Home Tags សេវាបម្រើអតិថិជន

Tag: សេវាបម្រើអតិថិជន

ហេតុអ្វីបានជាសេវាកម្មអតិថិជនល្អគឺជារឿងសំខាន់សម្រាប់អាជីវកម្ម?

សេវាកម្មអតិថិជន(Customer Service) គឺជាផ្នែកមួយដែលដើរតួយ៉ាងសំខាន់ ក្នុងការជួយជម្រុញឲ្យដំណើរការអាជីវកម្មរបស់អ្នកកាន់តែទទួលបានជោគជ័យនិងរីកចម្រើនទៅមុខ ដែលយើងអាចនិយាយម្យ៉ាងទៀតបានថាសេវាកម្មអតិថិជននេះគឺជាបេះដូងនិងជាខ្យល់ដង្ហើមនៃអាជីវកម្មដែលអាចធ្វើឲ្យអតិថិជនដែលបានទិញផលិតផលឬសេវាកម្មពីក្រុមហ៊ុនរបស់អ្នកហើយ​ មានអារម្មណ៍សប្បាយចិត្ត កក់ក្ដៅ មានតម្លៃនិងចង់មកទិញនូវផលិតផលរបស់អ្នកម្ដងហើយម្ដងទៀតគ្មានភាពស្ទាក់ស្ទើរក្នុងការសម្រេចចិត្ត។យើងឃើញថាទោះបីជាការបង្កើតឲ្យមានសេវាកម្មអតិថិជនល្អ ត្រូវចំណាយធនធាន ពេលវេលា និងថវិកាច្រើនក៏ដោយ ប៉ុន្តែបើសិនជាអ្នកធ្វើវាបានជោគជ័យ(បង្កើតឲ្យមានសេវាកម្មអតិថិជនមួយដែលល្អឥតខ្ចោះ) អាជីវកម្មរបស់អ្នកនឹងទទួលបាននូវការជឿជាក់ ទំនុកចិត្តពីអតិថិជន ដែលជាហេតុធ្វើឲ្យអ្នកអាចយកឈ្នះដៃគូប្រកួតប្រជែង និងអាចឈរជើងនៅលើទីផ្សារបានយូរអង្វែង។ជាពិសេសគឺអាចរក្សានូវកត្តិនាមក្រុមហ៊ុនរប​ស់អ្នកឲ្យកាន់តែមានភាពល្បីល្បាញ។ ដូចនេះតើការណ៍ដែលមានសេវកម្មអតិថិនល្អអាចជួយអ្វីដល់ក្រុមហ៊ុនឬអាជីវកម្មរបស់អ្នក? ១. ជួយរក្សានិងជួយបង្កើនអតិថិជនឲ្យបានច្រើន សេវាកម្មអតិថិជនមួយដែលល្អអស្ចារ្យគឺគួរតែផ្ដោតសំខាន់ទៅលើការបម្រើជូន ការមើលថែទាំ និងតាមដានពីតម្រូវការរបស់ពួកគេឲ្យបានល្អ ថាពួកគេត្រូវការអ្វីពីអ្នក ជាពិសេសនោះគឺត្រូវរីករាយចំពោះការឆ្លើយតបនិងជួយដោះស្រាយរាល់បញ្ហាដែលពួកគេកំពុងតែជួបប្រទះ។ ការដែលធ្វើបែបនេះ អាជីវកម្មនិងក្រុមហ៊ុនរបស់អ្នកនឹងទទួលបានការចូលរួម និងការគាំទ្រពីអតិថិជនបានកាន់តែច្រើន...

វិធីសាស្រ្តទាំង៤ដើម្បីឲ្យអតិថិជនដើរមករកអ្នកដោយខ្លួនឯង

តើអ្នកគិតថានៅសុខៗអតិថិជននឹងមកទិញផលិតផលពីអ្នកដោយគ្មានមូលហេតុ ឬគ្មានគោលបំណងបែបនេះមែនទេ? ចម្លើយគឺមិនអាចទៅរួចនោះទេបើសិនជាបែបនោះពិតមែន ប៉ុន្តែវាអាចទៅរួចបានលុះត្រាតែក្រុមហ៊ុនរបស់អ្នកមានអ្វីដែលជាគុណតម្លៃ និងអ្វីដែលពិសេស ដូចជា ផ្នែកសេវាកម្មរហ័ស ផលិតផលមានគុណភាពខ្ពស់ បុគ្គលិកមានភាពរួសរាយ បង្ហាញនូវស្នាមញញឹមប្រិមប្រិយដាក់អតិថិជន ឬមានការធានារាល់ការជាវទិញនូវមុខទំនិញនោះជាដើមទើបធ្វើឲ្យពួកគេបែរចិត្តគំនិតមកចាប់អារម្មណ៍ជាមួយនឹងផលិតផលរបស់អ្នកបាន។ ដោយហេតុថាអតិថិជនភាគច្រើន ក្រៅពីចង់បាននូវផលិតផលដែលមានគុណភាពល្អហើយនោះ ពួកគេក៏នៅចង់បានការមើលថែ ក៏ដូចជាការសាកសួរពីក្រុមហ៊ុនដែរ ព្រោះការធ្វើបែបនេះនឹងធ្វើឲ្យអតិថិជនមានអារម្មណ៍ថាខ្លួនឯងពិតជាសំខាន់ និងមានតម្លៃប្រាកដមែន។ដូច្នេះតើធ្វើបែបណាដើម្បីឲ្យអតិថិជនជ្រើសរើសយកអ្នកជាអាទិភាពក្នុងការទិញផលិតផល? ខាងក្រោមនេះគឺជាចំណុចទាំង៤ដែលអាចជួយឲ្យអ្នកមានអតិថិជនកាន់តែច្រើន ព្រមទាំងកើនឡើងនូវការលក់ទៀតផង ហើយចំណុចទាំងនេះនឹងធ្វើឲ្យអតិថិជនរបស់អ្នកមានអារម្មណ៍ចង់តែទៅទិញផលិតផលនៅក្នុងក្រុមហ៊ុនឬហាងអ្នកតែមួយប៉ុណ្ណោះ៖ ១. ត្រូវធ្វើឲ្យអតិថិជនមានអារម្មណ៍ថាពិសេសជាងគេ តើយើងអាចធ្វើឲ្យពួកគេមានអារម្មណ៍ថាខ្លួនគេពិតជាពិសេសតាមរយៈអ្វី?ដោយវិធីណា? យើងដឹងហើយថាស្នាមញញឹមគឺជាគ្រឿងរណ្ដំចិត្តមនុស្សគ្រប់គ្នាឲ្យមានកម្លាំងចិត្ត មានអារម្មណ៍រីករាយ និងអាចប្ដូរទឹកមុខពីក្រម៉ូវមកស្រស់ថ្លាបានយ៉ាងឆាប់រហ័ស ។តួយ៉ាងក្នុងនោះយើងក៏សង្កេតឃើញថា អារម្មណ៍គឺជាញាណមួយដែលមនុស្សតែងតែយកចិត្តទុកដាក់ ព្រួយបារម្ភ...

