កាលពីថ្ងៃអាទិត្យ នៅក្នុងបទសម្ភាសន៍តាមទូរស័ព្ទលោក Donald Trump បានចង្អុលបង្ហាញពីលទ្ធភាពនៃការបន្តអាណត្តិលើកទីបីរបស់គាត់ ទោះបីជាវិសោធនកម្មលើកទី 22 ដែលកំណត់ឱ្យប្រធានាធិបតីមានត្រឹមពីរអាណត្តិក៏ដោយ។ ក៏លោក Trump បានលើកឡើងថាលោក “មានវិធីសាស្រ្ត” ដើម្បីសម្រេចអាចឡើងកាន់តំណែងជាលើកទី3 បាន ប៉ុន្តែលោកមិនបានបញ្ជាក់លម្អិតអំពីចំណុចអ្វីខ្លះនោះទេ។
លោក Trump ធ្លាប់និយាយលេងសើចជាញឹកញាប់ចំពោះការឡើងកាន់តំណែងអាណត្តិជាលើកទីបី ប៉ុន្តែកាលពីថ្ងៃអាទិត្យលោកបានបញ្ជាក់ថា ”លោកមិននិយាយលេងទេលើកនេះ”។
ទន្ទឹមនឹងនេះ លោក Andy Ogles ជាសមាជិកសភាអាមេរិកដែលតំណាងឱ្យមណ្ឌលសភាទី 5 នៃរដ្ឋ Tennessee បានបញ្ចាក់ថាដើម្បីផ្លាស់ប្តូររដ្ឋធម្មនុញ្ញរបស់សហរដ្ឋអាមេរិក ដោយអនុញ្ញាតឱ្យអតីតប្រធានាធិបតីអាចឡើងកាន់អាណត្តិទីបីបាន បើការឡើងកាន់មិនជាប់ៗគ្នា។ ប៉ុន្តែដើម្បីធ្វើការផ្លាស់ប្តូរច្បាប់នេះបាន វាត្រូវមានទាមទារឱ្យមានការគាំទ្រពីសមាជិកសភា។
