ពាក្យដែលអ្នកប្រើប្រាស់ជារាល់រៀលថ្ងៃអាចបង្ហាញពីអារម្មណ៍ ជាពិសេសការគិតរបស់អ្នក។ ដូចនេះបើអ្នកមានការគិតវិជ្ជមាន វានឹងធ្វើឱ្យការរស់នៅរបស់អ្នកមិនសូវជួបភាពតានតឹង តែងរកឃើញវិធីសាស្រ្ត និងឱកាសជានិច្ច តែបើអ្នកប្រើពាក្យអវិជ្ជមានខ្លះអាចធ្វើឱ្យអ្នកមានអារម្មណ៍តានតឹង ឬអស់សង្ឃឹម ទោះជាអ្នកនិយាយដោយមិនដឹងខ្លួនក៏ដោយ។ ដូច្នេះតាមរយៈការដក ឬជំនួសពាក្យខ្លះមកវិជ្ជមាននឹងធ្វើឱ្យផ្នត់គំនិតរបស់អ្នកប្រសើរឡើង តាមរយៈវិធីខាងក្រោម៖
ឧទាហរណ៍៖
_ ជំនួសឱ្យការនិយាយថា “ខ្ញុំមិនអាច” សាកល្បងនិយាយថា “ខ្ញុំនឹងព្យាយាម” ឬ “ខ្ញុំនឹងរកវិធី”
_ ជំនួស “ខ្ញុំបរាជ័យ” ដោយ “ខ្ញុំនឹងរៀនស្វែងយល់បន្ថែមទៀត”
_ ជំនួសពាក្យ “វាពិបាកពេក” ដោយ “នេះជាបទពិសោធន៍ថ្មីមួយទៀត”
_ “ខ្ញុំមិនពូកែខាងនេះទេ” ដោយ “ខ្ញុំនឹងហ្វឹកហាត់បន្ថែម”
_ “វាមិនអាចទៅរួចទេ” ដោយ “តោះមើលរបៀបដែលវាអាចដំណើរការបាន”
_ “ខ្ញុំមិនពូកែគ្រប់គ្រាន់ទេ” ដោយ “ខ្ញុំនឹងបន្តបង្កើនសមត្ថភាពរបស់ខ្ញុំ”
_ “ខ្ញុំមិនសំណាង” ដោយ ”ខ្ញុំនឹងបង្កើតឱកាសដោយខ្លួនឯង”
_ “ខ្ញុំជាប់គាំង” ដោយ “ខ្ញុំកំពុងស្វែងរកជំហានបន្ទាប់របស់ខ្ញុំ”
_ “គ្មានអ្វីដំណើរការទេ” ដោយ “ខ្ញុំនឹងសាកល្បងវិធីផ្សេង”
_ “ខ្ញុំប្រហែលជាបរាជ័យ” ដោយ “ខ្ញុំនឹងព្យាយាមធ្វើវាឱ្យល្អបំផុត”
_ “ខ្ញុំមិនខ្វល់ទៀតទេ” ដោយ “ខ្ញុំនឹងស្វែងរកអ្វីដែលប្រសើរសម្រាប់ខ្លួនឯង”។ល។
ដូចនេះ ការផ្លាស់ប្តូររបៀបដែលអ្នកនិយាយវានឹងជួយអ្នកផ្លាស់ប្តូររបៀបដែលអ្នកគិត និងដំណើរការដើម្បីសម្រេចបានអ្វីមួយ ពាក្យវិជ្ជមានជំរុញឱ្យមានទំនុកចិត្តនិងក្តីសង្ឃឹម ខណៈដែលពាក្យអវិជ្ជមានអាចធ្វើឱ្យអ្នកជាប់គាំង និងប្រែស្ថានការណ៍នោះឱ្យកាន់តែអាក្រក់។
