ការកំណត់ និងការសម្រេចបាននូវគោលដៅផ្ទាល់ខ្លួនពាក់ព័ន្ធនឹងដំណើរការច្បាស់លាស់នៃការកំណត់អត្តសញ្ញាណនូវអ្វីដែលអ្នកចង់សម្រេចបាន និងចាត់វិធានការណ៍ឆ្ពោះទៅរកគោលដៅទាំងនោះ។ ដូចនេះហើយខាងក្រោមនេះគឺជាការណែនាំដ៏សាមញ្ញមួយចំនួនដើម្បីជួយអ្នកក្នុងកំណត់ ដើម្បីសម្រេចបាននូវគោលដៅផ្ទាល់ខ្លួនរបស់អ្នក៖
កំណត់គោលដៅច្បាស់លាស់ និងជាក់លាក់៖ ចាប់ផ្តើមដោយការធ្វើឱ្យគោលដៅរបស់អ្នកច្បាស់លាស់ និងជាក់លាក់។ ឧទារណ៍ ជំនួសឱ្យការនិយាយថា “ខ្ញុំចង់បានរាងស្អាត” ចូរនិយាយថា “ខ្ញុំនឹងធ្វើលំហាត់ប្រាណ 30 នាទីជារៀងរាល់ថ្ងៃ” នេះផ្តល់នូវភាពច្បាស់លាស់ និងមានគោលដៅ។
កំណត់ពេលវេលាឱ្យបានត្រឹមត្រូវ៖ ចូរកំណត់ពេលវេលាដើម្បីសម្រេចបាននូវរឿងអ្វីមួយឱ្យបានជាសមិទ្ធផល និងមានគុណភាព។ ការដែលកំណត់ពេលវេលាបានត្រឹមត្រូវនោះវានឹងធ្វើឱ្យកិច្ចការរបស់អ្នកសម្រេចបានតាមពេលដែលកំណត់។
បង្កើតផែនការសកម្មភាព៖ រៀបចំផែនការច្បាស់លាស់មួយ ហើយធ្វើការបំបែកវាជំហានតូចៗដើម្បីឱ្យអ្នកមានភាពងាយស្រួលក្នុងការសម្រេច និងមិនមានភាពស្មុកស្មាញ។
រក្សាការប្តេជ្ញាចិត្ត និងសម្របខ្លួន៖ ចូរធ្វើការរក្សានូវទឹកចិត្ត និងការប្តេជ្ញាចិត្តក្នុងការធ្វើកិច្ចការងាររបស់អ្នក មិនថាវាពិបាក ឬមានឧបសគ្គយ៉ាងណានោះទេ។ អ្នកត្រូវព្យាយាមសម្របខ្លួននៅក្នុងពេលដែលលំបាកព្រមតាំងធ្វើការដោះស្រាយនូវបញ្ហានោះ។
ធ្វើជាឱ្យក្លាយទៅជាទម្លាប់៖ ដើម្បីសម្រចបាននូវគោលដៅមួយគឺត្រូវទៅឱ្យអ្នកមានសកម្មភាពជាប់លាប់ ហើយទៅប្រែសកម្មភាពនៃការធ្វើនោះទៅជាទម្លាប់ នោះនៅថ្ងៃណាមួយអ្នកនឹងសម្រេចបានគោលដៅដែលអ្នកបានប្រាថ្នាជាមិនខាន។
ដូចនេះការធ្វើតាមជំហានមួយចំនួនខាងលើនេះ អ្នកនឹងអាចប្រែក្លាយក្តីសុបិនរបស់អ្នកទៅជាគោលដៅដែលអាចសម្រេចបាន និងធ្វើឱ្យមានការរីកចម្រើនជារៀងរាល់ថ្ងៃ។
