មុនពេលទិញផ្ទះដំបូងរបស់អ្នក អាចនឹងមានភាពស្មុគស្មាញបន្តិច និងចាំបាច់ក្នុងការក្នុងការត្រួតពិនិត្យ ពិចារណាទៅលើកត្តាសំខាន់ៗមួយចំនួន ដើម្បីធានាឱ្យការជ្រើសរើសអចលនទ្រព្យនោះប្រកបដោយភាពវៃឈ្លាត កត្តានោះមានដូចជា ៖
ថវិកា និងលទ្ធភាព៖ វាយតម្លៃហិរញ្ញវត្ថុរបស់អ្នក ហើយកំណត់ថាតើអ្នកអាចទិញបានក្នុងតម្លៃប៉ុន្មាន រួមទាំងការបង់រំលោះ ធានារ៉ាប់រង ពន្ធលើអចលនទ្រព្យ និងថ្លៃថែទាំ។ ប្រើម៉ាស៊ីនគិតលេខដើម្បីប៉ាន់ប្រមាណការបង់ប្រាក់ប្រចាំខែនៃអចលនទ្រព្យនោះ។
ទីតាំង៖ ពិចារណាពីសុវត្ថិភាពក្នុងតំបន់នៃអចលនទ្រព្យដែលអ្នកចង់ទិញហើយត្រូវមើលពីហេដ្ឋារចនាសម្ព័នដូចជា ផ្លូវថ្នល់ មធ្យោបាយធ្វើដំណើរសាធារណៈ សាលារៀន ឬកន្លែងធ្វើការថាតើទីតាំងនៃអចលនទ្រព្យនោះជិត ឬឆ្ងាយពីកន្លែងធ្វើការពីអ្នក។
លក្ខខណ្ឌនៃអចលនទ្រព្យ៖ ធ្វើការត្រួតពិនិត្យផ្ទះប្រកបដោយប្រសិទ្ធភាព ដើម្បីពិនិត្យមើលបញ្ហារចនាសម្ព័នដូចជា បំពង់ទឹក អគ្គិសនី ដំបូល និងគ្រឹះតើមានភាពត្រឹមត្រូវដែរ ឬទេ។
ទំហំ និងប្លង់៖ គិតអំពីតម្រូវការបច្ចុប្បន្ន និងអនាគតរបស់អ្នកទាក់ទងនឹងទំហំ ចំនួនបន្ទប់គេង បន្ទប់ទឹក កន្លែងផ្ទុកសម្ភារៈប្រើប្រាស់ និងនៅបរិវេណនៅខាងក្រៅផ្ទះ។
ជម្រើសហិរញ្ញប្បទាន៖ ស្រាវជ្រាវអ្នកផ្តល់ប្រាក់កម្ចីទិញផ្ទះ និងអត្រាការប្រាក់ថាតើសាកសមនឹងស្ថានភាពហិរញ្ញវត្ថុរបស់អ្នកដែរ ឬទេ។
ការធ្វើតាមជំហានមួយចំនួននេះអាចធានាថាអ្នកនឹងធ្វើការសម្រេចចិត្តប្រកបដោយទំនុកចិត្ត និងច្បាស់លាស់នៅពេលទិញផ្ទះដំបូងរបស់អ្នក។
