នៅក្នុងកិច្ចសម្ភាសន៍ជាមួយសារព័ត៌មាន WIRED លោក Demis Hassabis ដែលជា CEO របស់ Google DeepMind បានសង្កត់ធ្ងន់ថា គោលដៅចម្បងរបស់គាត់មិនមែនត្រឹមតែបង្កើត Chatbot ធម្មតានោះទេ ប៉ុន្តែគឺការបង្កើត AGI (AI ដែលមានប្រាជ្ញាដូចមនុស្ស) ដើម្បីដោះស្រាយបញ្ហាធំៗរបស់ពិភពលោក។
លោកមើលឃើញថា AI គឺជាឧបករណ៍ដ៏មានឥទ្ធិពលបំផុតសម្រាប់ជួយពន្លឿនការរកឃើញថ្មីៗដែលមនុស្សត្រូវការជាចាំបាច់ ដូចជាគម្រោង AlphaFold ដែលជួយរកឃើញរចនាសម្ព័ន្ធប្រូតេអ៊ីនរាប់លានសម្រាប់ផលិតថ្នាំព្យាបាលជំងឺជាដើម។
ហើយចំពោះក្តីបារម្ភរឿងការងារ លោកជឿជាក់ថា AI នឹងមិនមកដណ្តើមការងារទាំងស្រុងទេ ប៉ុន្តែវានឹងមកជួយលុបបំបាត់ការងារដែលដដែលៗនិងគួរឱ្យធុញទ្រាន់ ដើម្បីអនុញ្ញាតឱ្យមនុស្សមានពេលផ្ដោតលើការងារដែលប្រើភាពច្នៃប្រឌិត និងទំនាក់ទំនងឱ្យបានច្រើនជាងមុន។