វិធីស្វែងរកឱកាសកំឡុងពេលមានវិបត្តិ

នៅពេលណាដែលមនុស្សទូទាំងពិភពលោកសម្របខ្លួនទៅនឹងការផ្លាស់ប្ដូរភ្លាមៗនៃជីវិតដែលបណ្ដាលមកពីជម្ងឺរាតត្បាតនេះ នោះមានន័យថាក្រុមហ៊ុនទាំងអស់ក៏ត្រូវធ្វើការផ្លាស់ប្ដូរផងដែរ។នៅក្នុងវិបត្តិ តែងតែមានបញ្ហា និងមានគ្រោះថ្នាក់ដោយជៀសមិនផុត ប៉ុន្តែមិនមែនវាមិនមានដំណោះស្រាយ ឬ ក៏គ្មានឱកាសក្នុងការកសាងឲ្យកាន់តែល្អនោះទេ ឲ្យតែអ្នកចេះចាប់យកឱកាស នោះអ្នកនឹងទទួល​បាននូវគុណប្រយោជន៍ជាច្រើនពីវា។ប្រសិនបើក្រុមហ៊ុនអាចឃើញឱកាសនៅក្នុងវិបិត្តនេះបាន ពួកគេអាចលេចចេញនូវភាពរឹងមាំ ការច្នៃប្រឌិត​ និង មានអតិថិជនចូលរួមយ៉ាងស្មោះត្រង់។ ខាងក្រោមនេះគឺជាវិធី៤យ៉ាងដែលអ្នកអាចស្វែងរកឱកាសបានខណៈពេលដែលមានវិបត្តិកើតឡើង៖ ១. ព្រួយបារម្ភពីអតិថិជនរបស់អ្នក អ្នកត្រូវថែរក្សាអតិថិជនរបស់អ្នកឲ្យបានខ្ជាប់ខ្ជួនក្នុងពេលមានវិបត្តិ ដោយដាក់នូវតម្រូវការរបស់ពួកគេជាអាទិភាព ព្រោះពួកគេជាអ្នកកំណត់វាសនានៃការរីកលូតលាស់របស់ស្ថាប័ន និង ក្រុមហ៊ុនរបស់អ្នក។ យ៉ាងណាមិញចូរយកអារម្មណ៍របស់អ្នកទៅដាក់នៅក្នុងអារម្មណ៍របស់អតិថិជនអ្នក៖ តើពួកគេត្រូវការអ្វីខ្លះដើម្បីឲ្យមានអារម្មណ៍ថាសុខសុវត្ថិភាព ងាយស្រួល និង អាចការពារបាន?...

