅរដ្ឋ Illinois ។ នេះនឹងផ្តល់ឱ្យ Meta នូវថាមពលបន្ថែមទៀតដើម្បីដំណើរការ AI និងកុំព្យូទ័រកម្រិតខ្ពស់របស់ខ្លួន។
កិច្ចព្រមព្រៀងនេះនឹងបន្ថែមថាមពលស្អាតចំនួន 30 មេហ្គាវ៉ាត់ បង្កើតការងារក្នុងស្រុក និងនាំមកនូវពន្ធចំនួន 13.5 លានដុល្លារក្នុងមួយឆ្នាំដើម្បីជួយដល់សេដ្ឋកិច្ច។ រីឯក្រុមហ៊ុនបច្ចេកវិទ្យាធំៗផ្សេងទៀតដូចជា Amazon, Google និង Microsoft ក៏កំពុងប្រើប្រាស់ថាមពលនុយក្លេអ៊ែរដើម្បីទទួលបានថាមពលស្អាតផងដែរ។
ថែមពីនេះ កិច្ចព្រមព្រៀងរបស់ Meta បានបង្ហាញពីរបៀបដែលក្រុមហ៊ុនធំៗកំពុងជ្រើសរើសថាមពលស្អាត ដើម្បីដំណើរការអាជីវកម្មរបស់ពួកគេ ដោយមិនបង្កឱ្យមានការបំពុល។
