ជីវិតដែលជោគជ័យនិងមានសុភមង្គល គឺមិនមែនកើតចេញពីរឿងអស្ចារ្យដែលយើងធ្វើម្តងម្កាលនោះទេ តែវាកើតចេញពីការអនុវត្តទម្លាប់តូចៗប្រចាំថ្ងៃដោយមានវិន័យ។ ការធ្វេសប្រហែសលើមូលដ្ឋានគ្រឹះទាំងនេះ អាចនាំទៅរកភាពនឿយហត់និងការធ្លាក់ចុះក្នុងរយៈពេលវែង។
១. គុណភាពនៃការគេង
ការគេងគ្រប់គ្រាន់ (៧-៨ ម៉ោង) គឺចាំបាច់ណាស់សម្រាប់ការស្តារថាមពលខួរក្បាលឱ្យមានគុណភាព។ តែបើអ្នកកង្វះដំណេកវានឹងធ្វើឲ្យការចងចាំ បញ្ញាស្មារតី និងសមត្ថភាពសម្រេចចិត្តរបស់អ្នកចុះខ្សោយម្តងបន្តិចៗ។
២. ការគ្រប់គ្រងចំណូលចំណាយប្រចាំថ្ងៃ
ការតាមដានលុយមួយកាក់មួយសេនរបស់អ្នក គឺជាការការពារពីវិបត្តិហិរញ្ញវត្ថុដោយមិនដឹងខ្លួន។ ពីព្រោះថាបើអ្នកធ្វេសប្រហែសលើការចំណាយតូចៗ អាចធ្វើឲ្យអ្នកបាត់បង់ការគ្រប់គ្រងលើថវិកា នឹងឈានដល់ការធ្លាក់ខ្លួនចូលវិបត្តិហិរញ្ញវត្ថុ។
៣. ការរៀនសូត្រ ឬអភិវឌ្ឍជំនាញ
ត្រូវកំណត់ពេលវេលាខ្លីៗជារៀងរាល់ថ្ងៃដើម្បីរៀនអ្វីថ្មី។ ពីព្រោះការរៀនសូត្រជាប់លាប់ គឺជាការវិនិយោគលើខ្លួនឯងដែលធ្វើឲ្យជំនាញរបស់អ្នកមិនចេះហួសសម័យ និងមានការរីកចម្រើនជាបន្តបន្ទាប់។
៤. ផ្តល់ពេលវេលាដែលមានគុណភាពដល់ទំនាក់ទំនង
កុំរង់ចាំដល់ពេលមានបញ្ហាទើបជួបគ្រួសារ ឬមិត្តភក្តិ ទាន់មានឱកាសអ្នកកុំសូវចំណាយពេលលើទូរស័ព្ទខ្លាំងពេក អ្នកគួរយកពេលវេលាដ៏មានតម្លៃតាំងនេះផ្តោតលើមនុស្សដែលនៅក្បែរអ្នក និងព្យាយាមរក្សាទំនាក់ទំនងល្អៗជាមួយមនុស្សជាទិស្រឡាញ់ឱ្យបានច្រើន។
៥. ការដោះស្រាយកិច្ចការពិបាកបំផុតមុនគេ
ត្រូវដោះស្រាយកិច្ចការដែលសំខាន់បំផុតមុនគេនៅពេលព្រឹក។ ការធ្វើបែបនេះកសាងសន្ទុះការងារល្អ ហើយធានាថាអ្នកប្រើថាមពលខ្ពស់បំផុតរបស់អ្នកលើកិច្ចការដែលមានតម្លៃបំផុត។
សរុបមក ការលុបបំបាត់ការធ្វេសប្រហែសទាំង ៥ នេះ គឺជាគន្លឹះដើម្បីបង្កើនសមត្ថភាព និងដោះសោសក្តានុពលពិតប្រាកដរបស់អ្នក។ ត្រូវចងចាំថា ជីវិតដែលប្រសើរជាងមុន គឺកើតចេញពីការសម្រេចចិត្តដោយមានវិន័យ លើរឿងតូចៗដែលអ្នកធ្វើរាល់ថ្ងៃ។