៥ចំណុចដែលអ្នកគួរចៀសវាងនៅពេលបម្រើសេវាជូនអតិថិជន

សេវាបម្រើ​​អតិថិជន​​គឺជា​ផ្នែកមួយ​នៃ​ភាពជោគជ័យ​របស់​ក្រុមហ៊ុន​នីមួយៗ​។ នៅពេល​ដែល​យើង​ផ្តល់​ជូន​សេវាកម្ម​ឬ​ផលិតផល​ទៅដល់​អតិថិជន អ្នក​ច្បាស់ជា​ទទួល​បាន​ពាក្យ​សម្ដីទាំង​​វិជ្ជមាន​​និង​​អវិជ្ជមាន​ជាក់ជា​មិនខាន​​ហើយ​ពាក្យ​ទាំងអស់នោះ​អាច​ជះឥទិ្ធពល​ដល់​ជំនួញ​របស់អ្នក។​ ដូច្នេះ​ការផ្តល់​សេវា​ជូន​​អតិថិជន​ពិតជា​សំខាន់​ដែល​យើង​មិនគួ​រឲ្យ​មាន​កំហុស​កើតឡើង​នោះទេ។ ខាងក្រោមនេះ​គឺ​ជា​ចំណុច​ទាំង​៥​ដែល​ជួយ​ឲ្យ​យើង​ជា​អ្នក​ធ្វើ​ជំនួញ​ចៀសវាង​ពី​កំហុស​ទាំងនោះ​បាន។ ១. សេវា​បម្រើ​លក្ខណៈ​ស្វ័យប្រវត្តិ​​ច្រើនពេក ប្រាកដណាស់​ថា​ការបម្រើ​សេវា​លក្ខណៈ​​ស្វ័យប្រវត្តិគឺ​ជា​គំនិត​មួយ​ដ៏​ល្អ​ដែល​អាច​ជួយ​ឲ្យ​ក្រុមហ៊ុន​យើង​មិនបាច់​ចំណាយ​ច្រើន​ក្នុង​ការជួល​បុគ្គលិក ​ប៉ុន្តែ​វា​ក៏​​អាច​ផ្តល់​ផលអវិជ្ជមាន​ផងដែរ​ព្រោះ​អតិថិជន​​មិនពេញចិត្ត​នឹង​សេវាកម្ម​បែប​នេះណាស់ណា​ដែរ។​ ពួកគាត់​គិតថា​គាត់​មិន​ទទួល​បាន​ព័ត៌មាន​គ្រប់គ្រាន់ ហេតុនេះ​អតិថិជន​មួយ​ចំនួន​ចង់​បានការទំនាក់​ទំនង​ផ្ទាល់​ជាមួយ​បុគ្គលិក​ជាង​។ ដូច្នេះ​កុំ​ខ្លាច​ក្នុង​ការចំណាយ​ច្រើន​ចំពោះ​ការបើក​អាជីវកម្ម​ អ្នក​គួរតែ​មាន​បុគ្គលិក​ច្រើន​ក្នុង​ផ្នែក​បម្រើ​សេវា​កម្ម​​​ដើម្បី​ឲ្យ​អតិថិជន​មាន​ភាពងាយស្រួល​ហើយ​ពួកយើង​ក៏​ទទួល​បាន​ផល​កម្រៃ​ច្រើន​មកវិញ​ដែរ​។ ២. មិន​ស្តាប់​ពីការ​សេចក្តី​ត្រូវការ​របស់​អតិថិជន​ ជាទូទៅ​យើង​តែងតែ​គិតថា​យើង​ដឹងថា​អតិថិជន​ចង់បាន​អ្វី​ហើយ​មិនបាន​ស្តាប់​មតិ​របស់​ពួកគាត់​។ នេះ​គឺជា​កំហុស​មួយ​នៅក្នុង​ផ្នែក​សេវា​បម្រើ​អតិថិជន​។ ការស្តាប់​​មតិ​របស់​អតិថិជន​គឺ​ពិតជា​សំខាន់​ណាស់​នៅពេល​ដែល​យើង​យល់ពី​តម្រូវ​របស់​ពួកគាត់​ ការ​បម្រើ​សេវាកម្ម​របស់យើង​នឹង​មាន​ភាពប្រសើរ​ដោយ​ពួកគាត់​ពេញចិត្ត​ជាមួយ​យើង​។ ហេតុនេះ​ត្រូវ​ហ្វឹកហាត់​ជំនាញ​ស្តាប់​ទៅដល់​បុគ្គលិក​ទាំងអស់ ជាពិសេស​បុគ្គលិក​ផ្នែក​បម្រើ​សេវាកម្ម​។ ៣. ​មិនសូវ​មាន​ប្រតិកម្ម​​ ដើម្បី​ឲ្យ​សកម្មភាព​នៃ​​សេវា​បម្រើ​​របស់​អ្នក​រីក​ចម្រើន អ្នកគួរ​មាន​ប្រតិកម្ម​ទៅលើ​ដំណើរការ​ឲ្យបាន​ច្រើន​។ អ្នក​ត្រូវ​ចំណាយ​ពេល​សិក្សា​ទៅលើ​ផលិតផល គុណភាព​ ឬ​កែលម្អ​ទៅលើ​ចំណុច​ខ្វះខាត​ដែល​អតិថិជន​ផ្តល់ឲ្យ​ដើម្បី​​​ពួកគាត់​រីករាយ​ក្នុងការ​ប្រើប្រាស់​សេវាកម្ម​របស់អ្នក​។ អ្នក​គួរ​ប្រើ​យុទ្ធសាស្រ្ត​ក្នុង​មួយខែ​ធ្វើការ​ទំនាក់​ទំនង​ទៅ​អតិថិជន​ដើម្បី​ដឹង​ពី​ការប្រើប្រាស់​របស់​ពួកគាត់​ហើយ​ធ្វើឲ្យ​ពួកគាត់​មាន​ផ្នត់​គំនិត​ថា​ក្រុមហ៊ុន​អ្នក​មាន​ការយកចិត្ត​ទុកដាក់​ទៅលើ​អតិថិជន​។ ៤. ផ្តល់​​តម្លៃ​ទាប​ដល់​បុគ្គលិក​ខាងផ្នែក​បម្រើ​សេវាកម្ម ​ក្រុមហ៊ុន​ណា​ក៏ដូច​មួយណា​ដែរ​ភាគច្រើន​គឺ​ផ្តល់​តម្លៃ​ទាប​ដល់​បុគ្គលិក​ខាង​សេវា​បម្រើ​អតិថិជន​ព្រោះ​គិតថា​ការងារ​ពួកគាត់​មិន​សូវ​ជាហត់​ប៉ុន្មាន​នោះទេ​ដោយ​គ្រាន់តែ​ឈរចាំ​ទទួលភ្ញៀវ​ឬ​លើក​ទូរស័ព្ទ​តែប៉ុណ្ណោះ​។ តែ​ផ្ទុយទៅវិញ ពួកគាត់​គឺ​ទទួល​សម្ពាធ​ពី​អតិថិជន​ខ្លាំងណាស់​ព្រោះ​អតិថិជន​តែង​មាន​សម្ដី​ល្អ​និង​អាក្រក់​តែ​ពួកគាត់​នៅតែ​ត្រូវ​បម្រើ​ដោយ​ភាព​រាក់ទាក់។​ បន្ថែមពីនោះ បើ​គាត់​មិន​សូវ​ទទួលបាន​ការយកចិត្ត​ទុកដាក់​ពី​កន្លែង​ធ្វើការ​ គាត់​នឹង​ពុំសូវ​មាន​ការខំ​ប្រឹង​ប្រែង​ក្នុងការងារ​ហើយ​លទ្ធផល​ផ្តល់ឲ្យ​ក្រុមហ៊ុន​អ្នក​វិញ​ក៏មិនល្អ​ដែរ។ ដូច្នេះ​ដើម្បី​ចៀសវាង​ពី​បញ្ហា​នេះ អ្នក​គួ​រផ្តល់​តម្លៃ​ដល់​ពួកគាត់ជាពិសេស​ប្រាក់ខែ​ក៏​គួរ​សមរម្យ​ទៅតាម​សមត្ថភាព​គាត់ដែរ​ទើប​ពួកគាត់​រីករាយ​ក្នុងការធ្វើការ​ឲ្យអ្នក​។ ៥. មិន​ផ្តល់ឲ្យ​អតិថិជន​នូវ​អ្វីដែល​ពួកគាត់​ចង់បាន យោងតាម​សម្ដី​របស់​នាយក​ប្រតិបតិ្ត​នៃ TeamSupport គ្រុប លោក Robert C. Johnson បាន​និយាយ​ថា​អតិថិជន​តែងតែ​ចង់​បាន​ព័ត៌មាន​ច្បាស់លាស់​ទើប​ពួកគេ​ទុកចិត្ត​លើ​សេវាកម្ម​របស់​ពួកយើង។ អញ្ចឹង​ហើយ​អ្នក​ត្រូវ​ប្រាកដ​ថា​បុគ្គលិក​បម្រើ​ផ្នែកនេះ​ត្រូវ​ដឹង​ពី​ព័ត៌មាន​​របស់​ក្រុមហ៊ុន​ទាំងអស់​ជាងការ​ដែល​នៅពេល​ដែល​អតិថិជន​សួរ​នាំឲ្យ​ពួកគេ​ឆ្លើយថា​មិនសូវច្បាស់​ហើយ​ចាំផ្តល់​ព័ត៌មាន​តាមក្រោយ។ ពេលនោះ​អតិថិជន​នឹង​គិតថា​សេវាកម្ម​ក្រុមហ៊ុន​អ្នក​មិនសូវ​ល្អ​ហើយ​ពួកគាត់​នឹង​លែង​ចង់​ប្រើប្រាស់​ទៀត។ ជារួម​អ្នក​ត្រូវ​ផ្តល់ឲ្យ​ពួកគាត់​ដោយ​រហ័ស​ទាន់ចិត្ត​ បើសិនជា​ចៃដន្យ​មិនអាច​ផ្តល់ឲ្យ​បាន​ភ្លាមៗ​ត្រូវចេះ​ផ្លាស់ប្តូរ​វិធីសាស្រ្ត​ចាស់ចោល។

