នៅក្នុងសង្គមដែលមនុស្សចូលចិត្តចែករំលែកគ្រប់យ៉ាងនេះ ភាពវៃឆ្លាតតម្រូវឲ្យយើងចេះកំណត់ព្រំដែន និងរក្សានូវរឿងសំខាន់ៗមួយចំនួនជាឯកជន។ ការធ្វើបែបនេះការពារអ្នកពីការវិនិច្ឆ័យ ភាពច្រណែន និងការជ្រៀតជ្រែកដែលមិនចាំបាច់។ ខាងក្រោមនេះជា ៤ រឿងដែលអ្នកគួររក្សាទុកជាសម្ងាត់៖
១. ផែនការធំរបស់អ្នក
កុំប្រកាសពីគោលដៅធំរបស់អ្នកនៅពេលដែលអ្នកទើបតែចាប់ផ្តើម។ ការនិយាយច្រើនអាចធ្វើឲ្យអ្នកបាត់បង់ការផ្តោតអារម្មណ៍ ហើយផ្តល់ឱកាសឲ្យអ្នកដទៃរារាំងអ្នក ឬលួចគំនិតរបស់អ្នក។
២. រឿងហិរញ្ញវត្ថុផ្ទាល់ខ្លួន
កុំបង្ហាញពីចំនួនប្រាក់ចំណូល ទ្រព្យសម្បត្តិសរុប ឬបំណុលរបស់អ្នកទៅកាន់មនុស្សគ្រប់គ្នា។ ភាពមិនច្បាស់លាស់ផ្នែកហិរញ្ញវត្ថុអាចនាំមកនូវបញ្ហាដល់អ្នកនូវគ្រប់ទម្រង់។
៣. ជម្លោះ ឬភាពតានតឹងក្នុងគ្រួសារ
រឿងរ៉ាវក្នុងគ្រួសារ គួរតែត្រូវបានដោះស្រាយដោយស្ងប់ស្ងាត់។ ហើយកាលណាអ្នកបើកបង្ហាញជម្លោះគ្រួសារនៅលើបណ្តាញសង្គម ឬនឹយាយប្រាប់អ្នកដទៃ គឺជាបំផ្លាញទំនុកចិត្តនិងកិត្តិយសរបស់មនុស្សជាទីស្រឡាញ់របស់អ្នក។
៤. ភាពទន់ខ្សោយ ឬភាពភ័យខ្លាចខ្លាំងពេក
ត្រូវមានការប្រុងប្រយ័ត្នក្នុងការបង្ហាញភាពភ័យខ្លាច ឬភាពទន់ខ្សោយរបស់អ្នកទៅកាន់មនុស្សគ្រប់គ្នា។ មនុស្សខ្លះអាចប្រើប្រាស់ចំណុចទាំងនេះដើម្បីទទួលបានប្រយោជន៍ពីអ្នក ឬប្រឆាំងនឹងអ្នក។
សរុបមក ថាមពលពិតប្រាកដគឺស្ថិតនៅក្នុងការអត់ធ្មត់ និងភាពថ្លៃថ្នូរ។ ការរក្សាចំណុចសំខាន់ៗទាំង ៤ នេះជាឯកជនភាព នឹងអនុញ្ញាតឲ្យអ្នកផ្តោតលើការអនុវត្តដោយគ្មានការរំខាន ហើយកសាងជីវិតមួយដែលរឹងមាំពីខាងក្នុងទៅខាងក្រៅ។
