Nvidia ដែលជាក្រុមហ៊ុនបន្ទះឈីបនៅអាមេរិកបានសម្តែងការព្រួយបារម្ភអំពីរបៀបដែលការរឹតបន្តឹងបន្ទះឈីបរបស់សហរដ្ឋអាមេរិកកំពុងផ្តល់ផលប្រយោជន៍ដោយប្រយោលដល់ក្រុមហ៊ុន Huawei ដែលជាក្រុមហ៊ុនចិននៅក្នុងឧស្សាហកម្ម AI ។ ទន្ទឹមនឹងនេះ នាយកប្រតិបត្តិ Nvidia លោក Jensen Huang បានចង្អុលបង្ហាញថាការរឹតបន្តឹងលើបន្ទះឈីបរបស់ Nvidia នៅក្នុងប្រទេសចិនកំពុងធ្វើឱ្យបន្ទះឈីបរបស់ក្រុមហ៊ុន Huawei កាន់តែងាយស្រួលប្រកួតប្រជែងជាមួយ។
រីឯ នៅក្នុងកិច្ចប្រជុំឯកជនជាមួយសមាជិកសភាសហរដ្ឋអាមេរិក Nvidia បានចែករំលែកថា ប្រសិនបើក្រុមហ៊ុន Huawei បន្តធ្វើបានល្អជាមួយនឹងបន្ទះឈីប AI វាអាចបង្កើតតម្រូវការជាសកលសម្រាប់បន្ទះឈីបរបស់ក្រុមហ៊ុន Huawei ។
បន្ថែមពីនេះ នាយកប្រតិបត្តិរបស់ Nvidia ក៏បាននិយាយថា AI មានសារៈសំខាន់សម្រាប់សហរដ្ឋអាមេរិក ហើយអាមេរិកគួរតែបង្កើនបច្ចេកវិទ្យា AI បន្ថែមទៀតដើម្បីរក្សាភាពរឹងមាំ និងប្រកួតប្រជែង។ មិនតែប៉ុណ្ណោះ Nvidia ក៏ទទួលស្គាល់ភាពខ្លាំងរបស់ក្រុមហ៊ុន Huawei ក្នុងផ្នែកកុំព្យូទ័រ បណ្តាញ និងសមត្ថភាពផ្នែកផ្សេងៗទៀត ដោយដាក់វាជាដៃគូប្រកួតប្រជែងខ្លាំងនៅក្នុង AI ។
យ៉ាងណាមិញ ទោះបីជាមានការរឹតបន្តឹងនាំចូលសហរដ្ឋអាមេរិកក៏ដោយ ក៏ក្រុមហ៊ុន Huawei បានដាក់ចេញនូវបន្ទះឈីប Ascend ដែលមានសមត្ថភាពខ្លាំង និងត្រូវបានគេរំពឹងថានឹងទទួលបានទីផ្សារកាន់តែច្រើន រួមទាំងម៉ូដែល Ascend 910C និង 910D នាពេលខាងមុខផងដែរ។