១០គន្លឹះដើម្បីទទួលបានជោគជ័យតាមរយៈទូរស័ព្ទ

ទូរស័ព្ទ​ជារឿយៗ​គឺជា​ឧបករណ៍​សម្រាប់​ទំនាក់ទំនង​មួយ​ក្នុង​ចំណោម​ឧបករណ៍​ផ្សេងទៀត​នៅក្នុង​ការិយាល័យ​។ តើ​អ្នក​ធ្លាប់​ពិចារណា​ថាតើ​អាជីវកម្ម​របស់អ្នក​នឹង​អាច​ដើរទៅមុខ​ដោយសារ​តែ​ទូរស័ព្ទ​ដែរទេ​? ប្រាកដ​ណាស់​ថា​ពិតជា​អាច!​ គន្លឹះ​ទាំង​១០​នេះ​នឹង​ជួយ​អ្នក​អភិវឌ្ឍ​ការ​បង្ហាញ​វត្តមាន​និង​ការធ្វើ​បទបង្ហាញ​របស់អ្នក​នៅតាម​ទូរស័ព្ទ៖ ១.​អ្នក​គឺជា​អ្នក​គ្រប់គ្រង​នៃ​ការទាក់ទាញ​ចិត្ត​លើកដំបូង​ចំពោះ​អាជីវកម្ម​របស់អ្នក​។ គ្រប់ពេល​ដែល​អ្នក​លើក​ទូរស័ព្ទ​និយាយ អ្នក​ត្រូវ​ដាក់​ស្នាមញញឹម​នៅលើ​មុខ​របស់អ្នក​សិន។ វា​នឹង​ធ្វើឲ្យ​គុណភាព​នៃ​សម្លេង​របស់អ្នក​កាន់តែ​ប្រសើរ​និង​អាច​ឲ្យគេ​ឮ​បែបរីករាយ​និង​បន្ធូរ​អារម្មណ៍។ ២.ស្ដាប់​​យ៉ាង​យកចិត្ត​ទុកដាក់​និង​យ៉ាង​សកម្ម​ចំពោះ​មនុស្ស​ដែល​អ្នក​កំពុង​និយាយ​ជាមួយ។​ ការ​ធ្វើ​ការងារ​ច្រើន​ក្នុងពេល​តែមួយ​គឺជា​សត្រូវ​នៃ​ការស្ដាប់​​ប្រកប​​ដោយ​ប្រសិទ្ធភាព។ ៣.អនុញ្ញាត​ឲ្យ​គេ​និយាយ​! ត្រូវ​ប្រាកដ​ថា​អ្នក​ដែល​ទូរស័ព្ទ​មក​អ្នក​បាន​បញ្ចប់ពាក្យ​សម្តី​របស់គាត់​ហើយ​មុនពេល​អ្នក​តប​ទៅគាត់​វិញ។ ចូរចាំ​ថា ជួនកាល​ពួកគេ​មិនទាន់​បាន​បញ្ចប់​ការនិយាយនៅ​ឡើយ ពួកគេ​គ្រាន់តែ​ឈប់​បន្តិច​ប៉ុណ្ណោះ។ ៤.ចូរ​​ប្រើ​សំណួរ​បើក​ដើម្បី​ធ្វើឲ្យ​គេ​និយាយ​ដោយ​សេរី។ អ្នក​គួរតែ​និយាយ​ឲ្យ​តិចជាង​អ្នក​ដែល​អ្នកហៅ​​ទូរស័ព្ទទៅ​។ វា​ធ្វើឲ្យ​អ្នកផ្សេង​មាន​អារម្មណ៍​ថា​មាន​ភាព​ប្រសើរ ជាពិសេស​នៅពេលដែល​អ្នក​សុំ​ឲ្យ​គេ​ធ្វើការ​សម្រេច​ចិត្ត។ ពួកគេ​កាន់តែ​និយាយ គេ​កាន់តែ​មាន​ភាពងាយស្រួល​ដើម្បី​ “ទិញ” នូវ​អ្វី​ដែល​អ្នក​ដាក់ស្នើ​។ ៥.ដើម្បី​បង្កើត​សម្ព័ន្ធភាព​ជិតស្និទ្ធ​ជាមួយ​អ្នក​ហៅចូល​ អ្នក​ត្រូវ​ចេះ​លើកដាក់​សម្លេង​ដើម្បី​ឲ្យស៊ីគ្នា​ជាមួយ​គេ​។ ពួកគេ​នឹង​មិនមាន​ការភ័យបារម្ភ​ឡើយ។ ៦.ចេះ​ប្រើ​ពាក្យ​ឲ្យ​ទទួល​បាន​លទ្ធផល​ល្អ​បំផុត។ ចូរចាំ​ទុក​ក្នុងចិត្ត​ថា​អ្នក​អាច​និយាយ​អ្វីមួយ​ប្រកប​ដោយ​ភាពវិជ្ជមាន អវិជ្ជមាន ឬ​អព្យាក្រឹត្យ។...

៧គន្លឹះខ្លីៗដើម្បីកសាងទំនុកចិត្តចំពោះអតិថិជន

៧​គន្លឹះ​ខ្លីៗ​ដើម្បី​កសាង​​ទំនុកចិត្ត​ចំពោះ​អតិថិជន ការ​កសាងទំនុកចិត្តរវាងអ្នក​និង​អតិថិជនដែលមានសក្តានុពល​​គឺជា​ជំហាន​ដ៏​សំខាន់​មួយ​ដែល​អ្នក​ត្រូវ​តែ​ខិតខំ​អភិវឌ្ឍ​ចាប់​តាំង​ពី​ថ្ងៃដំបូង​បើមិន​ដូចច្នោះ​ទេ​គេ​នឹង​មិន​ទិញ​អ្វី​ពី​អ្នក​ឡើយ។ សព្វ​ថ្ងៃ​នេះ​​​អ្នក​ផ្គត់​ផ្គង់​ផលិតផល​​និង​​សេវាកម្ម​​មាន​ច្រើន​​ជា​ហេតុ​ធ្វើ​ឲ្យ​​ជម្រើស​​របស់​​​អតិថិជន​មាន​ការ​កើន​ឡើង​ ដូច្នេះ​ហើយ​​ទើប​​អ្នក​លក់​ទាំង​ឡាយ​ត្រូវ​​បង្កើត​​និង​​បង្កើន​​ទំនុក​ចិត្ត​​របស់​អតិថិជន​​មក​លើ​​ពួក​គេ។​ ​ការកសាង​​ទំនុកចិត្តគឺជា​​​រឿងដែលចាំបាច់។ ប៉ុន្តែ​តើ​អ្នក​ត្រូវធ្វើ​បែបណា​ដើម្បី​កសាង​នូវ​ទំនុកចិត្តបាន? ទាំងនេះ​ជា​គន្លឹះ​ទាំង៧​ដែលយើង​នឹង​លើកយកមកនិយាយ៖ គន្លឹះទី១ ៖ ក្នុង​ការសន្ទនា​ពី​ការលក់ រកឲ្យ​ឃើញ​ថាតើ​អ្នក​អាច​ជួយ​ពួកគេ​​​​ពី​អ្វី​​ដែល​ពួកគេ​​ចង់​បាន​ឬ​ក៏អត់ ចូរ​​បំភ្លេច​ពាក្យ​ "លក់” ចោល។ តាមធម្មជាតិ​របស់​មនុស្ស​នៅពេល​ដែលគេ​មាន​អារម្មណ៍​ថា​អ្នក​កំពុងតែ​ចង់​លក់​អ្វីមួយ​នោះគេ​នឹង​មិនទុកចិត្ត​អ្នកទេ។ ប៉ុន្តែ​​​បើអ្នក​កំពុងតែ​ជួយគេវិញ គេ​ប្រាកដជា​ទុកចិត្តអ្នក​និង​ចង់​ទិញ​ផលិតផល​ពីអ្នក។​ គន្លឹះទី២ ៖ ប្រឹក្សាយោបល់ ​​ជា​ការ​ធ្វើ​ខ្លួន​​អ្នក​​​ឲ្យ​ទៅ​ជា​​ទី​ប្រឹក្សា​ជំនាញ​​មួយ​រូប​​​សម្រាប់​​អតិថិជន។ នៅពេល​​ដែលអ្នក​សន្ទនា​​ជាមួយ​​អតិថិជន​ អ្នក​​ត្រូវ​សួរ​សំណួរ​ទៅកាន់​​​គាត់​ដោយភាពស្មោះត្រង់ និង​​​មិន​​ផ្តោត​​ទៅ​លើ​​ផលិតផល​ឬ​សេវាកម្ម​​របស់​អ្នក​​ទេ។ ការ​ផ្តល់​ប្រឹក្សា​​យោបល់​​​របស់​អ្នក​​ទៅ​លើ​​បញ្ហា​​ដែល​​អតិថិជន​​កំពុង​​ប្រឈម​​​នឹង​​ធ្វើ​ឲ្យ​​ពួក​គាត់​មាន​ទស្សនៈ​វិជ្ជមាន​​ដោយ​​ពួក​គាត់​អ្ន​ក​​​ពិត​ជា​​ចង់​ដឹង​​​ឲ្យកាន់តែច្បាស់​ថាតើអ្នក​អាចជួយ​ពួក​គាត់​​​បាន​អ្វីខ្លះ ​ជាជាង​​ការ​ខិត​ខំ​ប្រឹង​​​លក់​ផលិតផល​ឲ្យ​តែ​​​បានៗ​​​! គន្លឹះទី៣ ៖ ស្តាប់​ដោយយកចិត្តទុកដាក់ នៅពេល​ដែលអ្នក​សួរ​សំណួរ​ប្រកប​ដោយភាពស្វាហាប់​​ហើយនិង​មានភាពស្មោះត្រង់​ហើយ​​អ្នក​ក៏គួរតែស្តាប់គេ​ដោយយកចិត្តទុកដាក់​ដូចគ្នាដែរ។ ចូរយកចិត្ត​គេមកដាក់​ចិត្តខ្លួនឯង​និង​រៀន​ស្ដាប់​ពី​ទស្សនៈ​របស់គេ។...

ធ្វើយ៉ាងណាអាចឲ្យអតិថិជនពេញចិត្តជាមួយអាជីវកម្មរបស់អ្នក?

ការបំពេញ​ចិត្ត​របស់អតិថិជន​គឺ​វាពិត​ជាមាន​សារៈសំខាន់​ជាង​ការ​បម្រើ​សេវា​អតិថិជនទៅទៀត។ សំខាន់​បំផុត​ជំហាន​ដែល​អ្នកត្រូវ​ចាប់​ផ្តើម​ដំបូងគឺពី​បុគ្គលិក​របស់អ្នក​។ សាមញ្ញ​ណាស់​ថា​បើ​ខ្ញុំ​ចូលចិត្ត​ការងារ​និង​ក្រុមហ៊ុន​របស់​ខ្ញុំ​ ខ្ញុំ​នឹង​ប្រាប់ទៅកាន់​​អ្នក​ផ្សេង​ទៀត​​​​ថា​ខ្ញុំ​មាន​លក់​ផលិតផល​ល្អ។ តាមធម្មជាតិ​របស់​មនុស្ស​​កាលណា​តែ​និយោជិក​មាន​អារម្មណ៍​ថាពេញចិត្ត​និងសប្បាយចិត្ត​​ចំពោះ​​ការងារ​ដេល​គេ​ធ្វើ​​​ហើយ​គេ​ក៏​មានអត្តចរិក​ទោរទន់​ទៅរក​ការ​ជួយ​ដោយ​គ្មាន​លក្ខខណ្ឌ​ទៅកាន់​អតិថិជន។ យ៉ាងណា​មិញ​ចំពោះ​ការធ្វើ​ឲ្យ​អតិថិជន​ពេញ​ចិត្ត​គឺ​មិន​មែន​ជា​កាតព្វកិច្ច​របស់​នរណា​ម្នាក់​ឡើយ​តែ​វា​ជា​ទំនួលខុសត្រូវ​របស់​ទាំងអស់​គ្នា​នៅក្នុង​ស្ថាប័នឬអាជីវកម្ម​ណាមួយមិន​ថា​អ្នក​គ្រប់គ្រង​ឬ​បុគ្គលិក​​ឡើយ​។ ហេតុ​នេះ​ដើម្បី​ឲ្យ​អតិថិជន​ពេញ​ចិត្ត​ការ​ចូលរួមពី​អ្នក​ទាំងអស់គ្នា​គឺ​សំខាន់ណាស់។ ការបំពេញ​ចិត្ត​របស់អតិថិជន​គឺ​វាពិត​ជាមាន​សារៈសំខាន់​ជាង​ការ​បម្រើ​សេវា​អតិថិជនទៅទៀត។ ១. គុណភាព មិនថា​ក្រុមហ៊ុន​របស់អ្នក​លក់​ផលិតផល​ឬ​បម្រើ​សេវាកម្មនោះទេ​គុណ​ភាព​ជាកត្តា​ចាំបាច់​បំផុត។ បើ​ទោះបី​ជា​ការ​ផ្សព្វផ្សាយ​របស់អ្នក​ល្អ​យ៉ាងណា​ក៏ដោយ​បើ​គុណ​ភាព​អ្នក​មិនល្អនោះ​អតិថិជន​ក៏​នឹង​មិន​ទិញ​អ្នក​ដែរ។ មួយវិញ​ទៀត​គុណភាព​ក៏​សម្តៅលើ​ការ​បម្រើ​អតិថិជន​ឲ្យ​បាន​សមស្រប​ដែរ។ ២. ការខុសប្លែក​ពី​អ្នក​ដទៃ នៅលើ​ទី​ផ្សារ​កម្ពុជា​បច្ចុប្បន្ន​មាន​ផលិតផល​ដែល​ដូចគ្នា​ច្រើនណាស់។ តើអ្នក​ត្រូវ​ធ្វើ​យ៉ាងណា​ឲ្យ​អាជីវកម្ម​របស់អ្នកខុសពី​គេ? បើអ្នក​ផលិតផល​ឬសេវាកម្ម​របស់អ្នក​ដូចគេ​ដែរឬ​​មិន​ល្អ​ដូចគេ​នោះ​អ្នក​នឹង​ដួល​ជាក់​ជា​កមិន​ខាន។ សេវាកម្ម​ល្អ​គឺ​ជា​អ្វី​ដែល​អ្នក​អាចធ្វើ​ឲ្យ​ប្លែក​ពី​អ្នក​ដទៃ​និង​អា​ច​ថែរក្សា​អតិថិជន​របស់អ្នក​បាន​យូរ​អង្វែង។ “ទោះបីជា​តម្លៃ​ថ្លៃជាងគេ​​បន្តិចមែន​តែ​បើ​សេវាកម្ម​ល្អ​សាកសមនឹង​តម្លៃ​នោះ​តម្លៃ​មិនមែន​ជា​បញ្ហា​ចោទ​ប៉ុន្មានឡើយ​សម្រាប់​ខ្ញុំព្រោះ​ថា​សព្វថ្ងៃ​គឺមិនងាយ​រកបានទេ​។​ តែបើចូលហាងណាហើយ​គេ​មិន​សូម្បីតែ​ខ្វល់​ខ្វាយ​ពី​ភ្ញៀវនោះ​ប្រហែល​ជាមិនមាន​លើកទី​២ទៀតទេ។” នេះ​ជាពាក្យ​សម្តី​របស់មិត្តភក្តិ​ខ្ញុំ​ម្នាក់ដែលគេ​ធ្លាប់​និយាយ​ប្រាប់ខ្ញុំ។ ៣. ព័ត៌មាន​សម្រាប់​ទំនាក់ទំនង បើអតិថិជន​មាន​បញ្ហា​តើគេ​អាច​ពិគ្រោះ​យោបល់​ជាមួយ​អ្នកបាន​​តាមវិធីណាខ្លះ​? មួយវិញ​ទៀត​ការមាន​គណនី​នៅក្នុង​បណ្តាញ​សង្គម​និង​មាន​គេហទំព័រ​ប្រចាំ​អាជីវកម្ម​គឺ​ពិត​ជា​សំខាន់​ព្រោះ​វា​ជា​កន្លែង​ផ្ទុក​ព័ត៌មាន​របស់អ្នក​ឲ្យ​​អតិថិជន​ងាយស្រួល​រកនិង​ទាក់ទង​​មកកាន់​អ្នក។ ជា​ប្រការ​ដែល​ចាំបាច់​បើ​អ្នក​គឹ​មាន​ពេលទំនេរ​ឲ្យ​គេ​ក្នុង​ការសាកសួរ​ព័ត៌មាន​។ អ្នក​ត្រូវ​រៀបចំ​ព័ត៌មាន​របស់អ្នក​និង​អាជីវកម្ម​របស់អ្នក​ឲ្យ​មាន​លក្ខណៈមាន​វិជ្ជាជីវៈត្រឹមត្រូវ។ ជាពិសេស​ហាមដាច់ខាត​ការ​ដាក់​ព័ត៌មាន​មិនពិត។ ៤.​ បរិយាកាស​ល្អ បរិយាកាស​នៅក្នុង​ហាង​ ក្រុមហ៊ុន​...

៨ចំណុចដើម្បីបំពេញតម្រូវការអតិថិជនរបស់អ្នក

តើ​អ្នក​ធា្លប់​ឮពាក្យ​ដែលគេ​និយាយថា​ “អតិថិជនគឺជាស្តេច”​ ដែរឬទេ? ជាការពិតណាស់​ពាក្យនេះ​ត្រូវបានគេប្រើ​នៅទូទាំងពិភពលោក​នៅក្នុង​ធុរកិច្ច​បើទោះបីជាអ្នកដឹងថាជួនកាល​វាមិនត្រូវក៏ដោយ។ ប៉ុន្តែ​អ្នកត្រូវដឹង​ថា​បើគ្មាន​អតិថិជន​នោះអាជីវកម្ម​របស់អ្នកក៏មិនអាច​ដំណើរការទៅបានដែរ។ ហេតុនេះហើយពួកគេ​គឺជាហេតុផល​មិនអាចខ្វះបានដែលនាំ​ឲ្យអាជីវកម្មរបស់​អ្នកអាចបន្តដំណើរ​​ទៅមុខទៅទៀត​។ ដោយហេតុថាប្រទេសកម្ពុជា​យើងជាប្រទេសដែល​មានសេដ្ឋកិច្ចទីផ្សារ​សេរីនិងបើកសិទ្ធិឲ្យអ្នកប្រើប្រាស់មានសិទ្ធិ​ក្នុងការ​សម្រេចចិត្តថាគេគួរ​ជ្រើសរើសអាជីវកម្មមួយណា។ ដូចនេះបើអាជីវកម្មរបស់អ្នកអាចដោះស្រាយ​​បញ្ហារបស់គេបានល្អនោះគេនឹងរើសយកអាជីវកម្មរបស់អ្នកហើយ​យកទៅណែនាំដល់អ្នកឯទៀតឲ្យមកប្រើ​ផលិតផល​​ឬ​សេវាកម្ម​របស់អ្នកដែលការផ្សព្វផ្សាយចេញពី​មាត់អតិថិជនគឺជាវិធីសាស្ត្រដែលមានប្រសិទ្ធភាពបំផុត។ យ៉ាងណាមិញតម្រូវការ​ ការព្រួយ​​បារម្ភ កង្វល់ និងបញ្ហារបស់អតិថិជន​គឺជា​អ្វីដែលអ្នក​ត្រូវ​យកចិត្តទុកដាក់បំផុត។ ប៉ុន្តែតើអ្នក​គួរធ្វើ​វាតាមវិធីណាខ្លះ? ខាងក្រោមនេះជាវិធីមួយចំនួនដែលអ្នកអាចយកទៅប្រើដើម្បីឲ្យអតិថិជនរបស់​អ្នកពេញចិត្ត​ជាមួយអាជីវកម្ម​របស់អ្នក ៖ ​បើគ្មាន​អតិថិជន​នោះអាជីវកម្ម​របស់អ្នកក៏មិនអាច​ដំណើរការទៅបានដែរ ១. ផ្តល់​ផលិតផល​និង​សេវាកម្ម​ដែលត្រឹមត្រូវ ដំបូង​អាជីវកម្មរបស់អ្នកត្រូវតែជា​អាជីវកម្ម​ដែលមិនកេងបន្លំ មិនឆបោក និងពិតប្រាកដ​ជាមុនសិន។ អ្នកត្រូវ​​​បម្រើ​អតិថិជន​ដោយស្មោះត្រង់និងមិនមែនកំពុង​តែផ្សព្វផ្សាយផលិតផល​ទេគឺកំពុងតែ​ជួយគេ​ចំពោះ​​​​​ បញ្ហ​​របស់គេ។ អ្នកគួរ​ណែនាំ​គេជាជាងការបង្អួតពី​ផលិតផលឬសេវាកម្មរបស់​​ខ្លួនជ្រុលហួសហេតុ។ មួយវិញទៀតការ​ផ្តល់នូវផលិតផលនិងសេវាកម្ម​ដែលមានលក្ខណៈវិជ្ជមាន​ឲ្យអតិថិជននឹងធ្វើឲ្យ​គេមិនសូវសាញរឿងតម្លៃ​ទេ។ ជាពិសេស​បើអ្នកណែនាំផលិតផលណា​ដែលងាយស្រួលកែច្នៃឡើងវិញ មិនប៉ះពាល់​បរិស្ថាន​​...

អ្វីទៅជាសេវាបម្រើអតិថិជនពិតប្រាកដ?

សេវា​​​បម្រើ​​អតិថិជន​​​​​គឺជា​អាកប្បកិរិយា​​​​​​នៃ​ការ​យកចិត្តទុកដាក់​ពី​តម្រូវការ​របស់អតិថិជនដោយ​ការ​ផ្តល់​សេវាកម្ម​ប្រកបដោយ​វិជ្ជា​ជីវៈ ក្រមសីលធម៌ គុណភាព និងធ្វើ​ជាជំនួយ​ឲ្យអតិថិជនទាំង​មុនពេល កំឡុងពេល និង​ក្រោយពេល​ដែល​គេ​ទិញផ​លិតផល​ឬ​ប្រើប្រាស់​សេវាកម្ម​របស់យើង។ អ្នក​ដែលទទួលបន្ទុក​សេវា​បម្រើអតិថិជន​គឺ​ត្រូវរក្សា​ភាព​សប្បាយ​ចិត្ត​និង​ពេញចិត្ត​របស់អតិថិជនឲ្យបាន។ រីឯសេវាបម្រើដែល​ពិតប្រាកដគឺមានលក្ខណៈ​ដូច​ខាងក្រោមនេះ ៖ នៅពីមុខ​ផលិតផល ផលិតផល​គេអាចរក​បាន​​នៅគ្រប់​ទី​កន្លែង​ប៉ុន្តែសេវាកម្ម​ល្អគឺ​មិន​ប្រាកដ​ថា​អាចជួបនឹង​ងាយ​បានជួបឡើយ។ ដោយសារ​តែនៅក្នុង​ប្រទេស​យើង​ជា​ប្រទេស​ដែល​បើក​ទូលាយ​ដល់​ការធ្វើ​អាជីវកម្ម​ឲ្យ​មាន​ការប្រកួតប្រជែង​និង​ផ្តល់សិទ្ធិ​សេរីភាពដល់​អតិថិជន​ពេញលេញ​ក្នុង​ការ​សម្រេចចិត្ត​ជ្រើសរើសយកអ្វីដែលគេពេញ​ចិត្ត​ហេតុ​នេះ​ការរក្សាទុក​អតិថិជន​​គឺជា​រឿង​ដែល​សំខាន់ណាស់ក្នុង​​ការ​សម្រេចបាន​ជោគជ័យ​ចំពោះយើង។​ អ្នក​ត្រូវធ្វើ​​ឲ្យគេ​ដឹង​ថាអ្នក​មាន​បុគ្គលិក​ដែល​យក​ចិត្ត​ទុកដាក់​និង​មិនមានបញ្ហា​ឡើយ​បើទោះ​បីជាគេមិនរើសយកផលិតផល​របស់យើង​ក៏ដោយ​ហើយ​អ្នកគោរពតាមការសម្រេចចិត្ត​របស់គេ។ ភាព​ពេញចិត្ត​ចំពោះ​ផលិតផល​អាចថា​មិនយូរអង្វែង​ទេ​ព្រោះកាលណា​បើ​គេ​រក​បានផលិតផល​ដែលល្អជាងគេនឹងទៅប្រើផលិតផល​នោះ។ ផ្ទុយ​មកវិញ​បើគេពេញចិត្តសេវាកម្ម​របស់អ្នក គេនឹងមិន​ងាយ​ដូរទៅ​ប្រើ​អ្វី​ផ្សេងឡើយ។ រក្សាទុក ដូច​ដែល​គេ​បានដឹង​ហើយ​ថា​អតិថិជន​មាន​ជម្រើស​​ ហេតុ​នេះ​បើអ្នក​មិន​មាន​ហេតុផល​ឲ្យ​គេនៅទេ​នោះ​ដៃគូ​ប្រកួត​ប្រជែង​របស់អ្នក​ច្បាស់​ជា​អាចរកហេតុផល​ឲ្យគេ​ចាកចេញ។ ដើម្បី​អាច​រក្សា​ពួកគេ​ទុកបាន ​អ្នក​ត្រូវ​បង្កើនភាព​ពេញចិត្ត​ឲ្យពួកគេ ពង្រឹងគុណភាព​ និង​សេវាកម្ម​របស់​ស្ថាប័ន​របស់អ្នក។ អ្នក​ប្រហែល​ជាត្រូវ​ចំណាយ​លុយទៅលើ​ការ​បណ្តុះ​បណ្តាល​បុគ្គលិក​ មានសិក្ខាសាលា​ ឬសម្ភាសន៍​អតិថិជន​ផ្ទាល់​រក​មតិកែលម្អ។ អតិថិជនគឺជាជំនួយ​ដល់​ការធ្វើផែនការណ៍ ការពង្រឹង​គុណភាព...